Ze̩karaya 2:11 - O̩TAKADA O̩LA O̩JO̩ 1970

¹¹ Abo uche̩ichi uche̩ichi wewe la akʼo̩la-ma dama ñwu Jihofa iko le̩, tak ama achʼamone̩ e-mi. Omi la adodo alumeji-we̩, tak uwe̩ ama ka ki Jihofa ki nʼe̩wñ du kpe̩ mi wʼugbo we̩.

Ze̩karaya 2:11 ပူးပေါင်းရင်းမြစ်များ

O̩la E̩bite 11:15

Tak onuche̩ e̩kebie le̩ fʼo̩kakachi-wñ; oñ i mud omuko̩la lile efojale, kakini, O̩da ojane̩ ile̩ mud e-Ondu-wa kpʼe-Kraisti-wñ me̩; i la ajʼonu-wñ ogbegbele̩ nyile̩wa.

E̩wñ kʼAme̩nukpuche̩ Che 28:28

Todule̩ ame̩ ki ma ka ku ma fʼujadu O̩jo̩ kpe̩ nyʼugbo abo uche̩ichi me̩; ama la agbo. [

Luku 2:32

owñ chʼugane̩ ki abi e̩wñ te̩ ñw abo uche̩ichi, owñ ño̩ chʼojima abo Israe̩l amone̩-we̩.

Aizaya 45:14

Abu ki Jihofa ka de̩ kakini: Akanya uko̩lo̩ kʼabo Ijipti che kpai e̩wñ aja abo Itiopia, kpai abo Sabean, abo ku ma chʼamakachi le̩, adaba wʼugbo we̩, oñ uwe̩ ane̩ ma, ama atʼuwe̩ ubi; igbaligba adʼo̩wo̩-ma kpai e̩re̩-ma oñ ma adaba wa, ma la afʼeju bʼane̩ ma ñw e̩, ma la agbo̩ko̩bʼe̩ kakini: Ochochi, O̩jo̩ dʼubi-we̩, i la nʼomune̩ du n, O̩jo̩ omune̩ du do̩mo̩ n.

Jo̩n 17:21

todu kʼo̩chaka-ma ki chʼoka, alu kʼuwe̩, Ata, dʼef umi, kʼomi la dʼef uwe̩, todu kʼama ki jʼef uwa abe̩le̩, todu kʼabile̩ ki ke̩do̩no ka kʼuwe̩ kpe̩ mi wa.

Malakai 1:11

Todu akwugbo kʼolu akwane̩ odudu gbogbo tʼugbo kʼi atunyʼane̩, odu-mi anana ef abo uche̩ichi; oñ ugbo tʼugbo du ma akʼe̩wñ ki akpo wa ñw odu-mi, kpai e̩wñ ele ki fe̩; todu odu-mi anana ef abo uche̩ichi, Jihofa ki nʼe̩wñ du ka-i.

Ze̩karaya 3:10

Iko le̩, Jihofa ki nʼe̩wñ du ka-i, e̩ne̩ne̩ne̩ne̩-me̩ ado̩ ekeji-wñ wʼolubo ikeli achiwebe̩te̩ma kpai oli o̩gbaikolo.

Izikie̩l 33:33

E̩gba kʼe̩wñ-i lewa che, go i awache! Taku ma ama ka kʼakache̩ te̩te̩dʼef uma ochochi.

Je̩re̩maya 16:19

O Jihofa, ukpahiu-mi kpʼaku-mi, kʼe̩ chʼokoubi-mi iko o̩bata, abo uche̩ichi uche̩ichi du awʼugbo-we̩ kwʼukpoji ukpoji ane̩-ile̩, ma la akakini, Amata-wa je̩ e̩wñ ogu du tʼo̩lemi le̩ n, e̩wñ ibe̩te̩ ki ma nʼile du efu n.

Aizaya 66:19

tak u nadʼujiwe dago efu-ma. Oñ nakʼabo-ma ku ma fʼo̩wo̩ tane̩ kpuche̩ rʼabo uche̩ichi, nyi Tarshish kpai Pul kpai Lud ku ma tʼo̩fa, kpai Tubal kpai Jafan, tʼugbo ala ala ki jʼo̩najiji, kʼama ma gbʼuwohi-mi n, ku ma ma la li ojima-mi n; tak abo le̩ adʼojima-mi ka dufu ef abo uche̩ichi.

Aizaya 52:10

Jihofa mʼo̩wo̩-wñ kiafo̩ du dufu eju abo uche̩ichi du; oñ ukpoji ukpoji ane̩-ile̩-i du ali ujadu e-O̩jo̩-wa.

Eli Eko̩ DʼO̩jo̩ 72:17

Odu-wñ ado̩mo̩ ogbegbele̩, ekpo̩kpe̩ odu-wñ atʼo̩gba ñw e-olu! Amone̩ la ade̩nyo̩ ñw omune̩ ef uwñ, abo ucheichi du adʼowñ kʼe̩ne̩ ki gbede!

Jo̩n 17:25

Ata o̩kpakpa, ile̩ la mʼuwe̩ n, omi la mʼuwe̩, tak abo-i ma ka kʼuwe̩ kpe̩ mi wa.

Jo̩n 17:23

Omi dʼef uma, uwe̩ la dʼef umi, todu kʼama ki chʼabo ki mufu tef okate, todu kʼabile̩ ki ma ka kʼuwe̩ kpe̩ mi wa, kʼe̩ la fe̩do̩ ma alu kʼe̩ fe̩do̩ mi.

Akwodufu 12:49

Uko̩ o̩mane̩ kpai e-ilowa ki ge̩ne̩ efu-me̩ achʼoka.

Aizaya 48:16

Me̩ te̩me̩rʼumi, me̩ gbʼe-i ke: u te̩tako̩la umaja kwʼejodudu n, akwʼe̩gba ki wate̩ omi dʼane̩ o̩mo̩. Fai Ondu Jihofa kpʼAfu-wñ la fʼumi kpuche̩ wa.

Maika 4:2

Tak abo uche̩ichi uche̩ichi wewe anyʼaka kakini: Me̩ lewa kʼa mute̩gu nyʼuwo Jihofa, nyʼunyi O̩jo̩ e-Jeko̩b; tak i ako̩ wa o̩na o̩na-wñ oñ a ale ikpa-wñ ikpa-wñ. Todu efu Zayo̩n oñ uko̩-o̩la le̩ akwo dufu nyʼugbo du, o̩la Jihofa la akwo Je̩rusale̩m wa.

Ze̩karaya 1:16

Todule̩, abu ki Jihofa ka de̩ kakini, Omi nʼejumomi, dabiwa Je̩rusale̩m me̩; ma akʼunyi-mi o̩mo̩, Jihofa ki nʼe̩wñ du ka-i, ma la afʼiku ku ma du ñw e̩wñ bʼoji Je̩rusale̩m ma.

Ze̩karaya 2:5

Todu omi Jihofa ka-i, omi onugo chʼaku una alʼo daka, omi laño̩ achʼojima alumeji-wñ.

Ze̩karaya 8:3

Abu ki Jihofa aka de̩ kakini, Omi mudabi wa Zayo̩n me̩, omi ñʼadodo alumeji Je̩rusale̩m, taku ma ado̩ Je̩rusale̩m ko̩ ewo ugbo kʼochochi de̩, ma la ado̩ uwo Jihofa ki nʼe̩wñ du ko̩ Uwo kiafo.

Ze̩karaya 8:8

oñ nako ma wa, ma la adodo o̩ge̩ge̩de̩ Je̩rusale̩m; tak ama achʼabo e-mi oñ nachʼO̩jo̩ e-ma, ef ochochi kpai ef o̩kpakpa.

Aizaya 52:11

Me̩ kwo bʼo̩ te̩, me̩ kwo bʼo̩ te̩, me̩ kwʼo̩mo̩ dufu, me̩ ki do̩wo̩kadʼe̩wñ elifo̩ du n; kwʼalumeji-wñ dufu, me̩ fʼo̩la-me̩ gwo rinyo̩, ame̩ ku me̩ nʼe̩wñ eku Jihofa ale.

Je̩re̩maya 50:8

Me̩ ra bʼalumeji Babilo̩n te̩, me̩ ki la kwo oj ane̩ abo Kaldia dufu, ku me̩ dab amobuko̩ ku ma tʼame̩wño̩re̩ egini o̩gba.