1 Corintios 12:8 - Ignaciano

⁸ Nararihi ena máimica­ta­cavaca ema Espíritu Santo eta náitusiraya téchajicana, náimitu­re­siraya. Ena apamuriana máijara­ca­va­cavare máejera­reyare eta nacaicu­tia­rairaya eta mapane­reruana ema Viya. Émana­ri­chu­hisera ema Espíritu Santo tíjaracahi eta juca.

Táurinakene máechejiriruwa’i ema Viya tikaijare

⁸ Narari'i ena máimikatakawaka ema Machanewa Viya eta náitusiraya téchejikana, náimituresiraya. Ena apamuriana máijarakawakaware máejerareyare eta nakaikutiarairaya eta mapanereruana. Émanaichu'isera ema Machanewa Viya tíjaraka'i eta juka.

1 Corintios 12:8 ပူးပေါင်းရင်းမြစ်များ

San Mateo 13:11

Tásiha, ema Jesús tijica­pa­havipa: —Ema Tata titupa­ra­canuhi nítame­ta­ca­heyare éti eta juca táequene­reruana mapane­reruana. Mavaraha ímatie­que­nehaya éti. Énasera ena apamuriana achaneana vahi nítame­ta­ca­va­caimahi, náimaina­vainepa éna.

Hechos 6:3

Tiuri puiti, nupara­pe­naveana, tacamunu vinacayare siéteanaina ena ajairana te emuri éti, nácani ímati­queneana tiúriana achane, téchema­rahiana náimatie­queneha tamutu, mávahá­rua­na­hivare ema Espíritu Santo. Énaina vituparaca naicha eta juca.

Romanos 15:14

Tiuri puiti, némuna­ru­queneana nupara­pe­naveana, nucasi­ñavahi núti eta eyehe, eta étaviu­chiraipa eta iúriva étapa eta ímatie­que­ne­hairahi tamutu eta máimitu­rapiana ema Viáquenu. Yátupi­hivare ítucahi econse­ja­chacaca.

1 Corintios 1:30

Puítisera éti, majaca­pa­que­nea­naripa ema Viya. Mávahá­ru­he­varepa ema Jesucristo maicha ema Maiya. Tacahe, ichaperipa eta échema­raivahi máicha. Sántuheripa máicha, ecutipaipa eta masantuvahi éma. Iúchucu­re­paipahi tayehe eta ticaviu­re­ca­revana.

1 Corintios 1:5

Tíjara­ca­heripa eta ítupa­ji­jia­si­ravahi eta échaji­sirana, échema­ha­ripihi tamutu.

1 Corintios 13:2

Te tacuija­hi­pucaini eta vémuna­rai­vai­nahíni, tájinapa vicuna­cha­ca­rémahi me Viya. Tayanapane vicame­ta­rai­ru­hi­pucaini eta vimeta­ca­si­vanahi te anuma, támutu­hi­va­re­pucaini víturue­que­neháini, étaripa te máijahú­cha­pucaini macaye­je­cahini ema Viya eta ichapequene mari táichave­né­nahíni eta viyasea­si­rai­nahini eta vicasi­ña­vai­rai­nahini eta mayehe.

1 Corintios 13:8

Tájinapa títaimahi eta vémuna­rai­vayare, vímiya­na­vainapa eta vítare­siraya. Eta jena sácheanayare, vímatie­queneha tamutu. Vaipa vicamunu eta vimeta­ca­sivana eta metara­pia­nayare tásiha­que­nea­nayare me Viya. Tájinapa viátaji­vaimahi eta visami­rayare eta apaecha­ji­ri­ruvana. Váipavare tácaje­raimahi eta visami­rayare vímatie­que­ne­ha­va­nénapa.

1 Corintios 14:26

Nupara­pe­naveana, áni tacaheyare eta iúruji­si­ra­va­nayare. Enere­jicava eti íputsia­ca­vayare eta ejirairaya. Éneri­chuvare tinere­ji­ca­vayare mácani tíjara­ca­vayare ema tímitu­re­cayare. Éneri­chuvare te matiari­hi­napuca mácani mavarahahi ticame­ta­rai­ruyare eta mameta­ca­si­vanahi me Viya, tájinachucha táichavahi. Tísapa­ca­re­hivare eta échaji­si­rayare te apaecha­ji­ri­ruvana. Tacamu­nu­hisera matiari­hiyare ema trépeteyare. Tamutu eta júcana, étara ticaju­ru­cayare eta nasuapa­ji­rai­vai­na­paipaicha ena echamuriana.

1 Corintios 14:6

Nútiripa, nupara­pe­naveana, níteca­pau­cha­he­pucaini néjira­pa­na­hehini, tásiha néchaji­ca­pa­hi­pucaini te apaecha­ji­riruva eta eyehe, éti vahi ácaicu­tia­raimahi, váipavare tímica­ta­ca­hémahi eta tajuru­si­rai­nahini eta ecasi­ña­vairahi me Viya. Tacamunuhi néchaji­cahíni te échaji­ri­ruvaichu eta nímitu­si­ra­hé­nahini, éti ecaicu­tia­ra­sa­repaini tamutu eta numeta­ca­si­vanahi me Viya, étapa eta máimere­cha­que­nenuhi, étapapuca eta máimati­quenehi, arairu eta viyehe.

1 Corintios 2:11

Viti achaneana, vicarichu vecha eta vipane­re­rua­napachu tásiha­que­neanahi te visamureana. Nájina apanaina náratahahini naecha. Ene macahehi ema Espíritu Santo. Macarichu éma téchahi tamutu eta mapane­re­ruanahi ema Viya, taicha émarichuhi máchanevahi.

1 Corintios 2:16

Tacahehi eta táechaji­ri­ruvana eta Sagrada Escritura: “Nájina émanaina achane máemuna­hi­ri­ca­vahini máimatihini eta mapane­reruana ema Viáquenu. Tavetijicha májina mácani máitucahini máimituca ema Viya eta mamaitu­ca­que­nea­na­pucaini” tacahepa. Nájinavare nácuti­ha­vihíni víti vicara­va­hu­quenehi eta máechaji­ri­ruanahi ema Cristo. Vímatiripa eta mapane­reruana.

2 Corintios 1:12

Visama­va­hisera víti eta vicuna­chi­ravahi eta tájinairahi víchira­vai­nahini, váhivare apipie­ma­ha­vi­nahini. Sánturu­ha­ha­viripa te nataracu namutu ena achaneana, evetijipa éti. Émahisera ema Viya tímica­ta­ca­havihi táurihi eta vítare­sirahi táichavenehi eta máemuna­si­ra­havihi. Vahi vítiji­ri­ru­vai­nahini eta vítupa­ji­jia­si­ra­vanahi.

2 Corintios 11:6

Tayana­pa­nepuca táepuru­carehi nayehe eta néchaji­si­rasami, étasera eta nítupa­ji­jia­sirava, tamutuhi nímatie­queneha. Ímatinuhi éti tayehe tamutu jácani nímitu­si­raheana níchaque­neanahi.

2 Corintios 2:14

Tásiha, tétavi­cavahi eta núrisa­mu­revahi eta nuchima­pirahi ema Tito eta te juca. Puiti, ichape eta nuhasu­lu­pa­ya­chirahi ema Viya eta majanea­si­ra­ha­vi­paraca, tíjara­ca­ha­vi­hivare eta máitupa­ji­jia­sirava eta virata­hairahi vicanara tamutu, táichavenehi eta mávahá­si­ra­havihi ema Jesucristo. Titupa­ra­ca­ha­vivare vicame­ta­rai­ru­yarehi eta máimitu­rapiana, mavarairahi tiúriyarehi eta nasamiraya namutu ena achaneana tacuti eta najiusira jácani táijiye­queneana.

2 Corintios 4:6

Ema Viya, te máepiya­cainapa eta juca apaquehe, macava­nai­ripipa tatiari­hi­yarehi eta tijarahi, témitia­ca­yarepa eta timapi­cu­que­nénihi. Ene macahehi eta viyehe. Tímima­ti­cha­hávihi eta majaraiva ema Machicha. Tétavi­cavahi eta tajaraivahi te visamureana. Éma, tímima­ti­cha­ha­vi­paipahi eta máetaviu­cha­quenehi máurivahi ema Viya.

2 Corintios 6:6

Éti ímatinuhi yátupihi eta táurivahi eta nítaresira. Ímati­nu­hivare eta nucaimi­tu­casihi mayehe ema Jesucristo. Táichavenehi eta mávahá­si­ranuhi ema Espíritu Santo, nucayehehi eta paciencia nayehe namutu, nujapa­nu­ra­hi­hivare. Yátupi­quenehi eta némuna­raivahi.

2 Corintios 8:7

Taicha éti, ichapemuri eta ecasi­ña­vairahi me Viya. Tétavi­ca­va­hivare eta échema­raivahi. Camuri­hevare éti ímitu­rahiana. Evapi­na­va­hivare eta ecaema­ta­nea­sirahi ema Viya. Tétavi­ca­va­hivare eta émuna­raivahi eta viyehe. Eta tacahe, táurica tápaju­ca­va­hi­varéni eta enaqui­ruvana ecaji­ri­siraya.