San Lucas 7:38 - Ignaciano

³⁸ Tépuyucapa te máivapeana ema Jesús. Tíyaha­cavapa, táetsipa­pa­pe­vachapa eta sutsera. Suájahapa te suchutimaca. Tásiha, suépusa­pe­va­chavare eta suámaque­nepahi perfume, sutsiuca­pe­va­chavare.

Táurinakene máechejiriruwa’i ema Viya tikaijare

³⁸ Tiya'apa'i tépuyukapa te máiwapechakaya ema Jesús, tási'a tépanawapa tíya'akawapa, táetsipapapewachapa eta sutsera. Taka'e suájipewachapa te suchutimaka, suetserarekapa eta maiwapeana, tási'a, suépusapewachapa eta perfume.

San Lucas 7:38 ပူးပေါင်းရင်းမြစ်များ

San Mateo 5:4

Ena nani tijapa­nu­ji­ri­ca­vanahi, tétavi­cavahi eta náurica­careva taicha émaripa ema Viya macuri­sa­mu­re­cha­va­cayare.

San Lucas 22:62

Tásiha, tiúchuca­vanepa ema Pedro. Tíyahapa taicha máimati­vanepa eta táichapevahi eta máejeca­pi­ravahi.

San Lucas 6:21

Eti ejamu­rachahi puiti eta ítare­sirahi eta matapi­ra­va­recare te mamirahu ema Viya, tétavi­cavahi eta iúrica­ca­re­va­yarehi taicha tíjara­ca­heyare éma eta evara­ha­quenehi. Eti íyaucha­vanahi puiti taicha eta epeca­turana, tétavi­cavahi eta iúrica­ca­re­va­yarehi. Títeca­painapa eta evapi­na­vairaya, écavainapa, taicha eperdo­na­cha­careya me Viya.

San Lucas 7:37

Susamai­ri­ricapa esu ésuna esena tisipe­ca­tu­ra­ra­hinihi eta matiari­hirahi ema Jesús te mapena ema fariseo. Tásiha, tiyanapa supauchahi ema Jesús. Suámapaipa eta bótechicha. Tínicapahi eta táijiyequene perfume tasiva­cha­quenehi.

San Lucas 7:39

Tacahe, eta máimairahi ema fariseo eta juca, mapane­re­que­nehapa. Téchajicapa te masamure: “Te yátupi­nahini profetai­nahini ema maca, máimatia­ca­ri­pahini esu suca esena eta susipe­ca­tu­ra­rai­va­ta­tajihi. Vahi táuricahini suémama­cahini” macahe­sa­murepa.

San Juan 11:2

(Esu suca María, ésuhi esu tisipa­pe­vachahi ema Jesús tayehe eta táijiye­quenehi perfumeama. Suájape­va­cha­hivare te suchutimaca.)

Santiago 4:9

Puiti, éneuchava me Viya. Íyauchava táichavenehi eta éjeca­pi­ra­vanahi. Vaipa ecueca­rai­ricava, vaipa ecuri­samure eta íchira eta tamauri­queneana. Ácati­sa­mu­re­vasera táichavenehi eta tamutu eta tamauri­queneana íchaque­neanahi.