2 Timoteo 2:18 - Ignaciano

¹⁸ Péchapa­vayare nayehe ena nani apinana, taicha nacaera­ji­ru­vaipahi tayehe eta yátupi­queneana vímitu­rapiana. Taicha ena nani tépiyae­que­ne­hanahi eta táetavi­si­ra­va­rí­pahiji eta náechepu­si­rai­pahiji ena náepena­queneana. Jéhesare, natiari­hipahi ena náemeje­ca­pa­va­rua­na­páipahi.

Táurinakene máechejiriruwa’i ema Viya tikaijare

¹⁸ péchapawayare naye'e ena nani, taicha nakaerajiruwaipa'i taye'e eta yátupikeneana vímiturapiana. Taicha ena nani tépiyaekene'ana'i eta táetavisirawaipa'iji eta náechepusiraipa'iji ena náepenakeneana. Jé'esare, natiari'ipa'i ena náemejekapawaruanapaipa'i.

2 Timoteo 2:18 ပူးပေါင်းရင်းမြစ်များ

San Mateo 15:13

Émasera máichahavipa: —Ena nani nacutihi eta ejare, vaipa émaimahi máechahini ema Tata Nucaiyaquene. Ticave­pu­ri­ca­sia­na­ya­resera éna.

San Mateo 22:29

Tásiha, ema Jesús majica­pa­vacapa: —Éjecapava éti. ¿Tájaha tacayema vahi ácaicu­tia­rahini eta táimiturapi eta Sagrada Escritura? ¡Váhivare evara­hahini esuapahini eta tamutuirahi marataha ema Viya!

San Lucas 8:13

Natiari­hivare ena apamuriana achaneana, nacutihi eta máteji máripahi. Te nasama­raraca eta nímitu­rapiana, nasuapa, tiúrisa­mu­rea­na­rinehi. Váhisera narata­hahini nacara­va­huhini yátupi­nahíni. Vahi nácutihíni eta evaraqui tiúparehi. Ánipirichu eta náehisirahi. Tínaji­ca­va­návane taicha eta náimairavahi eta nacata­ji­vairahi.

Hechos 5:39

Téhese­rapuca mayehehi ema Viya, vahi erata­haimahi ecamitiaca. Échapa­vachucha. Machu ecucae­muñava ecanara ema Viya —máichavacapa.

1 Corintios 11:19

Páurehesami eta íputsi­mu­ria­vai­ra­cacahi. Étaina­pasera ecaeche­raiyaya eti yátupi­que­neanahi machane­ranahi ema Viya, énapa ena vahi machane­ra­nai­nahini.

1 Corintios 15:12

Víti vímitu­ca­heripa eta máechepu­sirahi ema Cristo te máecari. Németea­casera etiari­hichaha eti vuíchaha esuapahini taicha nusamai­ri­ricahi eta ecahehiji: “Vahi téchepu­ca­naimahi ena náepena­queneana”. ¿Tájahapuca tacayema vuíchaha­caruhi tasuapa­ca­rehini eyehe?

Colosenses 3:1

Puítisera arairupa eta ítaresira maicha ema Cristo. Étainapa tihapa­sa­mu­re­re­ca­heyare eta máurivahi éma étapa eta íteca­pauchira éma tayehe eta anuma máejasihahi te mavaure ema Maiya. Vaipa étaimahi tihapa­sa­mu­re­re­ca­heyare eta eyehe­re­pia­nainihi tamauri­que­neanaini.

1 Timoteo 1:19

Taicha nararihi ena ticaina­ji­ru­va­napaipa, náechahinéni eta táiñehivahi eta náichaque­neanahi, váhisera návara­hahini nácaina­ji­ru­vahini eta tamauri­que­neanahi. Tínaji­ca­va­na­richucha eta náehisi­rainihi ema Viya.

1 Timoteo 6:10

Táitsiva­hisera ena achaneana, náetaviuchahi eta tavayua­sirahi náichapa tamutu eta tájipa­racana, táichavenehi eta najamu­rachira eta plata. Namapu­ru­jipaipa ena vichamu­rianaini. Natiari­hi­napaipa timutse­ra­ha­va­napaipa eta tayuru­siraina eta najamu­ra­raivana. Tásapi­ha­papuca táimina­jí­capahi eta náehisi­rainihi ema Jesús. Énajivapa titanu­ca­vanahi eta naviurevahi, timutse­ra­ha­va­napaipa eta nacata­ji­vai­ranahi eta náitare­si­ranahi.

1 Timoteo 6:21

Narari­hipaipa ena vichamu­rianaini tínaji­ca­vanapa eta náehisirahi ema Jesús, taicha nasuapahi ena nani tépiya­hi­rahiana. Nuyaseu­cha­vi­paraca me Viáquenu Jesucristo táetaviu­chahini eta piúrica­ca­revaya máicha. Tamutupa eta néchaji­ri­ruvahi ­ piyehe.

2 Timoteo 2:14

Nutupa­racavi: Pémechavaca ena pímitureana tamutu eta júcana. Pécatiacaicha muraca te máijare ema Viáquenu. Vahi nacueva­tae­ma­ji­ricáca te jácani náechaji­ri­si­ravána. Taicha tájina táijara­caimahi, machu étaina tahapapica eta napane­re­ruanahi ena vichamuriana­ eta nasáma­ra­rá­si­rainahi.

Tito 1:11

Picama­ti­na­cayare ena nani. Vahi picuisapa eta náimitureca eta tamauri­queneana, machu náemeje­ca­pavacha ena vichamu­rianahi. Taicha vahi táurica­ca­rehíni eta náimitu­rapiana. Ena nani náichahi eta juca taicha navarahahi naverea­cavaca eta naplataneana.

Hebreo 3:10

Eta tacahe, te táequenepa, nusemapa nayehe ena nani achaneana. Taicha éna, táetaviuchahi eta táejeca­pi­ravahi eta nasamureana. Vahi návara­hahini náimatihini eta táurinaquene achene, nuvara­ha­quenehi nímechavaca.

Santiago 5:19

Nupara­pe­na­ve­chichana, te natiari­hi­napuca nácani vichamuriana téjeca­pa­vanahi tayehe eta yátupi­queneana, eti ecatu­paraha iúricha­va­ca­yarehi éna, econse­ja­cha­va­cayare apaesa nachava éna, náinaji­cahini eta náejeca­pi­ravana. Tétavi­cavahi eta táurivahi eta íturu­siraina eta nachavira, taicha táemesiava eta ecuchu­cui­ra­va­cayare tayehe eta náicuña­ya­rehini, taicha eta táemesiavahi eta táepahairapa eta camuri­quenehi eta napeca­turana. Tamu­ tupa.

1 Juan 2:19

Ena ticatia­nacana ema Cristo náuchurehi eta viyehe. Váhisera viúmuri­vai­nahini éna. Taicha te viúmuri­vai­nahini, nanasi­ri­chuhini eta viyehe. Náeraji­ru­vai­pa­hisera eta viyehe. Tásiha, vímatipa eta vahi viúmuri­vai­nahini.