Gálatas 4:18 - Ignaciano

¹⁸ Tiuri, núti vahi nucaticha eta ítatiraina ena apamuriana achaneana. Táurisera eta náemuna­si­ráhena tácuti eta némuna­si­rahehi núti. Éti apanavare evapi­na­vayare tácutirichu te nutiarihihi eyehe.

Táurinakene máechejiriruwa’i ema Viya tikaijare

¹⁸ Tiuri, nuti wa'i nukaticha eta ítatiraina ena apamuriana achaneana, táurisera eta náemunasira'ena tákuti eta némunasira'e'i nuti, eti apanaware ewapinawayare tákutirichu te nutiari'i'i eye'e.

Gálatas 4:18 ပူးပေါင်းရင်းမြစ်များ

San Juan 2:17

Tacahe, viti máimitureana, eta vímairahi eta juca, eneva­nerine véchava eta táechaji­riruva eta Salmo tayehe eta tamura­cavahi eta máichara­ra­cavahi ema víyarahaini David táichavenehi eta máetaviu­chirahi eta máimipi­cau­chirahi eta, mapena ema Viya.

1 Corintios 15:58

Táitusiava, eti némuna­ru­que­neanahi nupara­pe­naveana, ímiya­na­vachucha eta étume­chi­ravaina tayehe eta juca véhiruhi. Vahi tacueque­qué­recava eta epane­reruana. Ecaema­ta­nea­ca­quenena yátupina ema Viáquenu, taicha écharichuhi éti vahi támapu­ru­jimahi eta ecaema­ta­nea­sirahi éma.

Gálatas 4:13

Éti etupi­ruvahi ejacapanu cape te nítecainapa eta ara eyehe. Écharichuhi eta nucaju­mai­rapahi te níteca­pau­chahepa. Etupi­ru­va­hisera esuapa eta numeta­rairuhi eta eyehe.

Gálatas 4:17

Ena nani téchapa­ji­ri­ca­heanahi, váhisera tátupi­ru­vahini eta náemuna­si­rahehi, navarai­rachucha típicha­si­ca­hea­nayare apaesa vahi ecusuapanu núti, eta vaipa ecuehi­canuhi. Navara­ha­hivare éhicayare eta nayehe­repiana apaesa énainapa échapa­ji­ri­ca­yarehi.

Gálatas 4:20

Eta tacahe, nuvara­hanecha níjahú­cha­vahini níteca­pauchahe. Nútija­ca­ru­vai­napáini néchaji­ri­ca­vahini eta eyehe eta nímitu­si­ra­he­nahini. Ichape­murihi eta ímipa­ne­re­ré­si­ranuhi.

Filipenses 1:27

Eta ítare­siraya, ímereca yátupina eta éhisiraina eta máimitu­rapiana ema Cristo. Tayanapane váhipuca nucuiteca eta eyehe, ímiya­na­vasera eta étume­chi­ravaina eta iúrujia­si­ra­cacahi. Nusamai­ri­ri­ca­hehini táurihini eta ímiya­ni­ravahi éhica emutu, étanai­na­richuhi eta epanereru, evapi­navahi eta ecame­ta­rairuira eta véhiruhi tayehe eta viúchucuiraya.

Filipenses 2:12

Núti nucuna­chahehi, eti nupara­pe­naveana némuna­ru­que­neanahi, taicha tétavi­cavahi eta esuapi­ranuhi te nutiari­hi­richaha te echacaya. Puítisera nuvaraha tápaju­cavaini eta esuapi­ra­nuyare, puiti eta nuyere­hi­rahehi. Ema Viya, émarichuhi ema tinacahi te esamureana eta evarai­rayare ecuri­sa­mu­re­chayare éma; tiávahá­ca­hevare eta ítauchi­rayare tamutu. Tásiha, muracaina eta ejanea­sirava tayehe eta tájipa­racana, epica­vareni eta ímica­ti­sa­mu­rechira ema Viya. Tacuija táemitie­que­ne­hahini eta tapachi­navahi ­ eta iáchanevana.

Tito 2:14

Éma, máepeni­na­havihi, mavarairahi macaiche­paicaya tamutu eta víchirahi eta tamauri­que­neanahi. Máepachi­na­chayare tamutu eta tamaepe­ra­jivana eta viáchanevana. Taicha mavarahahi machane­ra­que­ne­ha­viyare. Tacahe, puiti vivapi­na­va­yarehi vicha eta táuri­ queneana.

Apocalipsis 3:19

Núti nétupi­ricaya eta napane­reruana namutu ena némunaruana te náejecapava. Te vahi nacusuapanu, némecha­re­ca­yarehi. Tásiha éti, titupa­ra­cahehi étupi­ri­cavane eta epane­reruana, étume­cha­vavare tayehe eta éhisira. Éneucha­vavare apaesa tacuija ecuichi­ravaina.