1 Corintios 13:9 - Ignaciano

⁹ Taicha puiti te juca vítare­sirahi, apaesa­chi­charichu eta vímatie­que­ne­hairahi, apaesa­chi­charichu eta vítusirahi eta metarapiana tásiha­que­neanahi me Viya.

Táurinakene máechejiriruwa’i ema Viya tikaijare

⁹ Taicha puiti te juka vítaresira'i, apaesachichaichu eta vímatiekene'aira'i, apaesachichaichu eta vítusira'i eta metarapiana tási'akeneana'i me Viya,

1 Corintios 13:9 ပူးပေါင်းရင်းမြစ်များ

San Mateo 11:27

Tacahe, ema Jesús máichavacapa ena achaneana: —Ema Tata Nucaiyaquene, ema tíjara­canuhi eta nútiraya néchaya tamutu. Nájina énaji­vai­nahini náimatihini ema Tata. Nucarichu núti néchinavahi ena nímima­ti­rua­nayare éma. Taicha núti yátupihi eta nímatirahi ema Tata Nucaiyaquene; tacuti­quenehi eta yátupi­ra­hivare eta máimati­ranuhi éma.

Romanos 11:34

Taicha nájina tímatie­que­ne­haimahi eta mapane­reruana. Nájinavare náimitu­cahini éma.

1 Corintios 13:10

Járaja­pai­na­pasera eta sácheyare, vímatie­que­ne­hainapa yátupi eta mapane­reruana ema Viya, eta vimáima­tie­que­ne­ruanahi puiti. Vaipa vácamunu ena tímitu­ca­haviana.

1 Corintios 13:12

Ene vicahehi víti eta juca vítare­sirahi. Puiti vuíchaha támutuhíni vímatie­que­ne­hahini. Ticuti­richaha te vímara­racaicha eta vicuna te jácani ichasi espejo, vahi tacaeche­rahini. Járaja­pai­na­pasera eta sácheyare ticaeche­rainapa tamutu. Puiti, ticajera eta vicaicu­tia­rairahi víti. Ema Viya vuíchaha tímitu­ca­há­vihíni tamutu eta mapane­reruana. Téhesera te apaja­ra­hinapa, tamutuya vicaicutiara máicha. Tacutirichu eta máimairahi puiti eta vipane­reruana víti te amahe eta visamureana.

1 Corintios 2:9

Vítisera víti, máimitu­reanahi ema Espíritu Santo. Vímatihi eta mapane­reruana ema Viya. Émahi ema tímima­ti­cha­havihi taicha macarichu máimatihi eta tayumu­ru­re­vanahi te mapane­reruana ema Viya. Taicha ani tacahe eta Sagrada Escritura: “Tétavi­cavaya eta náurica­careva ena nani témuna­canahi ema Viya. Taicha máijara­ca­vacaya eta náicuchihi natupa­rahahi maicha éma. Máimaha­si­richaha eta tacuti­quenehi eta náurica­ca­revaya. Váhivare tisamai­ri­ca­ca­rehini eta tacuti­quenehi te jácani tiyerehi avasareana. Nájina narata­hahini náimija­chaimahi eta táetaviu­chi­ravaya” tacahepa eta Sagrada Escritura.

1 Corintios 8:2

Taicha nararihi ena ticasi­ña­va­vai­canapa, tímija­cha­vanapa náimatie­queneha tamutu. Eta juca náichahi táimerecahi vuíchaha náitucahini, vuíchaha nacapa­ya­ya­ra­cahini eta mapanereru mácani yátupipa máituca.

Efesios 3:8

Vahi németea­ca­vahini nútina­sa­mihini manerejica, taicha nararihihi ena títupa­ji­jia­pa­na­vanahi eta nuyehe. Tijapa­nu­nu­hisera ema Viya. Nútisamipa manere­jiruhi, mavarairahi numeta­panahe eta máichuirahehi éti apana eti apava­sanana, eta ejaca­piraya eta táurica­ca­requene vícuchi maicha ema Cristo. Tétavi­cavaya eta viúrica­cá­re­vayare.

1 Juan 3:2

Némuna­ca­sareana, vécharipa eta macachi­chai­ra­havipa ema Viya. Vuíchahasera tímechahavi éma eta viúrivayare. Véchari­pavare eta vicuti­rayare ema Jesucristo eta te machava. Taicha vímahayare eta máimahiquene éma.