Azaya 1:10 - Ika

¹⁰ Gọn ni ntịn ihiẹn Osolobuẹ rị e ku, ụnụ ndị-isi Izrẹlụ, makẹni ụnụ lẹ ndị-isi Sodọm wụ ohu! Gọn ni ntịn Iwu Chuku ẹnyi, ụnụ ndị Izrẹlụ, makẹni ụnụ lẹ ndị Gomora wụ ohu!

Azaya 1:10 ပူးပေါင်းရင်းမြစ်များ

Jẹnẹsisi 13:13

Bụ ndị Sodọm e mẹ njọ ọda-ọda. W'e mẹ ihiẹn Osolobuẹ sị w'e emẹlẹ e mẹshi ẹ ikẹn.

Azaya 28:14

Nụ nị nwan oku Osolobuẹ, ụnụ ndị-nlelịa hụn rị a kị ndịnị rị Jerusalẹm:

Azaya 3:9

Ihun wẹ hụ a shịagbu wẹ ẹri: wẹ hụdẹ e ghoro njọ wẹ nọkẹ ndị Sodọm; w'a ra zuemẹ ẹ. Nsọngbu rị e che wẹ! E sehẹgụọnị wẹ enwẹn wẹ ntikpọ.

Azaya 30:9

Makẹni, ndị nnupụ-isi kẹ ndịnị wụ — ụmụ hụn a tụ ntụ, ụmụ chọlẹni nị wẹ nụ ihiẹn Osolobuẹ rị a gwa wẹ.

Azaya 33:22

Makẹni Osolobuẹ wụ onyẹ a hannị ẹnyi eṅẹn; Osolobuẹ wụ onyẹ e ye ẹnyi iwu; Osolobuẹ wụ eze ẹnyi. Ịya jẹnkọ d'a zụọpụha ẹnyi.

Azaya 8:20

Jẹn ni d'e kunrun Iwu Osolobuẹ lẹ ihiẹn ile ọ gwa ụnụ! Omẹni oku ịhịan gwa ụnụ lẹ Iwu Osolobuẹ a dangbamanị, ịya wụ nị ukpẹ arị imẹ wẹ.

Jerimaya 23:14

A hụnzị m nwan ihiẹn a gba ẹnya-mirin ẹka ndị amụma Jerusalẹm: Wẹ rị a ghẹrẹ, e gi ntụ e bi. Wẹ hụ a kwadọn ndị eje-omumẹ, hụn o gi mẹni onwọnzini onyẹ a latọ eje-ihiẹn. Wẹ ile rị nwan kẹ alị Sodọm ẹnya m; ndị Jerusalẹm rị nwan kẹ alị Gomora ẹnya m.”

Jerimaya 9:26

ndị Ijiptu, ndị Juda, ndị Ẹdọm, ndị Amọnụ, ndị Mụabụ, uwẹ lẹ ndị ile bi atụ rịsọnmẹ ebe teni hụn a kọ ẹtu azụụnnị lẹ azụụnnị. Ndị alị ndịnị ile akwanị ugun nke-esi — nọkẹ kẹ ikpụlọ Izrẹlụ ile dọnlẹni kwa ugun imẹ obi wẹ.”

Izikẹlụ 13:2

“Nwa-ịhịan, bu amụma ihiẹn m jẹnkọ d'e mẹ ndị amụma hụ rị e bu amụma ndị hụ imẹ Izrẹlụ. Gwa wẹ ile rị e ku ihiẹn rị wẹ obi, a sị nị wẹ rị e bu amụma, sị wẹ: Gọn ni ntịn ihiẹn Osolobuẹ ku!

Izikẹlụ 16:35

“ ‘Yụ wụ ịgbaraja, gọn nwan ntịn ihiẹn Osolobuẹ rị e ku!

Izikẹlụ 16:46

Nwẹnẹ i okpoho-kanị wụ Sameria hụn ya lẹ mmụ a bi i ẹbamịn-ugu; nwẹnẹ i okpoho hụn-nta wụ Sodọm hụn ya lẹ mmụ a bi i ẹbamịn ndịdan.

Izikẹlụ 16:49

“ ‘Lee njọ nwẹnẹ i okpoho wụ Sodọm mẹ: Ya lẹ mmụ a ikpoho a pache apache, e rikarị enwẹn wẹ, e bi kẹ sị nsọngbu arịa — kanị eyenini wẹ ndị igbẹnnyẹ lẹ ndị elu rị a fụ ẹka.

Emọsụ 3:1

Ndị Izrẹlụ, nụ nị ihiẹn Osolobuẹ sị nị ịya kẹ ụnụ mẹ, “Ihiẹn alị Izrẹlụ ile m gha alị Ijiptu wepụha mẹ hụn rị e ze m ize:

Emọsụ 3:8

Ẹwọrọ e dẹngụọ; onyẹ kẹ egun jẹnkọlẹni d'a tụ?! Di-nwọnni-ẹnyi wụ Osolobuẹ e kuọlẹ oku; onyẹ jẹnkọlẹni d'e bu amụma gwa wẹ ihiẹn o ku?!

Emọsụ 9:7

Ọ sị: Ẹnya m, kị rịdẹ nwan ichẹn imẹ ụnụ ndị Izrẹlụ lẹ ndị Ẹtiopịa? Mmẹ gha alị Ijiptu wepụha ndị Izrẹlụ, ẹlẹ ịya? Kanị mmẹ ghazị alị Kaftọ wepụha ndị Filistia; mmẹ ghazị alị Kiri wepụha ndị Aram.

Maịka 3:1

M nọ sị: Gọnkwọ nị ntịn, ụnụ ndị-isi ebọn Jekọpụ, ụnụ ndị-ọkịkị alị Izrẹlụ! Ụnụ te furu hụn a marịn ihiẹn rị mma.

Ndị Rom 9:29

Ẹrịra kẹ Azaya dọnzi ku ẹ mbụ, sị, “Omẹni Osolobuẹ ihiẹn ile rị okpuru ẹ ete nịnị wẹ gbuhọdụnị ẹnyi ụmụ, nkẹ ẹnyi a nọgụọ kẹ Sodọm, nkẹ ẹnyi a nọgụọ kẹ Gomora.”

Ditrọnọmi 32:32

Vaịnị eje-alị Sodọm mẹ kẹ wẹ wụ, vaịnị ugbo eje-alị wụ Gomora; Ogbe wẹ wụ nshi-nshi, ọhịọ wẹ e lu ilu.

Rẹvẹleshọnụ 11:8

Ozun wẹ k'a rị ụzọ ụwaya kanị rị obodo uku hụ wẹ gi “Sodọm” lẹ “Ijiptu” marịn imẹ-mmọn, obodo ohu hụ wẹ nọ kpọgbu Di-nwọnni wẹ.