1 Tesalonicenses 1:6 - Ignaciano

⁶ Jéhesare puiti, étijivapa eta épani­ravahi éhicahavi eta viúrivahi víti, vicutiyare eta máuriva ema Viáquenu. Ecáta­ji­va­númahi ichape taicha eta ejaca­pirahi eta vimeta­rapiana. Iúrisa­mu­re­hiséra maicha ema Espíritu Santo.

Táurinakene máechejiriruwa’i ema Viya tikaijare

⁶ Jé'esare puiti, étijiwapa eta épanirawa'i é'ika'avi eta viúriwa'i víti, vikutiyare eta máuriwa ema Viákenu. Ekátajiwanuma'i ichape taicha eta ejakapira'i eta vimetarapiana. Iúrisamure'isera maicha ema Machanewa Viya.

1 Tesalonicenses 1:6 ပူးပေါင်းရင်းမြစ်များ

San Mateo 16:24

Tásiha, máichaha­vi­varepa víti: —Nácani navaraha náehicanu, tacamunu náinajicava tamutu eta tihapa­pi­ri­cavaca eta náehisi­ranuhi. Nacara­va­hu­yareva eta nímitu­rapiana. Náijara­ca­vavare eta táimica­pa­siraina eta náehisi­ranuhi.

San Juan 8:12

Te táequenepa eta juca, tépana­va­varepa tímitureca ema Jesús. Máichavacapa ena achaneana: —Nútira numicau­chahehi eti achaneana te juca apaquehe. Eta tacahe, nácani téhica­nua­nayare, vahi ­ téjeca­pa­va­naimahi. Taicha eta nímitu­rapiana, étapa timícau­cha­vacahi. Tásiha, nacati­chainapa eta timapicu, vaipa napauchaimahi —máichavacapa.

Hechos 13:52

Énasera ena apamuriana téhica­naripa tímiya­na­vanapa eta nasuapirahi ema Viya. Tiúrisa­mu­rea­na­hivare éna taicha eta mávahá­sirahi ema Espíritu Santo.

Hechos 5:41

Tacahe, tiúchucanapa ena apóstoleana te náuruji­siavahi ena tuparai­rucana. Tiúrisa­mu­rea­na­páichucha eta nacaestairahi. Ánipa nacahe: —Ema Viya máimara­racahi eta vicami­chirahi tamutu eta náimica­tsi­ria­si­ra­havihi táichavene eta véhisirahi ema Jesús —nacahepa.

Hechos 9:31

Tacahe, tiúrica­vanapa ena náumurivana ena téhicanahi ema Jesús tiávihana te apanana avasareana tayehe te Judea, te Galilea, étapa te Samaria. Tásiha, tétume­cha­ca­canahi eta náimiya­ni­ravaya napicau­chiraya ema Viáquenu. Máimica­ta­mu­ri­ha­hivare ema Espíritu Santo. Eta tacahe, camuria­na­pai­pavare ena téhicanahi.

Romanos 15:13

Ema Viya, tétavi­cavahi eta macune­ca­revahi, ticasi­ña­ca­re­hivare. Tásiha puiti, tétavi­cavahi eta nuvarairahi máijara­cahéni éti eta tavayu­chiraina eta iúrisa­mu­revaina, tavayu­chi­rai­navare eta ecasiñaira mayehe, apaesa tanaracaina tamutu eta epane­reruana. Eta mávahá­si­rahehi ema Espíritu Santo, máetume­chahéni muraca apaesa táetaviu­chi­ravaya eta ecasi­ña­vai­rayare mayehe ema Viya eta máijara­si­ra­paraca eta iúrica­ca­revaya.

1 Corintios 11:1

Núti puiti juca nítare­sirahi, étapa nupanahi eta máitare­sirahi ema Cristo. Nuvaraha éne ácahéni éti apanavare, epana­nuyare núti eta juca nítare­sirahi.

1 Corintios 11:2

Ichape eta nucunachahe eti nupara­pe­naveana, taicha eta emaemi­ti­si­si­ranuhi. Ímiya­na­va­hivare éhica eta ímitu­ca­si­vanahi nuyehe.

1 Corintios 4:16

Eta tacahe, nécatia­cahehi eta éhisiraina eta núrivahi núti.

2 Corintios 6:10

Tatiari­hi­hivare te nucati­sa­mu­revahi ichape. Nútisera nucuri­sa­mu­re­rea­cavahi tamutu sácheana. Páurenuhi eta náimairanuhi ena achaneana. Ichape­mu­ria­na­hisera ena níjara­ruanahi eta tacaima­ha­quenehi eta náchanevana. Ani, tájina nímaha­quenéna. Téhesera apana nítaresira, tétavi­cavaya eta nucaima­ha­que­neraya.

2 Corintios 8:5

Éna, náetaviuchahi eta navapi­nai­ravahi. Tínapucapa tinaqui­ca­vanahi eta nacaema­ta­nea­sirahi ema Viya, navarairahi nacuri­sa­murecha éma. Tásiha, étapa eta náicurehi ena vichamuriana.

Gálatas 5:22

Vítisera, tiávahá­ca­havihi ema Espíritu Santo. Te vísapa éma, tíjara­ca­havihi eta vémuna­raivaya. Viúrisa­mu­re­re­ca­vayare, tinara­cainapa eta vipane­reruana máicha. Tíjara­cahavi eta vicaye­heraya paciencia. Vijapa­nu­rahiya máicha. Vicaji­rai­va­yareva máicha. Vítaura­hiyare. Vétaviuchaya eta viúrivayare. Tímica­ta­ca­haviya eta vijanea­si­ravaya apaesa vahi vicuquicha eta tamauri­que­neanahi.

Efesios 5:1

Puiti éti machicha­he­ripahi ema Viya, máemuna­ru­que­ne­heripa, tásiha ácutipa éma eta máurivahi.

Filipenses 3:17

Nupara­pe­naveana, nuvaraha yátupina ácutinu núti eta núrivahi eta nítaresira, éhica­varéni eta náurivahi ena apamuriana téchema­cha­naripa.

2 Tesalonicenses 1:4

Tájinarine tácuti eta vicaja­mu­rai­rahehi nayehe ena vichamuriana te viúruji­si­rávana te jácani víteca­pi­hapahi. Vimeta­ca­va­capahi eta táimiya­ni­rávahi eta éhisirahi, ecami­chi­ra­hivare tamutu eta nacatia­na­si­rahehi ena achaneana étapa eta ecata­ji­vairana, táichavene eta éhisirahi ema Viya.

2 Tesalonicenses 3:7

Écharichuhi éti eta etupa­rahahi ítusiraina ítáti­ji­rícava, éhisi­ra­yarehi eta viyehe­re­pianahi víti te viávihaichaha eta ara eyehe. Vahi plújuhá­vimahi.

2 Tesalonicenses 3:9

Tatupa­ra­ca­hinéni viyasea­ca­hehini eta énisi­ra­ha­vi­nahíni, vivara­ha­hisera vímecha­he­yarehi eta vicaema­ta­ne­raivana, apaesa étaina­ri­chuhíni éhica éti.

2 Timoteo 4:2

Eta tacahe, pímiya­na­vachucha picame­tarairu eta máechaji­riruva ema Viya te jácani pítuji­si­ravana. Vahi picúya­cu­jié­que­nehava. Pécatia­ca­vacaicha muraca ena téjeca­pa­vanahi eta náeneuchi­rávaina. Piconse­ja­chavaca. Pétume­chavaca ena tiúripa­ne­re­ruanahi. Pácaye­hesera paciencia eta pímitu­si­ra­vacaya namutu.

Hebreo 10:34

Ejapa­nu­hivare nácani ticaera­tanahi te cárcel. Tacutiquene ecuri­sa­mu­re­cha­vachucha eta navere­ji­si­ra­heanahi eta ímaha­queneana, taicha échahi éti tatiarihihi eta ímaha­que­nea­na­yarehi te anuma. Tétavi­cavahi tiúripanahi tayehe, máitava­cacahi éta.

1 Pedro 1:6

Puiti, apana­pa­ne­ya­rechaha eta ecata­ji­vai­ra­ya­rechaha. Nucasi­ña­va­hisera eyehe éti, vahi ecaina­ji­ru­vaimahi. Eta ecasi­ña­vairahi me Viya, evapi­na­vaichucha eta ecami­chirahi tamutu, taicha ímatihi vaipa táunaimahi eta ecata­ji­vairaya.

1 Pedro 1:8

Éti, vuíchaha ímatihini eta mamira ema Viáquenu. Émuna­ca­hisera éma. Ichape­hivare eta ecasi­ña­vairahi eta mayehe. Tásiha, ichape­ya­rehiva eta iúrisa­mu­revaya, tájina eviyaimahi ácaye­mahini eta ecuna­chiraya éma, te jena sache iúchucu­hainapa eta ítare­siraya máichecua­ra­qui­renapa. Étasera eta táitsivahi eta ecasi­ña­vairahi mayehe ema Viáquenu.

1 Pedro 3:13

Nájina tíjara­ca­vaimahi titupia­caheana te náimahahi icha eta táuriqueneana.

3 Juan 1:11

Némuna­ruquene, vahi picuicutipa ena tíchanahi eta tamauri­queneana. Picuti­ya­resera ena tíchanahi eta táuriqueneana. Taicha viti víchana eta táuriqueneana, viti machicha­naveana ema Viya. Énasera ena tíchanahi eta tamauri­queneana, éna, vahi náimatihíni ema Viya.