Ze̩karaya 4:6 - O̩TAKADA O̩LA O̩JO̩ 1970

⁶ Tak i dohi ka ñwu mi kakini, O̩la Jihofa ki awʼugbo Zerubabe̩l le̩ de̩, kakini, I lʼugbo ugbiti n, i la lʼugbo ukpahiu n, chai lʼugbo Afu-mi, Jihofa ki nʼe̩wñ du ka-i.

Ze̩karaya 4:6 ပူးပေါင်းရင်းမြစ်များ

Eli Eko̩ DʼO̩jo̩ 33:16

Onu afʼo̩la-wñ jadu lugbo abogu-wñ ki wewe n; ukpahiu ki nana agba e̩nagbiti n.

Hosiya 1:7

Omi muda ali abunyi Juda ejumomi, kʼu najadu ma lugbo Jihofa, O̩jo̩-ma; u la anʼo̩o̩do̩ abe̩k o̩kwo̩chageli abe̩k ogu eja abe̩k amanya abe̩k amananya jadu ma n.

2 Iko Iko E̩wn 14:11

Esa kwado̩ Jihofa, O̩jo̩-wñ, oñ i kakini, Jihofa, i nʼe̩ne̩ du kʼi dabʼuwe̩ kʼi ate̩ko agbagba amagbiti kpʼamegbo n: te̩ko wa, O Jihofa, O̩jo̩-wa; todu a chubiyʼ uwe̩, ef odu e-we̩ oñ a wa kʼa kobʼo̩wo̩ one̩-i. O Jihofa, uwe̩ chʼO̩jo̩-wa; e̩ ki je̩ ñw one̩ fʼe̩ du n;

Aizaya 32:15

gbogbo taku ma dʼAfu danyʼuwa oji kwʼate̩, kʼaje̩tachi la mud ane̩ uro̩je̩, oñ ane̩ uro̩je̩ dab efoko eju-ma.

Aizaya 30:1

Atogwo ñw amo̩ma agbo̩go̩, Jihofa ka-i, ku ma gba ibe kʼone̩ adu ñw ma, ma muda gbʼe-mi n; ma la jalu, I muda chʼafu-mi nyi n, kʼama ki dure dure ño̩ dure;

Ekaluka 27:16

Jihofa, kʼi chʼO̩jo̩ amafu o̩re̩la du, kʼi nachi one̩ kʼabo o̩gbadu-i ki jʼef o̩wo̩-wñ,

E̩zra 5:2

Taku Ze̩rubabe̩l, o̩ma Shealtie̩l, kpai Je̩shua, o̩ma Jozadak, kwane̩ oñ ma chane̩ ekʼunyi O̩jo̩ ki de̩ Je̩rusale̩m; amakache̩ O̩jo̩ la manyu ma ate̩ko ma.

1 Pita 1:12

Ma mubi rʼuma eju ka kʼi chʼo̩la-ma n, chai ame̩ oñ ma jo̩ ache e̩wñ le̩ ñw u, owñ chʼe-ku ma dʼu ka ñwu me̩ fa-i lef abo ku ma fʼuche̩nyo̩ je̩ rʼume̩ ef Afu Kiafo̩ ku ma kpe̩ kwʼefojale wa. E̩ño̩-wñ che amonuche̩ O̩jo̩ ku ma te̩kpe̩ agʼo̩.

Abo E̩fe̩sus 6:17

Taku me̩ mʼukata ujadu gba, kpai ugbada e-Afu, owñ chʼo̩lO̩jo̩.

Abakwane̩ 41:16

Taku Jose̩f dohi ñwu Fero kakini, I chʼefu-mi i de̩ n; O̩jo̩ adohi ugbe̩do̩ ñwu Fero.

1 Samiue̩l 14:6

Taku Jo̩natan ka ñw okolobia ki anʼane̩ ogu-wñ kakini, Lewa kʼa daba nyʼugbo abide abo e̩pi odukulu-i; ikani Jihofa ache uko̩lo̩ ñw a; todu i nʼe̩wñ du ki adu Jihofa hi ejadu lʼo̩wo̩ amone̩ n, dagba ma wewe, dagba ma de̩ ke̩.

1 Samiue̩l 17:47

kʼabo ujeju-i chaka ki ma ka ki chʼugbada kpai o̩kwo̩ oñ Jihofa ane̩ jadu one̩ n; todu ogu kʼa ja-i chʼe-Jihofa. Owñ le̩ ako me̩ jʼef o̩wo̩-wa.

1 Amonu 19:12

Oñ abu kʼane̩ miejo le̩ una ño̩ lewa. Jihofa laño̩ dʼef una le̩ ni ge̩. Oñ abu kʼuna le̩ lale tak omuko̩la me̩ne̩ wa.

E̩zra 3:10

Tak e̩gba kʼamakunyi dʼe̩re̩ unyi Jihofa nyane̩, ma kʼamatama kʼo̩la-ma che̩mu jo̩ kpai o̩kakachi-ma, kpai abo Lifai ku ma chʼamo̩ma Esaf kpai eicha-ma, ku ma je̩nyu Jihofa, alu ki Defid, onu Israe̩l, ñwa jo̩;

Ako̩la ñw Ujeju 9:11

Oñ u mudabi ali o̩gane̩ olu-i, kakini, Ule era i chʼe̩ne̩ ki ahio̩wane̩ adu n; i la chʼabo ki nʼukpahiu adu ef ogu n; i la chʼamanibe nʼuje̩wñ n; i ñʼachʼabo ku ma mʼoji e̩wñ ane̩ e̩wñ anana n; i la chʼabo ku ma chʼo̩ka uko̩lo̩ oñ ma aliʼuma eju n; iko kpʼe̩wñ agbajiko muda ake̩re̩bʼe̩ne̩ du.

Danie̩l 2:34

E̩ kejurʼu gbogbo, taku ma fʼokuta da ki ma chʼo̩wo̩ one̩ che n, oñ i lewa nu e̩re̩ ojibo ki chʼebije kpai ike̩te̩ le̩, i la fʼu kpo̩fo̩ ye̩ge̩-ye̩ge̩.

Hagai 1:1

O̩do̩ ekeji ku Darius jʼonu, ochu e̩ke̩fa-wñ, o̩jo̩ ejodudu ochu le̩, o̩la Jihofa lʼugbo Hagai akache̩ wʼugbo Zerubabe̩l o̩ma Shealtie̩l ki chʼigo̩bina Juda, kpai ugbo Jo̩shua o̩ma Jehozadak, ki chʼagboji amatama, kakini,

Hagai 2:21

E̩ ka ñwu Zerubabe̩l, igo̩bina Juda kakini, Nami efojale kpai ile̩ ejo;

Ze̩karaya 6:12

kʼe̩ la ko̩la ñw u kakini, Abu ki Jihofa ki nʼe̩wñ du aka de̩, kakini, Go, e̩ne̩ ku ma dʼodu-wñ ko̩ E̩pa le̩; owñ la apa kwʼuña-wñ le̩ dufu, oñ i akʼunyi Jihofa;

E̩zra 2:2

Abo le̩ kpe̩re̩ wa kpai Zerubabe̩l kpai Je̩shua kpai Nihe̩maya kpai Se̩raya kpai Ree̩laya kpai Mo̩rde̩kai kpai Bilshan kpai Mispar kpai Bigfai kpai Rehum kpai Beana. Aluka aboke̩le̩ abo Israe̩l le̩ de̩:

Aizaya 34:16

Me̩ natejane̩ ef o̩takada Jihofa ku me̩ cho̩kalatu, kakini, E̩ne̩ okate achi kwef abo-i n; i la nʼe̩ne̩ du ef uma kʼo̩ko̩-wñ ma dʼugbo-wñ ni n. Todu alu Jihofa fʼe-le̩ ñwate̩, oñ Afu-wñ la ko ma wajo̩.

Aizaya 59:19

Abe̩le̩ tak ama arailo odu Jihofa akwʼo̩wo̩ olane̩, kpʼojima-wñ akwʼo̩wo̩ olodudu; e̩gba kʼe̩nebi le̩ ake̩che̩ wa dab uwobi omi, afu Jihofa adʼagaliga dago akpʼo̩na nyʼu.