2 Timoteo 4:1 - Ignaciano

¹ Puiti nutupa­ra­ca­viyare muraca te máijare ema Viya, émapa ema Viáquenu Jesucristo. Taicha éma, títeca­va­neyare eta macava­cu­reiraya te juca apaquehe. Viti vítare­rua­naichaha énapa ena náepena­que­nea­naripa vicaya­sese­re­hinapa te mamirahu tájaha­hipuca eta vicaema­ta­nea­si­ranahi éma.

Táurinakene máechejiriruwa’i ema Viya tikaijare

¹ Puiti nutuparakaviyare muraka te máijare ema Viya, émapa ema Viákenu Jesucristo. Taicha ema, títekawaneyare eta makawakureiraya te juka apake'e. Viti vítareruanaicha'a énapa ena náepenakeneanaipa vikayasesere'inapa te mamira'u tája'a'ipuka eta vikaemataneasirana'i ema

2 Timoteo 4:1 ပူးပေါင်းရင်းမြစ်များ

San Mateo 16:27

Taicha nuti Manere­ji­ru­nuhi ema Viya nuchava­yarehi. Námainapaipa eta majaraiva ema Tata, nucacha­né­na­pai­pavare ena ángeleana. Te jena sácheyare, níjara­ca­va­cainapa eta náicuchianahi ena nuchanerana te tiúrihi eta nacaema­ta­nea­si­ranuhi, te jácani náemata­nea­na­pachuhi.

San Lucas 19:12

Máichavacapa: —Matiarihihi ema achane. Ichape eta mapica­ca­revahi. Tiyana­yarehi te apana avasare tayere­hiquene. Eta tímiya­na­yarehi ánaqui máepani­ha­yarehi eta mávacu­re­yarehi eta marreyva­yarehi tayehe eta mávasa. Eta machavi­ra­yarepa, téjaca­yarepa éma.

San Lucas 19:15

Ticame­sa­vau­chu­chasera majaca­paichucha eta mávacurehi. Te tichavapa te mávasa, téjacapa émapa reyhi. Tásiha, máichuha­vacapa ena machanerana máijara­ruanahi eta maplatane. Mayase­recapa te tímeca­vai­pa­hipuca eta tachichanahi.

San Lucas 23:42

Tacahe, máichapa: —Tata Jesús, péchanupaini te péjacapa tayehe eta piávacureya —máichapa.

Hechos 10:42

Taicha tivane­ca­havipa vicame­ta­rairuya. Vimeta­cayare eta émairahi ema Jesús viyehe­yarehi Juez viti achaneana énapa ena náepena­queneana. Taicha ema Viya ema titupa­racahi eta mávacu­reyare juésyarehi.

Hechos 17:31

Taicha tatiari­hi­yarehi eta jena sácheyare máicuña­cayare namutu ena tíchanahi eta juca. Tamutuinapa máetupi­ri­cayare. Mararihi ema achane manere­jiruhi ema Viya, juéseyare eta viyehe. Éma, ticaijare Jesús. Ema Viya máimerecahi eta manere­ji­sirahi ema Jesús juéseyarehi, taicha macaeche­pucahi te máecari te táequenepa eta máepenirahi —macahepa ema Pablo.

Romanos 2:16

Járajapa eta sácheyare, ticaya­sesere­hia­nainapa namutu ena achaneana te mamirahu ema Viáquenu Jesucristo. Éma, máimatiya tamutu eta náichaqueneana tayumu­ru­re­vanahi. Étarichuhi eta numeta­rapihi te nucame­ta­rairupa.

Colosenses 3:4

Téhesera te machava ema Viáquenu Jesucristo, máitsiva­chainapa eta iáquehea­nayare, tajara­hi­que­nea­nayare. Tásiha, ecacha­ne­napaipa éma. Tétavi­cavaya eta viúrica­ca­revaya vimutu máicha.

2 Tesalonicenses 2:8

Tásiha, mapaenu­ma­vainapa tímere­ca­vayare ema Achane Váinara­jiquene. Tuparai­ru­cayare mayehe ema Satanás. Éma, tijara­ca­yarehi eta máitupa­ji­jiá­si­ra­va­yarehi. Tamutuyare máimereca eta tiárami­careana tacutiyare yátupi­que­né­nahíni mayehé­nahíni ema Viya. Ema maca, máetaviu­chainapa eta mavayuaraiva nayehe ena achaneana. Éna, tísapa­va­nai­napaipa náehica eta táiñehi­queneana mavayua­ra­quia­napahi. Váhisera máyerémahi. Tiúcupai­ca­va­nénapa ema Viáquenu Jesús. Tiárami­ca­rénapa eta majarai­va­ya­repahi. Te máchajurapa, máquipai­cainapa macapa­cai­na­varepa ema Achane Váinara­ji­quenéni. Tacahe, ena nani achaneana máiture­vanahi témitie­que­ne­ha­nainapa. Ticaicu­ña­nainapa taicha vahi návara­hahini náehica eta yátupi­queneana tiúriana echáji­ri­ru­cavana. Te nasuapahini, tiúchucu­ha­nahini tayehe eta ecuñaraqui­­.

1 Timoteo 5:21

Nutupa­ra­cavicha muraca, pítauchayare yátupina eta juca numeta­ra­pianahi piyehe. Vahi picune­re­ji­cavaca, nácuticaca eta píjara­siraina eta piyehe justicia. Vahi pépacu­chaimahi eta máichava­que­nevahi mácani téjeca­pavahi, taicha máimara­racahi ema Tata Vicaiyaquene, émapa ema Viáquenu Jesucristo, énapa ena mayeheana ángeleana manere­ji­ruanahi.

2 Timoteo 1:10

Puíticha, eta majapa­nui­ra­havihi ema Viya, máevata­si­na­havihi ema Machicha Jesucristo ticatiu­cha­ha­vi­yarehi. Éma, máechepurehi te máecari. Puiti manaquicahi eta máechaji­ri­ruvahi eta macaita­re­si­ra­haviya víti apana. Te jena sácheyare máitsiva­chainapa eta viáquehe, máepena­ca­ca­há­vinapa.

2 Timoteo 2:14

Nutupa­racavi: Pémechavaca ena pímitureana tamutu eta júcana. Pécatiacaicha muraca te máijare ema Viáquenu. Vahi nacueva­tae­ma­ji­ricáca te jácani náechaji­ri­si­ravána. Taicha tájina táijara­caimahi, machu étaina tahapapica eta napane­re­ruanahi ena vichamuriana­ eta nasáma­ra­rá­si­rainahi.

2 Timoteo 4:18

Ene tacaheyare eta máimiya­ni­ra­vayare ticatiuchanu ema Viáquenu tayehe eta táiñehi­queneana. Tiámanu­yarehi tayehe eta mávasa anuma. Máichecua­ra­qui­re­yarehi eta vijirau­chiraya éma. Amén.

2 Timoteo 4:8

Puiti núti étanecha nucuchapahi eta jena sácheyare eta máijara­si­ra­nuyare eta níjara­casiya me Viáquenu, taicha eta néhisirahi yátupi. Taicha éma, máitaucha­yarehi eta máijara­si­rá­nuyare eta nícuchihi mayehe. Váhiva­reséra nácari­chuimahi núti nucaija­ra­ca­siyare. Énerichuva máijara­ca­yareva namutu nácani ticucha­panahi eta machaviraya.

Tito 2:13

Tásiha, vicune­vainapa eta machavi­rayare ema Viáquenu Jesucristo ema Macatiu­ra­hi­quenehi viyehe. Eta máitesiraya mámaya­repahi eta tapachi­naquene majaraiva. Tétavicava eta viúrisa­mu­re­vainapa te jena sácheyare.

1 Pedro 1:7

Ema Viya máisapahi eta juca ecata­ji­vairana, mavarairahi ímereu­cha­vayare eta yátupi­quenehi eta ecasi­ña­vairahi eta mayehe. Ecutiyare eta oro te nacaitsa­maraji te yucu te yátupi­hipuca étaquenehi. Étisera étavi­vi­riacahi eta tatumeva eta oro, taicha eta oro títava­yarehi, témitia­ca­yarehi. Te vahi ecaina­jiruva eta ecasi­ña­vairahi mayehe ema Viáquenu, tétavi­ca­vayare eta ecuna­cha­ca­re­va­yarehi mayehe éma eta machima­pi­ra­heyare te machava.

1 Pedro 4:5

Járaja­pai­na­pasera eta sácheyare nacaya­se­se­re­hi­rayare te mamirahu ema Viáquenu, taicha éma yátupi­quenehi eta macatu­pa­ra­hairahi eta vicaya­se­se­re­hiraya víti, vítare­rua­naichaha énapa ena náepena­queneana.

1 Pedro 5:4

Apaesa te machavapa ema yátupiquene Pastor eta viyehe, tétavi­cavaya eta macuna­chi­raheya. Tíjara­ca­henapa éma eta evachayare ícuchihi. Máitava­ca­cainapa eta ecacha­neraya éma te mávihahi eta te majaraivahi.

2 Pedro 1:11

Tásiha, tétavi­cavaya eta iúrica­ca­revaya eta machima­pi­raheya ema Viáquenu Jesucristo te macuchu­cu­hahepa eta te juca apaquehe, mámiraheya eta te mávacureya. Máitava­cacaya eta macacha­ne­ra­haviya vimutu.

2 Pedro 1:17

Taicha víti vitiarihihi te machacaya ema Viáquenu Jesús, vicachanehi éma tayehe eta cerro santo, te vineca­pae­que­nehapa eta macaija­reirahi éma eta Aquenu­cairaya. Visama­hivare eta mahu ema Tata Vicaiyaquene eta macuna­chirahi ema Machicha. Ánipa macahehi: “Ema maca éma yátupi­quenehi Nuchicha némuna­ru­quenehi. Tétavi­cavahi eta núrisa­mu­revahi máicha” macahepa.

1 Juan 2:28

Puítisera, nuchicha­naveana, ímiyanava eta iávahá­siraina éti ema Jesucristo apaesa túmesa­mu­rehéina éti, vahi ecutsiriha mayehe eta te machava.

Apocalipsis 1:7

Ímaha, máraja­painapa ema Cristo. Támaya­repahi eta úcaji. Namutuyare nanecapa ena achaneana te juca apaquehe. Náimahainapa, tásiha, tipica­nainapa. Tíyaha­ha­ca­va­nainapa eta náimairayare, énaripa ena námarie­queneana ena tijara­chanahi, taicha téchavanahi éna eta náejeca­pi­ravahi ena náchuca­na­veanaini. ¡Ene tacaheyare! ¡Máiteca­pa­va­nepaini!