Ze̩karaya 8:20 - O̩TAKADA O̩LA O̩JO̩ 1970

²⁰ Abu ki Jihofa ki nʼe̩wñ du aka de̩ kakini, Amone̩ amone̩ awa pio̩o̩, kpʼabo ku ma dodo ewo wewe wewe;

Ze̩karaya 8:20 ပူးပေါင်းရင်းမြစ်များ

Ze̩karaya 2:11

Abo uche̩ichi uche̩ichi wewe la akʼo̩la-ma dama ñwu Jihofa iko le̩, tak ama achʼamone̩ e-mi. Omi la adodo alumeji-we̩, tak uwe̩ ama ka ki Jihofa ki nʼe̩wñ du kpe̩ mi wʼugbo we̩.

Je̩re̩maya 16:19

O Jihofa, ukpahiu-mi kpʼaku-mi, kʼe̩ chʼokoubi-mi iko o̩bata, abo uche̩ichi uche̩ichi du awʼugbo-we̩ kwʼukpoji ukpoji ane̩-ile̩, ma la akakini, Amata-wa je̩ e̩wñ ogu du tʼo̩lemi le̩ n, e̩wñ ibe̩te̩ ki ma nʼile du efu n.

O̩la E̩bite 11:15

Tak onuche̩ e̩kebie le̩ fʼo̩kakachi-wñ; oñ i mud omuko̩la lile efojale, kakini, O̩da ojane̩ ile̩ mud e-Ondu-wa kpʼe-Kraisti-wñ me̩; i la ajʼonu-wñ ogbegbele̩ nyile̩wa.

Matiu 8:11

U la aka ñwu me̩ kakini, Amone̩ wewe akwʼo̩wo̩ olodudu kpʼo̩we̩ olane̩ wa achʼeku kʼane̩ manyʼEbraham kpʼAise̩k kpai Jeko̩b ojane̩ e-efojale,

Malakai 1:11

Todu akwugbo kʼolu akwane̩ odudu gbogbo tʼugbo kʼi atunyʼane̩, odu-mi anana ef abo uche̩ichi; oñ ugbo tʼugbo du ma akʼe̩wñ ki akpo wa ñw odu-mi, kpai e̩wñ ele ki fe̩; todu odu-mi anana ef abo uche̩ichi, Jihofa ki nʼe̩wñ du ka-i.

Emo̩s 9:12

kʼama ki gba e̩bo̩bo̩ abo Ido̩m kpʼabo uche̩ichi uche̩ichi du ku ma dʼodu-mi mu ma, Jihofa ki ache e̩wñ-i aka-i.

Hosiya 2:23

tak omi adʼu gbe̩ ñw o̩la-mi oj ane̩-i. Oñ omi ali e̩ne̩ ku ma ma li ejumomi-wñ n le̩ ejumomi, oñ naka ñw abo ku ma ma chʼabo-mi n le̩ kakini, Uwe̩ chʼabo e-mi; tak ama akakini, O̩jo̩-mi.

Hosiya 1:10

I chaka dʼabe̩le̩ aluka amo̩ma Israe̩l awewe dab e̩lanyi ohimini, e-ki ma jʼañwa n, kʼi ma la jʼakaluka n; oñ i awatu ka kʼugbo ku ma ka ñw ma kakini, Ama chʼabo-mi n, ma aka ñw ma kakini, Amo̩ma O̩jo̩ ki deju.

Aizaya 49:6

oñ i kakini, Todu kʼuwe̩ ki chʼadu-mi kʼe̩ kʼabo̩lo̩pu o̩lo̩pu Jeko̩b kwane̩, kʼe̩ kʼabo Israe̩l ku ma fejutʼo̩ le̩ dabi tʼe̩gu-ma, chʼe̩wñ fuye̩ tʼuwe̩ le; naño̩ dʼuwe̩ chʼugane̩ ñw abo uche̩ichi, kʼuwe̩ ki chʼujadu-mi gbogbo tʼukpoji ane̩ ile̩.

Aizaya 11:10

Oñ iko le̩ ili Je̩si adago chʼagaliga amone̩ ojoji ojoji; abo uche̩ichi uche̩ichi atejane̩ uwñ; uña uñmi-wñ la achʼojima.

Eli Eko̩ DʼO̩jo̩ 89:9

Uwe̩ nʼo̩da o̩fu kʼohimini alo̩ le̩; akpoli-wñ kwane̩ uwe̩ abʼo̩.

Eli Eko̩ DʼO̩jo̩ 72:17

Odu-wñ ado̩mo̩ ogbegbele̩, ekpo̩kpe̩ odu-wñ atʼo̩gba ñw e-olu! Amone̩ la ade̩nyo̩ ñw omune̩ ef uwñ, abo ucheichi du adʼowñ kʼe̩ne̩ ki gbede!

Eli Eko̩ DʼO̩jo̩ 22:27

Ukpoji ukpoji ane̩ ile̩ du arewa oñ ma arida tʼugbo Jihofa; abo akwo̩ra unyi akwo̩ra unyi abo uche̩ichi chaka adojikane̩ o̩gba-we̩.

1 Amonu 8:43

uwe̩ ki gbo̩ efojale ugbo kʼe̩ gugu le̩, kʼe̩ la che teju alu du kʼononojo le̩ araku dʼe̩ todu-wñ; todu kʼamone̩ ile̩ du ki ma odu-we̩, kʼama ki railo we̩, alu kʼabo-we̩ Israe̩l ache, todu kʼama ki ño̩ ma ka kʼunyi kʼu ko̩-i ma du rʼodu-we̩.

1 Amonu 8:41

Anubi le̩ ge̩, ugbo o̩la ononojo, kʼi ma dʼef abo-we̩ Israe̩l in, e̩gba kʼi kwʼane̩ o̩najiji dufu wa tod odu-we̩,

E̩wñ kʼAme̩nukpuche̩ Che 15:18

Ondu, kʼi je̩ ñwu ma ma e̩wñ-i kwʼigbelegbele aka-i.

E̩wñ kʼAme̩nukpuche̩ Che 15:14

Simeo̩n choli ñwu me̩ alu kʼO̩jo̩ wa fejudʼabo uche̩ichi ejodudu kʼi chi amone̩ kwef uma tod odu-wñ.

Eli Eko̩ DʼO̩jo̩ 102:22

e̩gba ku ma kʼamone̩ jeju jo̩, kpai ojane̩ ojane̩, kʼama ki re̩ Jihofa.

Aizaya 45:14

Abu ki Jihofa ka de̩ kakini: Akanya uko̩lo̩ kʼabo Ijipti che kpai e̩wñ aja abo Itiopia, kpai abo Sabean, abo ku ma chʼamakachi le̩, adaba wʼugbo we̩, oñ uwe̩ ane̩ ma, ama atʼuwe̩ ubi; igbaligba adʼo̩wo̩-ma kpai e̩re̩-ma oñ ma adaba wa, ma la afʼeju bʼane̩ ma ñw e̩, ma la agbo̩ko̩bʼe̩ kakini: Ochochi, O̩jo̩ dʼubi-we̩, i la nʼomune̩ du n, O̩jo̩ omune̩ du do̩mo̩ n.

Maika 4:3

Owñ la akajo̩ agbagba amone̩ ojoji ojoji wewe, i akpoji o̩la abo uche̩ichi uche̩ichi ki gbiti ku ma jʼo̩najiji; tak ama akʼo̩kwo̩chageii-ma gwʼuko̩che̩, ma la akʼo̩kwo̩-ma gwʼujegbe; abo uche̩ichiʼka ñʼakʼo̩kwo̩chageli akobʼabo uche̩ichi omune̩ n, ma ñʼako̩che̩ ogu e̩ja ge̩ n.