Tito 2:8 - Ignaciano

⁸ Táuri eta pímive­ha­pi­si­rayare eta jácani péchaji­ri­si­ra­vanaya, apaesa tacuija nacuviyava eta nacaeca­hi­ravina ena piánaranahi, titsiri­ha­via­na­ya­rechucha táicha.

Táurinakene máechejiriruwa’i ema Viya tikaijare

⁸ táuri eta pímive'apisirayare eta jákani péchejirisirawanaya, apaesa takuija nakuviyawa eta nakaeka'iravina ena piánarana'i, titsiri'avianayarechucha táicha.

Tito 2:8 ပူးပေါင်းရင်းမြစ်များ

Marcos 12:17

Tacahe, máichavarepa: —Tiuri. Táuricahi íjaraca ema Presidente Emperador eta juca mayehe­richuhi éma. Tásiha, íjara­cavare ema Viya eta mayehe­ri­chu­hivare éma —máichavacapa. Te nasamapa ema Jesús eta majica­pi­ra­vacahi, náramipa eta máitupa­ji­jia­si­ravahi.

Marcos 12:28

Tacahe, matiari­hi­hivare ema émana escribáno. Masama­ra­racahi eta nacana­ra­ji­ri­si­ra­cacahi. Máimati­vanepa eta táurivahi eta majica­pirahi ema Jesús. Tásihasera, tíjara­cavahi mayasereca ema Jesús, ánipa maicha: —Tata, nuvaraha pimeta­canuini ¿tájahapuca eta vanairipi tisuapa­ca­re­panahi tayehe eta mavanai­ripiana ema Viya? —macahepa.

Marcos 12:32

Tacahe, máichapa ema escribáno: —Yátupiquene, tata maestro, tétupi­cavahi eta péchaji­riruva. Yátupihi eta macari­chuirahi ema Viáquenu, eta nájinairahi apanai­nahini Viáquenui­nahini.

Marcos 12:34

Ema Jesús máimatie­que­nehapa eta táuriva eta majicapira ema achane. Tásiha, máichapa: —Píti piánehi eta píjara­si­ravaina eta péhisi­rayare ema Viya —máichapa. Tacahe, nájinapa náijara­ca­vahini nayase­re­cahini ema Jesús eta náemeje­ca­pa­va­chi­ra­yarehi éma.

San Lucas 13:17

Eta nasamirahi ema Jesús, namutu ena ticatia­na­canahi titsiri­ha­na­rinehi. Énasera ena apamuriana achaneana tiúrisa­mu­rea­na­rinehi, taicha eta náimairahi eta táurica­ca­re­queneana máichaque­neanahi ema Jesús.

2 Tesalonicenses 3:14

Te natiari­hi­napuca nácani vahi nacusuapa eta vivanai­ri­pianahi te juca carta, ecauneyare éna. Tásiha, emetacapa ena echamuriana vaipa nacucachane éna, apaesa nátsirihaichu ena nani eta namasua­pa­ji­raivahi.

1 Timoteo 5:14

Eta tacahe, ena tépenai­manahi amape­rua­na­richaha, nuvaraha nápechava nacaimavare, nacachicha, nacaena­carehi te peti, apaesa tacuija nacucayema ena ticune­rahiana.

1 Timoteo 6:3

Natiari­hi­napuca ena nácani navaraha tímitu­recana eta apana doctrina. Nahapa­pi­cainapa eta vímitu­rapiana, tájinasera vahi taveha­pi­caimahi eta juca yátupi­que­neanahi tásiha­que­neanahi mayehe ema Viáquenu Jesucristo.

Tito 3:14

Pímitu­cayare ena vichamuriana eta achane­sa­mu­re­vacaina, máejeraréna eta nacaji­raivaina nayehe ena achaneana. Yátupina náitaucha eta nacamu­nu­ca­re­vanahi.

1 Pedro 2:12

Iúrihisera eta ecacha­ne­ra­richaha ena achaneana te juca apaquehe máimati­ra­hanahi ema Viya. Tayana­pa­nerine ticatia­na­caheana, técheji­canahi eta eyehe ecutihi ena máurita­re­sirana náicha. Ímere­ca­ya­resera eta iúrivahi apaesa éna nacuna­chayare ema Viya, navara­hainapa náehica ema Cristo taicha náimahahi eta táurivahi eta ítare­si­ranahi.

1 Pedro 2:15

Taicha ema Viya, éta mavarahahi íchayare eta táuriqueneana apaesa ecama­ti­nacaya ena máecharaireana nácani téchaji­canahi eta eyehe.

1 Pedro 3:16

Tátupiruva tamutu eta íchaqueneana, táurivare eta náimairahena namutu ena achaneana, apaesa ecama­tinaca nácani téchaji­sia­ra­ca­heanahi eta táurivahi eta éhisirahi ema Jesucristo, nátsiri­hapaini eta náechaji­jisira.