Hechos 14:8 - Ignaciano

⁸ Te jena avasare ticaijare Listra, matiarihihi ema émana achane masarihi eta máitare­sirahi. Vahi táurihini tipaica, taicha máimiuchurehi eta mamasa­rivahi.

Táurinakene máechejiriruwa’i ema Viya tikaijare

⁸ Te jena awasare tikaijare Listra, matiari'i'i ema émana achane masari'i eta máitaresira'i, wa'i táuri'ini tipaika, taicha máimiuchure'i eta mamásariwa'i. Ema maka achane tejaka'i,

Hechos 14:8 ပူးပေါင်းရင်းမြစ်များ

San Juan 5:7

Tásiha, ema achane majicapapa: —Nuvaraha, tata. Nájinasera ticasia­pa­nuimahi tayehe eta noque, te tiyamurieca eta une. Ticachu­ri­ca­nua­na­paraca ena apamuriana nucuti­queneana nacaju­ma­queneana —máichapa.

Hechos 14:21

Te títeca­panapa tayehe eta avasare Derbe, nanasi­panapa tayehe. Ticame­ta­rai­ruanahi eta máechaji­riruva ema Viya. Camuriana ena tisuapanahi téhicanahi ema Jesús. Te tamutupa eta náimitu­si­ra­vacahi, tiyana­na­varepa tichava­napaipa eta te avasareana náimitu­re­si­nepahi eta te Listra, te Iconio, étapa te Antioquía Ichipichu.

Hechos 14:6

Énasera, ema Pablo émapa ema Bernabé, te nasamai­ri­ricapa, tijunanapa nacaijuhepa eta te provincia ticaijare Licaonia. Ánaqui ticame­ta­rai­ruanapa tayehe eta avasare Listra, tásiha, tiyana­na­varepa te avasare Derbe, étapa te avasareana tachaca­ya­ra­hanahi.

Hechos 16:1

Tacahe, ema Pablo émapa ema Silas náejira­va­capaipa ena nachamuriana ticava­sanahi te Derbe. Tásiha, tiánucu­ha­na­varepa te Listra. Ánaqui te Listra matiarihihi ema Timoteo, suchicha esu ésuna esena israelíta, téhica­hivare ema Jesús. Émasera ema maiya, apava­sanahi griego éma. Ema maca Timoteo émari­chuvare téhicahi ema Jesús.

Hechos 3:2

Matiarihi ema achane masari. Máimiuchurehi eta mamásariva. Tamutu sácheana nanapana eta te Templo. Nanaquica eta te ichapepana tapaja ticaijare Tiúrinapana, mayase­se­re­si­ha­yarehi eta limosna nayehe nácani achaneana tisiapa­napahi.

Hechos 4:9

Evaraha echa eta juca táuriqueneana táichara­cavahi eta vicana­ra­sirahi ema maca achane macaju­ma­que­nenihi.

2 Timoteo 3:11

Péchahivare eta náichiranuhi ena achaneana, eta nucata­ji­vairahi náicha. Ichape­murihi eta napana­ji­ri­si­ranuhi eta te avasareana Antioquía Ichipichu, te Iconio, étapa te Listra. Émasera ema Viya ticatiu­chanuhi tayehe eta juca náichira­nuanahi.