Hechos 1:24 - Ignaciano

^24-25 Tacahe, tiyuja­ra­canapa, ánipa nacahe: —Tata Viáquenu, piti pímati eta visamureana vimutu. Pímechahavi nájahapuca ema tiuri nayehe ena nani apinava vinere­ji­ruanahi máitsivayare ema máemitiaruhi apóstoleni Júlasi, táimicu­ñaruhi eta mapecatura —nacahepa.

Táurinakene máechejiriruwa’i ema Viya tikaijare

²⁴ Tási'a tiyujarakanapa, ánipa naka'e'i: “Tata, piti pímati eta visamureana vimutu viti, pímecha'avi nája'apuka ema tiuripa naye'e ena nani apinawa vinerejiruana'i

Hechos 1:24 ပူးပေါင်းရင်းမြစ်များ

San Lucas 16:15

Tacahe, ema Jesús máichavacapa: —Éti épiya­cavahi iuri eta ímairavahi nayehe ena achaneana. Émasera ema Viya máimatihi eta esamureana. Macatia­nacahi ichape éma eta apimi­ra­hérahi.

San Juan 21:17

Te táequene­varepa, mapahequene mayasereca: —Pedro, ¿yátupi eta pémuna­siranu? —máichapa. Émasera ema Pedro titsirihapa taicha mapaheripa eta mayase­re­sirahi. Majica­pa­varepa: —Pécharichuhi, Tata, eta némuna­si­ravihi —macahepa. Tásiha, máichavarepa ema Jesús: —Tiuri, te yátupi­hipuca pémunacanu, pijanea­si­na­nu­va­cayare ena téhica­nuanahi.

Hechos 14:23

Éneri­chuvare, natanucapa ena nayehea­napachu pastor nácani náijamu­ripachu. Téchana­yarehi eta nayuja­ra­sirana. Tacahe, natupa­racapa eta návacu­reanaya. Te tamutupa eta natupa­ra­si­ra­vacahi, tiyuja­ra­canapa nahayu­na­cha­varepa, nayaseacapa ema Viya eta majanea­siraina táurivaina eta náehisiraya namutu ena ticasi­ña­naripa ema Viya.

Hechos 15:8

Ema Viya máimatihi eta nasamureana ena apava­sanana eta nasuapirahi. Tásiha, máimerecahi eta majaca­pi­ra­vacahi eta mávahá­si­ra­vacahi ema Espíritu Santo tacutihi eta mávahá­si­ra­havihi víti.

Hechos 6:6

Tacahe, náichuhapa te namirahu ena apóstoleana. Tásiha, nanacapa eta navahuana te nachutiana, nayuja­rauchapa, náijara­sihapa eta náemata­ne­re­pi­yarehi.

Romanos 8:27

Émasera ema Viya máimatihi eta visamureana jácani vivara­ha­queneana viyaseaca, étaripa eta mayasearapi ema Espíritu Santo. Taicha ema Espíritu Santo máimatihi eta mavara­ha­que­neanahi ema Viya, tásiha tiyaseu­cha­havihi viti machane­ranahi.

Hebreo 4:13

Ema Viya máimara­racahi tamutu. Tájina vahi virata­haimahi viyumuruca eta víchaque­neanahi. Tamutu­yarehi tiúchujica te mamirahu éma vépuyu­mi­rau­re­yarehi te máichuha­havipa eta vimetau­re­si­ra­vayare mayehe.

Apocalipsis 2:23

Éneri­chuvare ena suchicha­naveana níjara­cayare eta najumayare, nímica­pa­si­ra­va­cayare. Tásiha, échainapa eti nuchane­ranahi eta nímatirahi tamutu eta epane­reruana, eta te esamureana éti. Nímahai­ne­pasera núti eta níchara­ca­va­cayare ena téjeca­pa­vanahi, étapa tiámayare eta náichaqueneana.