Hebreo 11:1 - Ignaciano

¹ Te yátupi visuapa eta máechaji­riruva ema Viya, vicasi­ñayare éma, vicasi­ña­vavare eta mayehe eta máitauchi­rayare tamutu eta máijara­ru­vanahi, tayanapane vuíchaha vímahaimahi.

Táurinakene máechejiriruwa’i ema Viya tikaijare

¹ Te yátupi visuapa eta máechejiriruwa ema Viya, vikasiñayare ema, vikasiñawaware eta maye'e eta máitauchirayare tamutu eta máijararuwana'i, tayanapane wicha'a víkuima'a'i.

Hebreo 11:1 ပူးပေါင်းရင်းမြစ်များ

Hechos 20:21

Nuconse­ja­cha­hivare namutu ena achaneana, eta náeneuchi­ravaina me Viya, eta náitsiva­chiraina eta náitare­sirana, étapa eta nasuapiraina nacasi­ñairaina ema Viáquenu Jesucristo.

1 Corintios 13:13

Puiti, eta juca vicaijuheya, vímiyanava vámutu muracaina eta vicasi­ña­vairahi me Viya, váhivare vicuya­cu­jihini eta vicucha­pi­rapaipa eta viúrivai­napaipa, tacuija­vareni tahapa­pi­ri­cahini eta vémuna­rai­vayare. Jéhesare, tiápaju­ca­va­pa­na­yarehi eta vémunaraiva. Étara ticuna­cha­ca­re­panahi me Viya.

2 Corintios 11:17

Tájina mavanai­ripina ema Viáquenu tayehe eta vicuna­cha­ca­revahi. Tíchanu­hisera nucunachava taicha éti ímijachanu máurishinuhi.

2 Corintios 4:18

Eta tacahe, vahi vipica­ca­ra­ca­vaimahi eta viátaji­vanahi, taicha vahi táunaca­ca­rehini. Vicasi­ña­va­hisera mayehe ema Viya eta máimisia­pi­ra­haviya eta te mávasa anuma. Tásiha, máichecua­ra­qui­rénapa eta viúrica­ca­revaya eta viávihairaya tayehe.

2 Corintios 5:17

Puítiripa viti viúrujia­canahi ema Cristo, apana­ha­viripa. Vínajicaipa eta viyehe­re­pinihi tamauri­queneana. Tamutupa arairuhi puiti eta viyehe­repiana.

2 Corintios 9:4

Tijuricati náehica­nupahi te níteca ena vichamuriana ticava­sanahi te juca, tacuija­richaha tatsecavahi machu átsiri­hacare, machu támapu­rujipa eta nucuna­chi­rahehi. Váipasare ecuimi­ca­tsi­riacanu núti apanava.

Gálatas 5:6

Eta mávahá­si­rahavi ema Jesucristo, vahi étapa­ra­caimahi eta vicama­rca­pucaini. Tacarichu ticamu­nu­carehi eta vicasi­ñai­rayare yátupina éma, vémuna­ra­hinapa eta vítare­siraya.

Tito 1:1

Nuti Pablo, nucajurevi piti nuparape Tito. Némuna­cavihi tímicu­ti­ji­ri­cavahi nuchicha­vi­nahini táichavenehi eta péhisi­ranuhi eta nusuapa­ji­raivahi mayehe ema Cristo. Nuvaraha macata­ji­cavini ichape, májapa­nuvini ema Tata Vicaiyaquene, émapa ema Viáquenu Jesucristo, émaripahi ema Macatiu­ra­hiquene viyehe. Náijara­cavini eta táurivaina eta pipane­reruana. Acane, eta táepani­ravahi eta juca apaquehe, ema Viya macame­ta­rapihi eta máijara­si­ra­haviya eta vítare­siraya máichecua­ra­qui­reyare. Ene tacaheyare, taicha ema Viya tájina máepiya­hi­raivaina. Puiti, títeca­pau­cha­ha­viripa eta sache máicutiarahi ema Viya, eta máijara­si­ra­ha­viripa viti apóstoleana eta máechaji­ri­ruvana, étaripa vémecha­quenehi puiti ena achaneana. Tacahe, núti mavana­ranuhi ema Viya. Manere­ji­runuhi ema Jesucristo, ema Macatiu­ra­hi­quenehi viyehe. Titupa­ra­canuhi nítauchayare núti eta námirayare eta máechaji­riruva. Tivane­canuhi eta nímitu­siraya ena apamuriana manere­jiruana ema Viya eta nasuapa­ji­rai­va­nayare, mavarairahi náimatie­queneha tamutu eta tímitu­ca­careana yátupi­queneana apaesa tauri eta náitare­siraina. Tacahe, nacunevaina eta jena sácheyare te máijara­ca­havipa eta vítare­siraya máichecua­ra­qui­rénapa.

Hebreo 10:22

Eta tacahe, tatupi­ru­va­yarehi eta visamureana eta vicaiju­héraya ema Viya. Vácasi­ñavaini eta mayehe, vahi véñama­vaimahi taicha éma masipa­ca­ripahi eta visamureana apaesa tacuija vitapi­ravaina tayehe eta vipeca­turana. Tájinapa eta táechipe­ji­ca­ha­vihini eta vipeca­turana, tímicu­ti­ji­ri­cavahi vicavahini eta te tapachi­naquene une.

Hebreo 10:39

Vítisera vahi vácutimahi ena tichava­cue­je­cha­vanahi, énajivaya tímitae­que­ne­ha­va­nayare. Vítisera viti vímiya­na­vanahi eta vicasi­ñavaira me Viya, vicuchu­cu­ha­yarehi eta viáchanevana táicha.

Hebreo 11:13

Tacahe, namutu ena nani néchaji­si­ha­queneana, tímiya­navana eta nasuapirahi ema Viya tamutu eta náitare­si­ranahi. Tétavi­cavahi eta nacasi­ña­vairahi eta máitauchiraya eta máijara­ru­vanahi. Te navapureana, náimahapa eta návasa­que­ne­yarehi. Tásiha, vahi náetupi­ri­ca­vahini eta nanasi­rayare te juca apaquehe. Navara­haipahi náiteca­pau­cha­va­ne­yarehi eta arairu avasare natanu­ji­riruhi.

Hebreo 11:27

Táichave­ne­hivare eta masuapa­ji­raivahi ema Moisés, vahi mapica­ra­cahini eta masemi­rayare ema rey tayehe eta Egipto eta macuchu­cui­ravaca, mámavacahi ena machamuriana israelítana. Tétume­cha­va­richucha taicha ticasi­ñavahi eta majanea­si­ra­vacaya ema Viya, tayanapane máimahasi ema Viya.

Hebreo 11:7

Émaripa ema víyarahaini Noé, ticasi­ñavahi me Viya. Tásiha, tijaca­pa­carepa. Taicha masuapahi eta mavane­ca­sivahi máepiya­si­ra­yarehi eta ichapequene pacure, eta macuchu­cui­ya­va­yarehi éma, énapa ena machicha­naveana tayehe eta ichapequene une. Tájinai­cha­hanéni ecutia­ra­re­nahini eta taquivai­ra­yarehi. Máichuha­va­ca­varepa ena apamuriana achaneana nasiapavare. Ticaicu­ña­na­pasera, taicha eta namasua­pirahi.

Hebreo 2:3

Puiti numetacahe: Tisuapa­ca­re­panahi eta véhiruhi. Tájina vahi ticaiti­ca­hémahi eta ícuñayare te váhipuca ecuca­ma­pu­ravahi eta iúchucui­rayare. Taicha émarichuhi ema Viáquenu tínapucahi máichuha­vacahi ena achaneana eta náuchucui­rayare. Tacahe, ena tisamanahi éma, tíchuha­ha­vianapa víti.

Hebreo 3:14

Taicha viti machamu­ri­ha­vianahi ema Cristo. Vijaca­pai­na­sarepa eta vícuchihi mayehe éma, te vímiya­navahi eta vicasi­ñairava mayehe, vétume­chi­ra­va­hivare eta véhisirahi.

Hebreo 6:12

Váhivare nuvaraha plújuhéna. Ímiya­navahi éhica ácuti ena echamu­rianaini yátupi­quenehi eta nacasi­ña­vairahi me Viáquenu, nacamichahi tamutu. Jéhesare, ecuti­ca­ca­sarepa éna eta ejaca­piraya eta ícuchihi mayehe ema Viya.

2 Pedro 1:1

Nuti Simón Pedro, mavana­ranuhi ema Jesucristo. Manere­ji­ru­nu­hivare mayehenuhi apóstole. Nucajurehe eta juca nucartane eti nuchamuriana taicha tétavi­cavahi eta evapi­nai­ravahi eta juca véhiruhi. Puiti éti apanava ejaca­pa­ca­re­hivare me Viya, ecaicu­chi­ri­pavare eta iúchucuiraya maicha ema Viáquenu Jesucristo.