Romanos 7:9 - Ignaciano

⁹ Eta viámape­ru­vaichaha apaicape, vuíchaha vímatihini eta vanairipiana. Téhesera te vímatie­que­nehapa, visamavapa eta tatiarihipa eta véjeca­pi­ravahi eta vimaitau­chirahi eta vanairipiana. Tásiha, véchapa eta vépeni­rayare, tatiari­hirahi eta vícuchihi eta vícuña­yarehi.

Táurinakene máechejiriruwa’i ema Viya tikaijare

⁹ Eta viámaperuwaicha'a apaikape, wicha'a vímati'ini eta wanairipiana, té'esera te vímatiekene'apa, tási'a, véchapa eta vépenirayare, tatiari'ira'i eta víkuchi'i eta víkuñayare'i taichavene eta vipekaturana,

Romanos 7:9 ပူးပေါင်းရင်းမြစ်များ

San Mateo 19:20

Tacahe, ema achane majicapapa: —Tamutu eta juca nusuapahi nítauchahi. ¿Tájaha­se­rapuca eta jácani néjeque­rui­chahahi? —macahepa.

San Lucas 15:29

Majica­pa­pasera ema machicha, ánipa maicha: “Pímaha, tata. Ánaquiapapa eta nítatí­ravihi núti. Tájina nímati­yahini nácapae­ma­cha­vihini te pivanai­ripiana. Tásihasera, tájina píjara­ca­nuhini eta étanai­nahini chívachi­chai­na­pucaini eta nunicahini nucapie­sta­ra­hi­pucaini núti, nácacha­nehini ena nájiriareana némuna­ca­sareana.

San Lucas 18:21

Tacahe, ema achane majicapapa: —Tamutu nusuapahi eta juca vanairipiana eta námape­ruvahi, puíticha juca ajaira­nuirapa —macahepa.

Romanos 10:5

Émarichuhi ema Moisés, muracahi eta matupa­ra­sirahi ena achaneana, ánipa macahe: “Éti, tapami­ruanahi eta ítauchi­ra­yarehi tamutu eta vanairipiana. Te yátupipuca ítauchahi tamutu sácheana, te tájinapuca eta éjeca­pi­ra­vainahi, tásiha ejaca­pa­ca­renapa me Viya” macahepa. Nájinasera nárata­hahini náitauchahini eta vanairipiana.

Romanos 7:10

Tacahe, víti vímija­chaipahi viúchucu­hayare te vítaucha­papuca eta vanairipiana. Tájina­chu­chasera táijara­ca­ha­vihini eta viúchucui­rai­nahini. Étachucha tiámapa­ráu­chahavi tayehe eta vépeni­ra­yarehi.

Romanos 7:11

Téhesera te amahe eta visamure, jararihi eta pecatu. Tavayua­ra­ca­ha­vipaipa, tacama­pu­rai­ravahi eta tatiari­hirahi eta vanairipiana, taicha tavaraha táimica­pa­cahavi.

Romanos 7:4

Ene ecahehi eti nupara­pe­naveana. Ema Cristo, máepeni­nahehi te crusu, macaepa­haripa eta tapami­si­ra­hénihi eta vanairipiana. Puiti émapa téchahehi ema Cristo. Ecutiripa esu esena suépenai­maquene te tiápechava ticaima, tásiha apanapa ema téchahi ésu. Puiti mavana­ra­heripa ema Cristo, ema máechepu­re­quenehi te máecari. Mavarahahi ichape­yarehi eta ecaema­ta­nea­siraina eta mayehe ema Viya.

Romanos 7:6

Puítisera vaipa tapami­ca­ha­vihini eta vanairipiana. Puiti viúchucurepa eta ichasi vítare­siraini. Émapa vicaema­ta­nea­cayare ema Viya taicha tépana­varipa eta arairu vítaresira eta mávahá­si­ra­ha­viripa ema Espíritu Santo.

Romanos 7:8

Téhesera te vímatipa eta juca vanairipi, viápaju­cavapa vijamuracha tamutu eta vímaha­queneana tájipa­racana. Te tacuijahini eta juca vanairipiana, váhiri­chuhini vicuja­mu­ra­chahini eta apayeheana.

Romanos 8:7

Nácani napane­re­chaichucha eta tavara­ha­queneana eta náquehe, éna macatia­na­ruanahi ema Viya. Taicha váhiquene návara­haimahi nasuapa eta mavanairipi.

Gálatas 3:10

Natiari­hisera ena tímija­cha­vanahi tijaca­pa­ca­rea­nayare me Viya táichavenehi eta navarairahi náitamu­turuca eta vanairipiana. Téjecapava­na­pa­hisera. Taicha ani tacahe eta vanairipi: “Tamutu sácheana ítauchayare tamutu eta juca vanairipiana. Te éjequiha apaesa­chichaina, éta tímicu­ña­ca­heyare”. Váhique­nesera narata­hahini náitaucha tamutu eta vanairipiana. Eta tacahe, náviraichu ticaicuñaya, vahi tijaca­pa­ca­rea­naimahi. Ánivare tacahe eta vanairipi: “Te ítamu­turuca eta vanairipiana, máichecua­ra­qui­reyare eta ítare­si­rayare táicha”. Tásiha, vímatie­queneha eta juca: Eta náitamu­tu­rusira ena achaneana, éta tavaraha eta vanairipiana. Tájina étapa­racaina eta nacasi­ñairava me Viya. Ánisera tacahe eta Sagrada Escritura: “Nácani ticasi­ña­vanahi me Viya, tijaca­pa­ca­reanahi, máichecua­ra­qui­reyare eta náitare­siraya táicha”. Tásiha, nuvaraha ácaicutiara eta juca: Eta vijaca­pa­ca­revahi tásihahi eta vicasi­ña­vairahi me Viya. Eta vítauchi­rapuca eta vanairipiana, tájina étapa­ra­cai­nahíni tayehe eta vijaca­pa­careva me Viya.