Ze̩karaya 8:19 - O̩TAKADA O̩LA O̩JO̩ 1970

¹⁹ Abu ki Jihofa ki nʼe̩wñ du aka de̩ kakini, Alu eji ochu e̩ke̩le̩, kpʼalu eji ochu e̩ke̩lu, kpʼalu eji ochu e̩kebie, kpʼalu eji ochu e̩ke̩gwa achʼuyo̩ kpʼe̩do̩ e̩bo kpai uje̩-wñ e̩do̩ afu ñw abunyi Juda; todule̩ me̩ ki fe̩do̩ ochochi kpai ure̩do̩.

Ze̩karaya 8:19 ပူးပေါင်းရင်းမြစ်များ

Je̩re̩maya 39:2

Oñ o̩do̩ Ze̩de̩kaya e̩ke̩gwaka nyʼochu me̩le̩-wñ o̩jo̩ e̩ke̩la ochu le̩, ma fʼaku ewo kpo̩fo̩.

Ze̩karaya 8:16

E̩wñ ku me̩ ache de̩, E̩ne̩ne̩ne̩ne̩-me̩ ki nakʼochochi kpʼeke-ji-wñ, kʼajo lʼo̩na ochochi kpai ure̩do̩ alaku-me̩,

Ze̩karaya 7:5

E̩ nako̩la ñw amone̩ ane̩-i du, kpai amatama kakini, E̩gba ku me̩ jialu ku me̩ la daido̩ ochu e̩ke̩lu kpai ochu e̩kebie o̩do̩ e̩te̩gwa-i, omi me̩ jialu ñw u? E-mi dʼef uwñ ree?

Ze̩karaya 7:3

ku ma laño̩ kʼo̩la ñw amatama ku ma jʼef unyi Jihofa ki nʼe̩wñ du, kpai amakache̩-wñ, kakini, Naraku ochu e̩ke̩lu kʼu ño̩ fʼo̩la-mi date̩ ojoji, alu kʼu te̩tache o̩do̩ wewe-i?

Je̩re̩maya 52:4

Oñ i lewa tʼo̩do̩ e̩ke̩la kʼi jʼo̩fe̩, ochu e̩ke̩gwa-wñ o̩jo̩ e̩ke̩gwa ochu le̩, Ne̩biukadre̩za, onu Babilo̩n, lewa, owñ kpʼabogu-wñ chaka, ku ma ko bʼo̩ Je̩rusale̩m. Taku ma ru ru nyʼu; ma la fʼugbudu ogu du nyʼu le daka.

2 Amonu 25:25

Ama i lewatu ochu e̩kebie-wñ, Ishmae̩l o̩ma Ne̩tanaya, o̩ma Elishama kʼi dʼef ugbe̩ onu, lewa, one̩ me̩gwa jʼugbo-wñ, oñ ma fu Ge̩dalaya kpai amaJu kpai abo Kaldia ku ma jʼugbo-wñ Mizpa le̩ gwoda, oñ i leku.

Eli Eko̩ DʼO̩jo̩ 30:11

Uwe̩ fʼeku-mi ede̩ rida tef ido eta me̩; uwe̩ mʼe̩gbanukpo-mi tu me̩, e̩ la mʼuyo̩ ko lʼumi ago de,

Aizaya 35:10

Oñ abo ki Jihofa la ma tane̩ anʼeli eko̩ dabi wa Zayo̩n, uyo̩ e-ogbegbele̩ la adʼoji-ma; ma ane̩ e̩do̩ e̩bo̩ kpʼuyo̩. E̩do̩dudu kpʼifi efi ara.

Aizaya 12:1

O̩jo̩ le̩ uwe̩ aka kakini: Nagogbodʼuwe̩, O Jihofa, todu dagba e̩ te̩tawe̩do̩rʼumi, uwe̩do̩-we̩ murida me̩, oñ uwe̩ anyʼumi e̩do̩-i.

E̩sta 9:22

abu kʼi chʼo̩jo̩ kʼamaJu ñmi ñw ame̩nebi-ma, kpai ochu ku ma rida ñwu ma kwef e̩do̩dudu tef e̩do̩ e̩bo̩, kpai akwo edaido̩ tef o̩jo̩ e̩nyo̩; kʼama ki che kʼo̩jo̩ meji le̩ ki chʼo̩jo̩ uje̩wñ eje̩ kpai e-e̩do̩ e̩bo̩ kpai o̩jo̩ ku ma kʼe̩wñ kpuche̩ rʼo̩la-ma, kʼama ki chʼame̩nale ele.

O̩la E̩bite 22:15

Amabia kpʼamachobochi kpʼame̩-nabutabu kpʼamakpone̩ kpʼamachode kpʼe̩ne̩ du ki ache̩do̩ e̩wñ olemi ki laño̩ che jʼo̩do̩da-wñ.

Aizaya 51:11

Abe̩le̩ abo ki Jihofa la ma tane̩ adabiwa, ma la anʼeli eko̩ wa Zayo̩n; uyo̩ ogbegbele̩ abʼuma oji ma; ma anʼuyo̩ kpʼe̩do̩ e̩bo̩, oñ e̩do̩dudu kpʼifi efi ara pioo.

E̩sta 8:17

Oñ ojane̩ ojane̩ du kpai ewo du ugbo du kʼeñwa kʼonu ñwa kpai o̩la-wñ le̩ lewa te̩, amaJu nʼe̩do̩ e̩bo̩ kpai uyo̩ kpai uje̩wñ uyo̩ kpai o̩jo̩ e̩nyo̩. Tak amone̩ wewe kwef abane̩ le̩ murida tef amaJu, todu ailo amaJu kwobʼuma ma.

Je̩re̩maya 36:6

todule̩ uwe̩ ki le, oñ o̩jo̩ alu eji uwe̩ ki cho̩kalatu o̩la Jihofa ki dʼef ibuku kʼe̩ ko̩ kwʼalu-mi le̩, ef unyi Jihofa ugbo kʼamone̩ du agbʼo̩. Uwe̩ ki ño̩ chʼo̩kalatu wñ ugbo kʼamone̩ Juda du ku ma kwʼewo ewo-ma awa agbʼo̩ ge̩.

Ze̩karaya 8:3

Abu ki Jihofa aka de̩ kakini, Omi mudabi wa Zayo̩n me̩, omi ñʼadodo alumeji Je̩rusale̩m, taku ma ado̩ Je̩rusale̩m ko̩ ewo ugbo kʼochochi de̩, ma la ado̩ uwo Jihofa ki nʼe̩wñ du ko̩ Uwo kiafo.

Ze̩karaya 8:18

Tak o̩la Jihofa ki nʼe̩wñ du ño̩ wʼugbo mi, kakini,

2 Amonu 25:1

Oñ i lewatu o̩do̩ e̩ke̩la kʼi jʼonu, ochu e̩ke̩gwa-wñ, o̩jo̩ e̩ke̩gwa ochu le̩, Ne̩biukadne̩za onu Babilo̩n lewa akobo̩ Je̩rusale̩m, owñ kpai abogu-wñ chaka, oñ ma ru ru nyʼu, ma la fʼo̩kpe̩ gwa le Je̩rusale̩m daka.

Eli Eko̩ DʼO̩jo̩ 34:15

Eju Jihofa chefe̩rʼabo̩kpakpa, eti-wñ la nʼilolo tod ukwa-ma.

Izikie̩l 18:8

e̩ne̩ kʼi ma dʼo̩ko̩ ta n, kʼi ma la gbʼile n, kʼi mʼo̩wo̩-wñ gwo̩ bʼuji eche te̩, kʼi la fʼale ochochi da agbagba one̩ meji,

Izikie̩l 24:1

O̩do̩ e̩ke̩la, ochu e̩ke̩gwa-wñ, o̩jo̩ e̩ke̩gwa ochu le̩ ge̩, o̩la Jihofa ño̩ wʼugbo mi kakini,