Ze̩karaya 7:5 - O̩TAKADA O̩LA O̩JO̩ 1970

⁵ E̩ nako̩la ñw amone̩ ane̩-i du, kpai amatama kakini, E̩gba ku me̩ jialu ku me̩ la daido̩ ochu e̩ke̩lu kpai ochu e̩kebie o̩do̩ e̩te̩gwa-i, omi me̩ jialu ñw u? E-mi dʼef uwñ ree?

Ze̩karaya 7:5 ပူးပေါင်းရင်းမြစ်များ

Ze̩karaya 1:12

Tak onuche̩ Jihofa le̩ dohi kakini, Uwe̩, Jihofa ki nʼe̩wñ du, gbogbo nyʼe̩gba oñ uwe̩ ma ali Je̩rusale̩m kpai ewo ewo Juda ejumomi n ta, e-kʼe̩do̩-we̩ kparʼu o̩do̩ e̩te̩gwa-i?

1 Abo Ko̩rint 10:31

Todule̩ dagba me̩ je̩, dagba me̩ ñmo̩, dagba me̩ che e̩wñ, me̩ ki chʼe̩wñ du tef ojima O̩jo̩.

Ze̩karaya 7:6

E̩gba ku me̩ la aje̩ e̩wñ ku me̩ la añmo̩, i chʼo̩la-me̩ me̩ je̩ e̩wñ ñw u n? I chʼo̩la-me̩ me̩ ñmo̩ ñw u n?

Ze̩karaya 7:3

ku ma laño̩ kʼo̩la ñw amatama ku ma jʼef unyi Jihofa ki nʼe̩wñ du, kpai amakache̩-wñ, kakini, Naraku ochu e̩ke̩lu kʼu ño̩ fʼo̩la-mi date̩ ojoji, alu kʼu te̩tache o̩do̩ wewe-i?

Abo Ko̩lo̩se 3:23

e̩wñ du ku me̩ che, me̩ nachuko̩lo̩ le̩ kpʼe̩do̩ʼka, dabe̩ne̩ kʼOndu me̩ che ñwu, kʼi ma chʼone̩ n;

2 Abo Ko̩rint 5:15

i la leku tod o̩chaka amone̩, todu kʼabo ku ma deju ku ma deju ñw o̩la-ma ge̩ n, chai kʼama ki deju tod e̩ne̩ kʼi leku todu ma, ku ma mʼu du kwane̩.

Matiu 23:5

Ama uko̩lo̩ du ku ma che chʼutodu kʼeju amone̩ ki li; todu ma che kʼaño̩ uko̩lo̩-ma ki nʼabe̩, ma ño̩ che e̩gba e̩re̩ ukpo-ma ki nana,

Matiu 6:16

E̩gba ku me̩ la ajialu, me̩ ki bʼeju nyʼo̩wo̩ dab ame̩nayechi le̩ n; todu ma che kʼeju-ma ki kpa todu kʼi tejugede ñw amone̩ ka ku ma ajialu le̩. Ami, naka ñwu me̩ kakini, Ama mʼuro̩me̩-ma gba kpa me̩.

Matiu 6:5

Oñ e̩gba ku me̩ chadua, ame̩ ki dʼalu kʼame̩nayechi de̩ n; todu edago ef unyi ujeju kpʼugwe̩ta o̩na achadua mʼuma e̩do̩, todu ku ma ki tejugede ñw amone̩. Ami, naka ñwu me̩ kakini, Ma mʼuro̩me̩-ma gba kpa me̩.

Matiu 6:2

Todule̩ e̩gba kʼe̩ dʼe̩wñ chʼele ejumomi, e̩ ki fʼo̩kakachi o̩gba-we̩, alu kʼame̩nayechi ache ef unyi ujeju kpʼej o̩na, todu kʼamone̩ ki dʼojima ñwu ma n. Ami, naka ñwu me̩ kakini, Ma mʼuro̩me̩-ma gba kpa me̩.

Ze̩karaya 8:19

Abu ki Jihofa ki nʼe̩wñ du aka de̩ kakini, Alu eji ochu e̩ke̩le̩, kpʼalu eji ochu e̩ke̩lu, kpʼalu eji ochu e̩kebie, kpʼalu eji ochu e̩ke̩gwa achʼuyo̩ kpʼe̩do̩ e̩bo kpai uje̩-wñ e̩do̩ afu ñw abunyi Juda; todule̩ me̩ ki fe̩do̩ ochochi kpai ure̩do̩.

Je̩re̩maya 25:11

Ane̩-i du amud egbili e̩lanyi kpʼokuta kpai e̩wñ ugoju, oñ abo uche̩ichi uche̩ichi-i arʼonu Babilo̩n o̩do̩ e̩te̩gwa.

2 Amonu 25:23

Oñ e̩gba kʼamagboji abogu chaka gbo̩ ka kʼonu Babilo̩n du Ge̩dalaya je̩ Go̩bina, ama kpai aboma lewa ugbo Ge̩dalaya, Mizpa, owñ chʼIshmae̩l, o̩ma Ne̩tanaya kpai Johanan, o̩ma Kareya, kpai Se̩raya, o̩ma Tanhiume̩t e̩ne̩ Netofata le̩, kpai Jaazanaya, o̩ma e̩ne̩ Maakat le̩, ama kpai abo-ma.

Aizaya 43:23

Uwe̩ la kʼe̩wñ ame̩wño̩re̩ egini-we̩ wa ñw mi tod iche̩bo̩ e̩gujo n, e̩ la kʼe̩wñ iche̩bo̩-we̩ wa adʼojima ñw mi n. U la je̩ ñw e̩ chʼakanya adu e̩wñ ele ene̩ wa n, u la nʼotulale gwʼuwe̩ uhia n.

Aizaya 58:3

E̩wñ chi kʼa ji alu kʼe̩ ma la li n? E̩wñ chi kʼa chʼonugo-wa o̩bata kʼe̩ ma la dibetʼo̩ n? Go, o̩jo̩ alu eji-me̩ me̩ li e̩wñ ki arʼame̩ onugo e̩do̩, oñ me̩ dʼame̩nuko̩lo̩-me̩ mʼane̩.

Je̩re̩maya 29:10

Todu abu ki Jihofa aka de̩, kakini, E̩gba kʼo̩do̩ Babilo̩n e̩te̩gwa le̩ jo̩ kpa, nawa fejudo me̩, kʼu nache kʼo̩la kʼu katane̩ ñwu me̩ le̩ kʼi che̩, owñ chʼeko me̩ dabi wʼuña-i.

Je̩re̩maya 52:12

Tak o̩jo̩ e̩ke̩gwa ochu e̩ke̩lu, kʼi chʼo̩do Ne̩biukadre̩za, onu Babilo̩n, e̩ke̩gwe̩la, Ne̩biuzaradan, agboji abide kʼi adago o̩gba onu Babilo̩n, lewa Je̩rusale̩m.

Danie̩l 9:2

owñ chʼo̩do̩ ejodudu kʼi jʼonu, omi, Danie̩l, fʼo̩takada o̩takada go, oñ u ma aluka o̩do̩ ki Je̩rusale̩m achʼalache̩ kade, teju o̩la Jihofa kʼi wʼugbo Je̩re̩maya akache̩, owñ chʼo̩do̩ e̩te̩gwa.

Hosiya 7:14

Ma la raku do̩ mi kpʼe̩do̩-ma n, ma muda jʼoj ate̩-ma akwa; ma kʼo̩la-ma jeju jo̩ tod e̩wñ e̩yo̩ kpai omi achiwebe̩te̩ma etito̩, ma muna bʼumi te̩.

Ze̩karaya 7:4

Tak o̩la Jihofa ki nʼe̩wñ du wʼugbo mi kakini,

2 Amonu 25:25

Ama i lewatu ochu e̩kebie-wñ, Ishmae̩l o̩ma Ne̩tanaya, o̩ma Elishama kʼi dʼef ugbe̩ onu, lewa, one̩ me̩gwa jʼugbo-wñ, oñ ma fu Ge̩dalaya kpai amaJu kpai abo Kaldia ku ma jʼugbo-wñ Mizpa le̩ gwoda, oñ i leku.