2 Timoteo 2:20 - Ignaciano

^20-21 Eta tacahe, víti, ichape eta vijanea­si­ra­vayare tayehe eta tamauri­queneana. Yátupi­yarehi eta vicamu­nu­ca­revaina mayehe ema Viya, vítauchi­ra­yarehi eta vicaema­ta­neasira éma. Jéhesare, ichapenapa eta vimunava­yarehi mayehe. Vépera­ji­ca­va­ya­re­hiséra mayehe tacutiyare eta náepera­jisira ena rícoana eta nayere­ruvana táurique­neanahi nayeheana jarra oro, nacurujana plata. Vahi náimipa­na­na­ji­cáimahi. Vahi náimicu­ti­chaimahi eta apamuriana nayere­ruvana yucuquisiana: eta raveta, eta yuvaraqui, étapa eta nacasuelana mátejisiana.

Táurinakene máechejiriruwa’i ema Viya tikaijare

²⁰ Te mapena ema achane rícu simutuyereruwa'i makaye'e'i eta táurinakeneana'i naye'eana jarra uru, nakurujana plata. Wa'i náimipananajikaima'i. Wa'i náimikutichaima'i eta apamuriana nayereruwana yukukisiana, eta raveta, eta yuwaraki, étapa eta nakasuelana mátejisiana.

2 Timoteo 2:20 ပူးပေါင်းရင်းမြစ်များ

San Juan 8:49

Ema Jesús majica­pa­varepa: —Vahi máurishi­nui­nahini. Eta juca nucaema­ta­nea­sirahi ema Tata, nuvarairahi ecuna­chayare éma. Étisera épuru­nuichucha.

Romanos 9:20

Vahi tacucahe eta epane­reruana. ¿Vahi epicahini iácapae­ma­chirahi ema Viya? Eta cachapare mátejisi vahi táuricaimahi tácapae­ma­chahini súcani tépiyacahi: “¿Tájaha tacayema pímipa­na­na­jicanu eta pépiya­si­ranuhi, váhiyapa nucuna­cha­ca­rehini eta pépiya­si­ranuhi?” vahi táichaimahi.

1 Corintios 3:9

Víti mamusu­ra­havihi ema Viya. Éti ecutihi eta sucurecana eta macaju­ru­si­rahehi ema Viya. Eta éhisirahi ema Jesús tacutihi eta náepiya­sirahi eta ichapequene peti.

2 Corintios 4:7

Eta juca véhiruhi vímitu­ra­pianahi, tétavi­cavahi eta tacuna­cha­ca­revahi. Vahi vítinahini vicuna­cha­ca­rehini. Taicha viti páureanasami, vicutichucha eta muñeca náipune. Émasera ema Viya máimerecahi eta máitupa­ji­jia­si­ravahi, máijara­sirapa eta tatume­va­yarehi eta viáquehe. Váhisera vítiji­vai­nahini.

1 Pedro 2:5

Éneripa ecahehi éti, ecutiripa eta márijahiana máepena­cacahi. Tacahe puiti, táuripa eta ecacha­ne­ra­ca­cainapa. Macarichu ema Viya ema ecaema­ta­neacaya. Tivayua­caheya eta esuapa­ji­raivaya eta máijara­si­ra­he­yarehi eta émata­ne­pa­chuyare. Éneri­chuvare ecatu­pa­rahaipa sántuhénapa. Ecutiyare ena tiyuja­ra­ca­rahiana eta te Templo. Ecatu­pa­ra­hai­pavare eyaseu­rahiya nayehe ena echamuriana. Étapa eta ecama­vahuira me Viya, étaripa eta esuapa­ji­raivahi, eta ehasu­lu­pa­ya­chirahi ema Viya, étapa eta ecuna­chirahi éma. Tamutu eta juca, ecuri­sa­mu­re­chayare éma, taicha émarichuhi ema Jesucristo ticaite­ca­pi­na­he­yarehi me Viya.