Hechos 8:9 - Ignaciano

⁹ Te jena avasare Samaria, matiarihihi ema émana achane ticaijare Simón. Iápemarehi éma. Ánaquia­paripa eta macaete­ma­ji­ri­si­ra­vacahi ena achaneana. Títupa­ji­jiá­cavahi tépiyacava éma.

Táurinakene máechejiriruwa’i ema Viya tikaijare

⁹ Matiari'i ema achane tikaijare Simón, iápemareni'i ema. Tási'a ichapemuri eta mawayuasirawa'i, makaetemajirisirawaka'i ena achaneana tikawasana'i te Samaria, títupajijiakawa'i tépiyakawa ema.

Hechos 8:9 ပူးပေါင်းရင်းမြစ်များ

San Juan 7:18

Mácani achane émaji­ri­cavahi téchaji­sihava, mavarairahi ticuna­cha­ca­re­yarehi. Nútisera, eta nuvarairahi ecuna­chayare ema Tata tivane­canuhi, vahi népiya­hi­ra­himahi. Nutupi­ruvahi néchajisiha eta yátupi­queneana tisuapa­careana.

Hechos 13:6

Tamutu napaica eta táichapevahi eta tiúrupuhi. Títeca­panapa te avasare ticaijare Pafos. Ánaqui matiarihihi ema émana israelíta ticaijare Elimas Barjesús. Iápemare ema maca. Tépiya­hi­ra­hivare tímija­chavahi máimati ema Viya.

Hechos 13:8

Émasera ema maca iápemare macatia­na­ca­vacapa éna. Mayurucapa ema Prefecto eta vahi macusuapa eta máechaji­riruva ema Viya.

Hechos 5:36

Échapuca éti cape juca táitare­sirahi, téchepucahi ema émana achane ticaijare Teudas. Éma macahehi eta máitupa­ji­jiá­si­ravahi. Tásiha, camuriana ena achaneana téhicanahi. Cuátrocie­ntoanahi ena ajairana ena machane­ranahi. Tásihasera, nacapacahi ena mánarana. Tásiha, namutu ena téhica­nainihi téjane­re­pai­canahi. Títavapa tamutu.

Hechos 8:11

Ánaquia­paripa eta mavayua­ra­si­ra­vacahi éna, tayehe eta mahiápe­ma­revahi. Eta tacahe, napicauchahi éma.

2 Timoteo 3:2

Taicha tivayu­cha­vainapa eta náichirayare eta najamu­ra­raivana. Tavayua­cainapa eta plata. Ticasi­ña­va­nainapa, navayu­chayare eta náechaji­ri­si­ravana. Tipana­ra­rahiana. Éneri­chuvare, masuápa­ji­rái­ra­há­nainapa nayehe ena ticachichana. Tájinainapa eta náitsiri­ji­rá­pinaya. Váipavare napicau­chaimahi ema Viya, nasapi­ha­ya­rechucha nacaeca­hiyare éma.

2 Timoteo 3:5

Narari­hipuca ena tímija­cha­va­nainapa yátupi­nahini nácaijuhe ema Viya. Váhisera náunacaimahi eta máechaji­ri­ruvana, váhivare tísapa­va­naimahi máemetu­pirucha ema Espíritu Santo eta napane­reruana. Puítiripa nararihipa ena achaneana, étapa návacuha eta juca. Pérajicava eta nayehe ena nani. Vahi picuimi­siapava nayehe.

2 Pedro 2:18

Ena téchaji­sia­vanapa ticuna­cha­vanapa eta náichaqueneana napeca­tu­ranahi náituru­reanahi. Náimina­ji­capaipa nácani náiture­va­napahi eta táurivai­ni­ripahi eta náehisirahi eta táuriqueneana, tichava­napaipa tayehe eta tamaepe­ra­ji­vanahi eta náitaresira.

Apocalipsis 22:15

Énasera ena masuapa­ji­rai­ra­hanahi vahi títuji­ca­va­naimahi tisiapana. Nanasiyare te aneca, énapa ena iápemareana, ena túhusiana, ena ticapahiana, ena ticasi­ña­rajiana eta achane­mirana, éneri­chuvare ena tiúricanahi tépiya­hi­rahiana ticaete­ma­rahiana.