Hechos 4:10 - Ignaciano

¹⁰ Vimeta­ca­heyare puiti. Vivaraha vémecha­heyare, eti énapa namutu ena achaneana te juca viávasa Israel. Ema maca achane, ímaha­quenehi eta manara­sirahi. Vivaraha vímima­tichahe eta máitupa­ji­jia­sirava ema Jesucristo ema Nazareno tacana­racahi eta vipiara­sirahi te máijare. Éma, émeta­táruhi te crusu, ecaparuhi. Émasera ema Viya macaeche­pucahi te máecari.

Táurinakene máechejiriruwa’i ema Viya tikaijare

¹⁰ Vimetaka'eyare puiti, viwara'a vémecha'eyare, eti énapa ena achaneana te juka viáwasa Israel. Ema maka achane, íma'akene'i eta manarasira'i, viwara'a vímimaticha'e eta máitupajijiasirawa ema Jesucristo ema Nazareno takanaraka'i eta vipiarasira'i te máijare ema, émetataru'i te crusu, ekaparu'i, émasera ema Viya makaechepuka'i te máekari.

Hechos 4:10 ပူးပေါင်းရင်းမြစ်များ

San Mateo 2:23

Te títeca­panapa, ánaqui étapa náejasihahi. Tacahehi eta táitauchi­ravahi eta táechaji­ri­ru­vanahi eta Sagrada Escritura nájureanahi ena profetanaini eta macaija­re­ra­yarehi Nazareno ema Jesús.

San Lucas 18:37

Nameta­ca­pasera eta émairahi tiánucu­ha­yarehi ema Jesús Nazareno.

Hechos 2:32

Puíticha, ema Viya macaeche­pucahi ema maca Jesús. Tásiha, viti véchaji­sihahi eta juca taicha vímaha­quenehi eta mápechi­ravahi títareca.

Hechos 2:36

Tiuri puiti, emutu eti nujaneanana israelítana, nuvaraha ímatiyare ema Jesús émeta­taruhi, émara ema Viáquenu, émaira­hivare ema Cristo, maicha ema Viya —macahepa ema Pedro eta máechaji­ri­ruvahi.

Hechos 28:28

Ácaicu­tia­ra­quenéna éti, puiti juca vicaijuheya vimetacaya ena apava­sanana eta mavarairahi macuchu­cuhaya éna apana ema Viya. Tásiha, éna nasapi­hayare nasama­ra­ra­cayare —máichavacapa ema Pablo.

Hechos 3:6

Tásiha, ema Pedro máichapa: —Tájina nuviya eta plata níjara­ca­vihini. Jucari­hisera eta juca nucata­ji­ca­viyare. Nucana­ra­ca­viyare. Táichavene eta máitupa­ji­jiá­sirava ema Jesucristo ema Nazareno, nuvanecavi: Péchepuca, pipaica —máichapa.

Romanos 1:4

Natiari­hi­hisera ena ticatia­na­canahi éma. Náimica­pacahi éma. Émasera ema Espíritu Santo, tiárami­carehi eta macaeche­pu­sirahi éma te máecari. Étapa tímereuchahi eta yátupi­que­nérahi Machicha ema Viya.