2 Tesalonicenses 1:3 - Ignaciano

³ Nupara­pe­naveana, tatuparaca vihasu­lu­pa­ya­cha­paraca ema Viya, taicha visamai­ri­ricahi eta tápaju­si­ra­va­paipaicha eta esuapirahi ema Viya. Tajuru­si­ra­paipahi eta émuna­si­ra­ca­cairahi. Eta tacahe, vihasu­lu­pa­ya­cha­pa­racahi ema Viya.

Táurinakene máechejiriruwa’i ema Viya tikaijare

³ Nuparapenaveana, tatuparaka vi'asulupayachaparaka ema Viya, taicha visamairika'i eta tápajusirawaipa eta esuapira'i ema Viya. Tajurusirapaipa'i eta émunasirakakaira'i.

2 Tesalonicenses 1:3 ပူးပေါင်းရင်းမြစ်များ

San Lucas 15:32

Puítisera, táuricaichucha vicha eta piesta eta viúrisa­mu­re­vainahi, taicha tímicu­ti­ji­ri­cavahi eta máepena­que­né­nahini ema maca piparape, puítisera tiúchujicaipa, tichavapa éma. Ema máemitiaruhi te vimirahu, puítisera viápecha­va­varepa vímaha éma” máichapa. Tacahehi eta máechaji­ri­ru­vanahi ema Jesús nayehe ena achaneana.

San Lucas 17:5

Tiuri, ena apóstoleana nayase­recapa ema Jesús: —Tata Viáquenu, picata­ji­cahavi. Pímitu­cahavi apaesa tajuru­ca­paipaini eta vicasi­ñai­ravahi mayehe ema Viya. Vivaraha ichapenaini eta vicasi­ñai­ravaya eta mayehe —nacahepa.

San Juan 15:2

Éma máechuca eta máhiri­querehi tatava. Máepachia­cavare eta apana tatava eta ticahirisi apaesa tacahipana.

Romanos 1:8

Núti, tétavi­cavahi eta nucuna­chirahi ema Viáquenu Jesucristo, nuhasu­lu­pa­yachahi ema Viya íchavenehi emutu éti. Namutu ena achaneana te avasareana téchaji­sia­heanahi eta yátupi­ra­ripahi éhica ema Viya.

1 Corintios 1:4

Núti nuhasu­lu­pa­ya­cha­paraca ema Viya táichavene eta majapa­nui­ra­heripa. Eta iávahá­sirahi ema Jesucristo, ichape­rinehi eta iúrica­ca­revahi.

2 Corintios 10:15

Váhivare nucuna­cha­vaimahi tayehe eta apaema­tanehi násapi­ha­hi­pucaini. Nuvara­hasera tápaju­cavaini eta esuapa­ji­raivaina mayehe ema Cristo. Nuvara­havare nímitu­ca­heyare eta apamuriana yátupi­queneana, nítauchiraina eta nucatu­pa­ra­hairahi me Viya. Tájina vahi nétavi­vi­ria­ca­vahini eta nusuapa­ca­revahi eta eyehe.

Efesios 5:20

Ehasu­lu­pa­ya­cha­pa­racaya ema Vicaiya­quenehi te máijare ema Viáquenu Jesucristo tayehe tamutu jácani íchara­ra­cavana taicha tásiha­que­neanahi eta mayehe.

Filipenses 1:7

Éneri­chuvare nucasi­ñavahi eyehe eta ejaca­piraya eta máurichi­rahehi éma, taicha némuna­cahehi ichape emutu éti. Nucasi­ña­va­hivare vicuti­ca­caipahi eta vijaca­pirahi eta máimica­ta­si­ra­havihi ema Viya, tayanapane viyere­hi­ca­ca­hipuca, étaripa te juca návihahi cárcel. Étaripa te nutupi­ha­mi­rau­chavaca ena tuparai­rucana eta nucatiu­chi­ra­yarehi eta yátupira eta viúchucuiraya maicha ema Jesucristo, apaesa te nasuapapuca éna apanava.

Filipenses 1:9

Nuyasea­ca­hivare ema Viya eta iápaju­si­ra­vai­nahini eta émuna­raivaya. Ítupa­ji­jia­ca­vahini, támutuhini ímatie­queneha, apaesa ímati­pa­ra­cahini eta enere­ji­siraya eta táuriquenehi.

1 Tesalonicenses 3:12

Éneri­chuvare macaju­ru­cahini ichape ema Viya eta émuna­raivaina nayehe ena echamuriana, énapa ena apamuriana achaneana, tácutihini eta vémuna­si­rahehi víti.

1 Tesalonicenses 3:6

Puítisera eta machaviraipa ema Timoteo, másihairahi eta ara eyehe, timeta­ca­havipa tájinairahi íchira­vai­nahini eta éhisirahi ema Viáquenu Jesucristo, étapa eta émuna­si­ra­cacahi. Timeta­ca­ha­vivare eta écharai­ri­si­ra­hávihi émuna­si­ra­havihi víti, evarairahi íjahú­cha­vahini ímahahavi. Vicuti­cacahi eta vivarairahi vímahahe víti.

1 Tesalonicenses 3:9

¡Ichape eta vihasu­lu­pa­ya­chirahi ema Viya táichavenehi eta iúrivahi! ¡Tájinarine tácutihini eta viúrisa­mu­revahi mayehe ema Viya, íchavenehi éti!

1 Tesalonicenses 4:1

Tiuri puiti, nupara­pe­naveana, vitupa­ra­cahecha muraca te máijare ema Viáquenu Jesucristo. Táuri eta ítare­siraina puiti juca epaisi­rayare. Te tauri eta ítare­siraina, ecuri­sa­mu­ré­chayare ema Viya. Puiti iápaju­pa­na­vái­napáipa eta iúrivaya.

2 Tesalonicenses 2:1

Puítiripa, nupara­pe­naveana, naririhi ena tépiyae­que­ne­ha­naripa ema Jesús, náimija­charipa matiari­hiripa, tichavaripa puiti. Vitupa­ra­cahecha vahi ecusuapa nácani tépiya­hi­ra­hia­napahi. Tayanapane nácahepuca: “Eta juca vimeta­ca­sivahi me Espíritu Santo”. Nácahepuca: “Ema Pablo tímitu­ca­havihi eta juca”. Te náepiyae­que­ne­ha­ha­vipuca náimecha­hepuca eta carta, náimija­cha­yarehi tásihaquene viyehe, váhique­nesera ecusua­pavane. Váhi tacuimi­pa­ne­re­recahe eta juca. Váhivare ecuarameca. Taicha te máitecapa yátupina ema Jesús, ticuru­ji­ca­há­vi­nu­mayare viti manere­ji­ruanahi. Nuvaraha numetacahe eta apana. Te tánehipaicha eta máitesiraya ema Jesús, ena achaneana vaipa napicau­chaimahi ema Viya. Náepuruinapa eta máechaji­riruva. Tásiha, tímere­ca­váinapa ema Achane Váinara­jiquene. Ema maca achane, macati­chainapa masama eta máijare ema Viya. Étaripa eta nasiña­rajiana ena achaneana, váipavare máuricaimahi. Macava­nai­ri­pinapa ena achaneana te tamutu avasareana náepuyu­mi­rau­chayare éma. “Nuti Víyanu. Núti ecasi­ñayare” macahénapa. Masapi­hainapa, ticaeja­ca­vainapa tayehe eta Templo. Téhesera támutupa, yátupi­que­nenapa eta máicuñayare muraca.

2 Tesalonicenses 2:13

Étisera, nupara­pe­naveana, máemuna­ruanahi ema Viya. Víti tatuparaca vihásu­lu­pa­ya­cha­pa­rá­cayare ema Viya íchavenehi éti, taicha manere­ji­ruhehi ema Viya te tépana­vainapa. Táitusiava, te esamapa eta vimeta­rairuhi, etupi­ruvapa ejacapahi; taicha esamapa eta máichuirahehi éma. Éma ticuchu­cu­ha­heyare taicha ímiya­navahi esuapa eta yátupi­queneana máimitu­rapiana ema Cristo. Émapa ema Espíritu Santo máimiyanava eta mávahá­si­rahehi, máijaracahe eta esantu­vai­na­paipaicha puiti juca ecaiju­heyare. Tásiha, ítuji­ca­vainapa esiapa tayehe eta mávihahi ema Viáquenu Jesucristo, ímahainapa eta majaraiva.

1 Pedro 1:22

Puiti tipachi­naripa eta iáchanevana táichavenehi eta esuapirahi eta yátupiquene máimitu­rapiana ema Jesucristo, máimitu­si­ra­heripa ema Espíritu Santo. Eta tacahe, ímere­ca­vainapa puiti yátupina eta émuna­si­ra­cacahi nayehe ena echamuriana. Evapi­na­vavare eta te esamureana eta émuna­si­ra­ca­cairahi.

2 Pedro 1:13

Németeaca nétupi­cavahi eta juca nuconse­ja­chi­rahehi puiti juca nítare­si­raichaha te juca apaquehe.

2 Pedro 3:18

Puiti, nuvaraha tajuru­ca­pa­ri­chuchaini eta ímatiraina ema Viáquenu Jesucristo. Tajuru­ca­pa­ri­chu­cha­varéni eta evapi­nai­ravahi eta máemuna­si­rahehi ema Ticatiu­cha­havihi. ¡Tétavi­ca­vahini eta vijirauchira, vicuna­chahini éma, te vinara­sirana, te véjami­sirana! ¡Te visiapainapa eta mávasa, vímiya­na­vayare! ¡Amén!