Ze̩karaya 3:8 - O̩TAKADA O̩LA O̩JO̩ 1970

⁸ Gbo̩ ta, uwe̩ Joshua agboji amatama-i, uwe̩ kpai ame̩numana-we̩ ku ma gugu o̩gba-we̩ le̩; todu ujiwe e̩wñ oñ abo-i che; todu go, omi adʼadu-mi E̩pa le̩ dufuwa.

Ze̩karaya 3:8 ပူးပေါင်းရင်းမြစ်များ

Je̩re̩maya 23:5

Go, o̩jo̩-wñ awa, Jihofa aka-i, e̩gba kʼomi adʼE̩pa o̩kpakpa kwane̩ ñwu Defid, tak owñ le̩ ajʼonu, i la ache e̩wñ ibeibe, i la ache e̩wñ tʼeju alu kʼoj ajo̩ ku ma dute̩ ka, kpai e̩wñ o̩kpakpa oj ane̩-i.

Aizaya 11:1

Epaʼka apa kwʼe̩te̩ Je̩si dufu, e̩to̩ ki ata kwef ili-wñ la arʼe̩ro.

Ze̩karaya 6:12

kʼe̩ la ko̩la ñw u kakini, Abu ki Jihofa ki nʼe̩wñ du aka de̩, kakini, Go, e̩ne̩ ku ma dʼodu-wñ ko̩ E̩pa le̩; owñ la apa kwʼuña-wñ le̩ dufu, oñ i akʼunyi Jihofa;

Je̩re̩maya 33:15

Iko le̩ kpʼe̩gba le̩, naje̩ ñw Epa O̩kpakpa kʼi pa ñwu Defid; owñ le̩ ache teju alu kʼoji ajo̩ o̩kpakpa ka, i la ache e̩wñ o̩kpakpa oj ane̩-i.

Aizaya 53:2

Todu i gba mud o̩kone̩ o̩gba-wñ dabe̩ne̩ kʼoli emele, kpai dabe̩ne̩ kʼili ki atiga kwef ane̩ e̩gbe̩; i la chʼone̩ uto̩ n, i nʼojima n, a fʼu li i nʼalifia kʼa ñeju-wñ n.

Aizaya 42:1

Go adu-mi, e-kʼu nagbʼo̩ ne̩ dago, e̩ne̩ kʼu chi kʼonugo-mi nʼuyo̩ ef uwñ le̩ de̩; omi dʼAfu-mi bʼo ma, i adʼajo̩ o̩kpakpa eka dufu ñw abo uche̩ichi.

Aizaya 20:3

Taki Jihofa kakini, Alu kʼadu-mi Aizaya-i tʼale ago ofo kpai e̩re̩ ofo o̩do̩ me̩ta kʼi chʼujiwe kpai e̩wñ awuwu ugbo o̩la Iiipti kpai o̩la Itiopia le̩,

Aizaya 4:2

Iko le̩ E̩pa e-Jihofa achʼalifia kpʼojima, e̩ro ane̩ kpʼe̩bi-wñ la achʼe̩wñ uba kpʼe̩wñ ijaga ñw abo Israe̩l ku ma mufu tane̩.

Izikie̩l 12:11

Uwe̩ ki kakini, Omi chʼujiwe ñwu me̩; alu kʼomi che le̩, alu le̩ ma ñʼache ma ge̩; oñ ma alo tʼojane̩ ononojo, ma anyʼef amu.

Aizaya 53:11

i ali e̩wñ kwef uko̩lo̩ akanya kʼonugo-wñ ache, e̩do̩-wñ abo̩; lef e̩wñ kʼi ma oñ adu-mi o̩kpakpa le̩, adʼo̩kpakpa ñw amone̩ wewe; i la achʼudu-ma.

Aizaya 52:13

Me̩ go, adu-mi ache e̩wñ ibe ibe, ma ahiʼu ne, ma adʼu kwane̩, i la adʼatate̩ tabale.

Aizaya 49:5

Fai taku Jihofa, kʼi fʼumi bo̩ kwʼefu iye-mi kʼu mud adu-wñ, kʼu du Jeko̩b dabi wa ñw u, kʼabo Israe̩l ki ño̩ jeju jo̩ ñw u, todu u chenʼojima eju Jihofa, oñ O̩jo̩-mi mud ukpahiu-mi—

Aizaya 8:18

Me̩ go, omi kpʼamo̩ma ki Jihofa ko ñw mi chʼujiwe kpai e̩wñ aye ki jo̩ Israe̩l kwʼugbo Jihofa ki nʼe̩wñ du kʼi gugu oj uwo Zayo̩n le̩.

Luku 1:78

lef ibefu e-ejumomi e-O̩jo̩-wa, e-kʼo̩jo̩ ki añwa akwʼojale wa fejudo wa ef uwñ,

Izikie̩l 37:24

Taku Defid, adu-mi, ajʼonu-ma, o̩chaka-ma la anʼadide okate; ma la alule̩ tʼeju oji ajo̩-mi o̩kpakpa, ma la ade e̩wñ uhio̩me̩-mi, ku ma che teju-wñ.

Izikie̩l 34:29

Tak omi adʼe̩wñ oko ki nʼuwohi gbe̩ kʼi atiga ñwu ma, ukpo̩ta la ñʼakpa ma ane̩ le̩ ge̩ n, anyo̩ abo uche̩ichi uche̩ichi ñʼanʼuma oji ge̩ n.

Izikie̩l 24:24

Abe̩le̩ Izikie̩l achʼujiwe ñwu me̩; ame̩ la ache teju e̩wñ du kʼowñ che le̩; e̩wñ-i lewa, tak ame̩ ama ka kʼomi Ondu Jihofa de̩.

Aizaya 49:3

Oñ i ka ñw mi kakini, Uwe̩ chʼadu-mi, Israe̩l, kʼu nanʼojima ef uwñ.

Eli Eko̩ DʼO̩jo̩ 71:7

Omi dabe̩ne̩ kʼe̩wñ uno̩ ñw amone̩ wewe; uwe̩ muda chʼokoubi-mi ki gbiti.

Izikie̩l 12:6

Eju-ma uwe̩ ako nʼika-we̩, kʼe̩ la ko dufu e̩gba kʼane̩ achubi; uwe̩ ki kʼe̩wñ bʼeju-we̩ ma, kʼeju-we̩ ki we eli ane̩: todu omi mʼuwe̩ du chʼujiwe te̩ ñw abo unyi Israe̩l.