San Mateo 12:48 - Ignaciano

⁴⁸ Émasera majicapapa: —Yátupi némuna­ca­vacahi esu meme, énapa ena nupara­pe­naveana. Narari­hisera ani te juca nuchacaya ena némuna­rua­na­hivare, nupara­pe­na­veanahi.

Táurinakene máechejiriruwa’i ema Viya tikaijare

⁴⁸ Taka'e ema majikapapa: –¿Nája'a esu meme, nája'apuka ena nuparapenaveana?

San Mateo 12:48 ပူးပေါင်းရင်းမြစ်များ

San Mateo 10:37

Nácanisera tínaji­cavana eta náehisi­ranuhi táichavenehi eta nacatia­nasira ena nachicha­naveana, váipa tatupa­ra­cahini nuchane­ra­nai­nahini. Énaripa nácani tínaji­cavana eta náehisi­ranuhi táichavenehi eta nacatia­nasira ena náiyana, éneri­chuvare vaipa tatupa­ra­cahini nuchane­ra­nai­nahini.

San Mateo 12:47

Natiarihihi ena timeta­pa­nanahi ema Jesús. Ánipa nacahe: —Esu pémuna­ru­quenehi pena énapa ena pipara­pe­naveana, nararihi ani te aneca. Navarahahi téchaji­caviana —náichapa.

San Mateo 12:49

Tásiha, tisuve­cha­havipa viti mayeheana apóstoleana. Tásiha, macahepa: —Numetacahe, ena nani ena némuna­rua­na­hivare.

San Lucas 2:49

Tacahe, ema Jesús majicapapa: —¿Tájaha tacayema, meme, eta etanu­ji­ri­canuhi? ¿Váhipuca échahini éti eta návihairahi eta ani? Níchayare eta máemataneana ema Tata —macahepa ema Jesús.

San Lucas 2:52

Tacahe, ema Jesús tijuru­capaipa, tijuru­ha­ca­pai­pavare eta máquehe, tacacha­ne­pa­hisera eta máitupa­ji­jia­si­ravahi. Máimica­tacahi ema Viya. Tétavi­ca­va­hivare eta náemuna­sirahi éma, ena achaneana.

2 Corintios 5:16

Eta tacahe, viti véhica­naripa ema Cristo, étainapa vipane­re­chayare eta vítsiva­chiraipa eta vítaresira. Vaipa véhicaimahi eta apana panereruca tayeheanahi te juca apaquehe. Étaripa cape juca viásine­quenehi váhirichu visuapa­pa­ji­cahini ema Cristo, vímija­cha­richucha éma vicutihi viti achanea­nasami. Puítisera vaipa tácahehi eta vipane­reruana. Visuapahi émairahi Machicha­quenehi ema Viya.