Azaya 1:11 - Ika

¹¹ “Ẹjan hụ ile ụnụ a chụnyeni m, kịnị kẹ m gi wẹ e mẹ?” Ya kẹ Osolobuẹ ku. Ẹjan w'a kpọ ọkụn a gbụgụọ m, kẹ hụn wẹ gi mmụ ebulu chụn kẹ ụtọrọ anụ ndị wẹ zụntọsọnmẹ; ẹdeke okẹn-efin lẹ ebulu lẹ ewu ara sụọ m.

Azaya 1:11 ပူးပေါင်းရင်းမြစ်များ

Ẹbụ-ọma 40:6

Kẹ ẹjan kẹ oyiye onwọnni hụn ị chọ, kama y'a shịapụgụọ m ntịn nị m ghọta; kẹ ẹjan w'a dụn ọkụn kẹ ẹjan-njọ onwọnni hụn ị chọ.

Ẹbụ-ọma 50:8

Ẹlẹ ẹjan ụnụ rị a chụnyeni m kẹ m rị a jụgbọnị ụnụ, ẹlẹ ẹjan ụnụ rị a dụnnị m ọkụn ogẹn ile.

Ẹbụ-ọma 51:16

Makẹni ẹlẹ ẹjan kẹ ị chọkọ, nkẹ m'a chụnyeni i ẹjan; ẹjan wẹ dụn ọkụn ara sụọ ị.

Itẹn 15:8

Ẹjan onyẹ eje-omumẹ chụn wụ arụ ẹnya Osolobuẹ, kanị ekpere mmaka ndị ezi-omumẹ mẹ, a sụọ Osolobuẹ ụsụọ.

Itẹn 21:27

Ẹjan ndị eje-omumẹ a chụn wụ arụ ẹnya Osolobuẹ — ọrịwụzị hụn wẹ bu eje-ihiẹn obi wẹhẹ!

Itẹn 21:3

Ezi-omumẹ lẹ imẹ onyẹ ọwụlẹ k'o furu kẹ Osolobuẹ ka a nabanhan karị ịchụn-ẹjan.

Azaya 58:2

Makẹni, wẹ hụ e fe m ụhụọhịn-ụhụọhịn, e mẹ kẹ sị w'a chọka nị wẹ marịn m, nọkẹ sị wẹ wụ alị e mẹ ihiẹn rị mma, alị hụn latọlẹni ihiẹn Chuku ẹ sị a mẹ. Wẹ hụ a sị m gwa wẹ ihiẹn furu wẹ k'e mẹ, e mẹ nọkẹsị a chọka wẹ nị Chuku nọkunmẹ wẹ.

Azaya 66:3

Onyẹ hụn gi okẹn-efin chụnyeni m ẹjan hụzị e gbu ọchụn; onyẹ hụn a chụnyeni m ẹjan nwa-atụnrụn, hụzị a kpagi nkitẹ olu e ye mmọn; onyẹ hụn e ye m oyiye-ọka hụzị a chụnyeni mmọn ẹdeke ezin; onyẹ hụn a mụyeni m nsẹnsi hụzị a ja mmọn-lẹ-iyi mma. Hụn sụọnị wẹ kẹ wẹ e mẹ, arụ ile wẹ e mẹ a sụọgbu wẹ.

Jerimaya 6:20

Kịnị kẹ m gi nsẹnsi ụnụ e mẹ — ọsụọn'a alị Shẹba kẹ ụnụ gha wẹhẹ? Kịnị kẹ m gi udẹn-ọma kalamusu ụnụ e mẹ — ọsụọn'a alị tegbu enwẹn ẹ kẹ ụnụ gha wẹhẹ ẹ? Ewekọ m anụ ụnụ gi a chụnnị m ẹjan w'a dụn ọkụn; ẹjan ụnụ ara sụọ m.”

Jerimaya 7:21

“Osolobuẹ hụn ihiẹn ile rị okpuru ẹ, hụn wụ Chuku alị Izrẹlụ, sị: Ọ sụọ ụnụ, chụnma nị ẹjan ile ụnụ gi ọkụn a chụn cheni ẹjan ndị ọzọ ile ụnụ a chụnzịnị m — kanị ụnụ chụngụ, rikwọ nị ihiẹn ụnụ —

Hosia 6:6

M chọ nị ihiẹn m sụọferi ụnụ, ẹlẹ ịchụn-ẹjan kẹ m chọ; ịmarịn-Osolobuẹ kẹ m chọ karị ịchụn-ẹjan w'a kpọ ọkụn.

Hosia 8:13

Wẹ hụ a chụnyeni m ẹjan, e ri anụ a, kanị Osolobuẹ anarịnkọ ẹjan wẹ. M jẹnkọ d'a nyanhandẹ njọ wẹ, ye wẹ afụnfụn a. Wẹ k'a lakin alị Ijiptu.

Emọsụ 4:5

E wẹhẹkwọ nị brẹdi wẹ buche yisti ụnụ gi e ye ekele! E ye ni oyiye gha ụnụ obi pụha, a gwa ịhịan ile ya. E mẹchanrịnnị wẹ ile, ndị Izrẹlụ Ẹbamịn-ugu makẹni ịya wụ ihiẹn a sụọnị ụnụ!” Ya kẹ Osolobuẹ nwọn ihiẹn ile ku.

Emọsụ 5:21

“Mmẹmmẹ ụnụ e ze m ize; iko nsọ ụnụ e zu ara sụọ m.

Emọsụ 5:22

Ọsụọn'a nị ụnụ a chụnyesọnmẹni m ẹjan w'a dụn ọkụn lẹ oyiye ọka, anarịnkọ m'a; efeyekọdẹ m ẹnya anụ ndị ahụn wẹ zụntọ ụnụ gi a chụnyeni m ẹjan-ekele.

Maịka 6:7

Nị ebulu nnụ-uku sụọ Osolobuẹ ụsụọ? Ra ofigbọn-olivu rị e hu kẹ iyi nnụ ole-lẹ-ole? Nị m chụnyen'ẹ nwa-ibuzọ m gi kụ ụgwọ njọ m? Nị m gi nwa gha m ẹhụ pụha kụ ụgwọ njọ gha imẹ obi m pụha?

Hagaị 2:14

Ya kẹ Hagaị nọ sị: Osolobuẹ sị, “Ẹrịra kẹ ndịnị lẹ alịnị rụ nwan ẹnya m; ẹrịra kẹ ọrụn-ẹka wẹ ile rụzị; oyiye ọwụlẹ wẹ e ye rụ arụ.

Zẹkaraya 7:5

“Sị ndị alị Juda ile lẹ ndị nchụn-ẹjan nị m sị: ‘Ogẹn hụ ụnụ gi rị e bu ọnụ hụ, a kwan ẹkwan ifọn nke isẹn lẹ nke ẹsa, ọrọgbọ ahụa iri-kwasị ọgụn-ẹtọnị, mmẹ kẹ ụnụ bun'ẹ?

Malakaị 1:10

K'ọ rị m nwan, onyẹ ohu imẹ ụnụ a gụnma ụzọ Ụlọ-nsọ, amamgbe ụnụ ghazị a mụye ọkụn nwọnlẹni ihiẹn m gi ẹ e mẹ elu ukpo nchụn-ẹjan m! Ihiẹn ụnụ rị e mẹ asụọnị m kaka; anarịnkọ m ẹjan ụnụ. Ya kẹ Osolobuẹ ihiẹn ile rị okpuru ẹ ku.

Ọgụngụn 7:45

okoro-efin ohu, ebulu ohu ka ẹhụ lẹ nwa-ebulu ohu rị nwa ahụa — anụ ndị wẹ sikọ d'e gi chụn ẹjan w'a dụn ọkụn;

Matiu 22:4

O zizi idibo ọzọ, sị, ‘Gwa nị ndị hụ wẹ kpọ oriri, sị, “Lee n'ẹ, a kwademẹgụọ m oriri m; e gbuọlẹ m okẹn-efin m lẹ ụmụ-efin m zụntọ. A kwademẹgụọ m ihiẹn ile; bịa nị oriri-agbamẹkụkwọ hụ.” ’

Matiu 9:13

Jẹn ni d'a mụ ihiẹn okuni rị Ẹkụkwọ-nsọ wụ: ‘Omikẹn kẹ m chọ, ẹlẹ ịchụn-ẹjan.’ Makẹni, ẹlẹ ndị ezi-omumẹ kẹ m bịa d'a kpọ, kama ndị njọ.”

Samuẹlụ Nke Ibuzọ 15:22

Kanị Samuẹlụ nọ sị a, “Ẹjan w'a dụn ọkụn lẹ ẹjan mmaka kadẹ nwan Osolobuẹ a sụọ karị igi oku ẹ dọn ra? Lee ẹnya, ihumẹ-isi ka ịchụn-ẹjan mma; i mẹ ihiẹn wẹ sị ị mẹ ka iye ụtọrọ ebulu mma.