Ze̩karaya 14:6 - O̩TAKADA O̩LA O̩JO̩ 1970

⁶ Tak i awatu o̩jo̩ le̩, kʼugone̩ ma ade̩ n; abo ki agane̩ la afʼo̩la-ma wʼubi.

Ze̩karaya 14:6 ပူးပေါင်းရင်းမြစ်များ

O̩la E̩bite 11:15

Tak onuche̩ e̩kebie le̩ fʼo̩kakachi-wñ; oñ i mud omuko̩la lile efojale, kakini, O̩da ojane̩ ile̩ mud e-Ondu-wa kpʼe-Kraisti-wñ me̩; i la ajʼonu-wñ ogbegbele̩ nyile̩wa.

2 Pita 1:19

Tak o̩la kʼamakache̩ ka le̩ ño̩ lonyane̩ ñw a tule; me̩ mʼe-le̩ ne̩, dabe̩ne̩ ki chʼagege ki agane̩ ef uña ki de̩ bulubulu, gbogbo wʼe̩gba kʼo̩jo̩ añwa kʼawo-ina kwane̩ ef edo-me̩, mak o̩me̩me̩le̩ me̩ che le̩.

Jo̩n 12:46

Omi kʼu chʼugane̩, u lewa ef ile̩ me̩, todu kʼe̩ne̩ du ki ake̩do̩nʼomi ki we egugu ef e̩chubi.

Eli Eko̩ DʼO̩jo̩ 112:4

Ugane̩ akwane̩ ef e̩chubi ñw ame̩-no̩kpakpa; owñ chʼe̩numo̩la kpai e̩nejumo-mi kpai e̩no̩kpakpa.

O̩la E̩bite 11:3

Tak u nadu ñw ame̩nibenu-mi meji, ku ma akache̩ o̩jo̩ icham nyʼo̩gwo̩ko̩ nyʼo̩gbo̩ me̩gwe̩ta, ukpo eku adʼo̩la-ma.

Abo Ko̩lo̩se 1:12

Me̩ nagwa Ata kʼi je̩ ñw a bʼukpe̩ e̩wñ ogu e-abo kiafo̩ jo̩ ef ugane̩.

Jo̩n 1:5

Oñ ugane̩ le̩ natejugede ef e̩chubi, e̩chubi la fʼu bo n.

Hosiya 6:3

Awa ki ma, awa ki tʼo̩ ubi alo kʼa fu Jihofa ma; edufu-wñ chʼo̩kpakpa dab olodudu; i la awʼugbo wa dab omi ojale, dabe̩ne̩ kʼomi kʼi alo̩ otitala kʼi achʼomi nyʼane̩ ile̩ le̩.

Je̩re̩maya 4:23

U fʼane̩ ile̩ go, e̩ la go, i de̩ jugu te̩ ofo; kpʼefojale, i la nʼugane̩ du n.

Aizaya 50:10

E̩ne̩ dʼef ume̩ ki arailo Jihofa? kʼi la agbʼomu adu-wñ gbo̩? E̩ne̩ alule̩ ef e̩chubi kʼi ma la nʼugane̩ n? E̩ne̩ le̩ ki ke̩do̩nʼodu Jihofa kʼi la chubiyo̩ O̩jo̩-wñ.

Aizaya 13:10

Todu awo ojale kpai ujo̩-wñ anʼugane̩ ge̩ n; olu kʼi akwane̩ odudu achubi, ochu ñʼafane̩ n.

E̩wñ kʼAme̩nukpuche̩ Che 2:16

E̩wñ-i muda chʼe-ku ma ka lefu Joe̩l akache̩ le̩ kakini,

E̩wñ kʼAme̩nukpuche̩ Che 2:19

Tak u nakʼe̩wñ uno̩ jo̩ ojale ate̩-i, kpai e̩wñ ujiwe ile̩ o̩gane̩-i: e̩bie̩ kpai una kpai odudʼuna dab atula ki ache tuu.

Aizaya 24:23

Tak eju ochu aku e̩bo̩no̩, oñ anyo̩ amu olu; todu Jihofa ki nʼe̩wñ du ajʼonu-wñ oj uwo Zayo̩n kpai efu Je̩rusale̩m ojima la ate̩ eju abogijo-wñ.

Izikie̩l 32:7

E̩gba kʼu la fʼe̩ kpalu, nakʼe̩wñ bʼojale ma, oñ naje̩ ñw ilawo-wñ ki chubi; nadʼakpa bʼolu ma, ochu ñʼagane̩ ge̩ n.

Izikie̩l 32:8

Naje̩ ñw e̩wñ ki agane̩ jali efojale-i ki chubi bʼe̩ ma, u la adʼe̩chubi te̩ oj ane̩-we̩, Ondu Jihofa ka-i.

Joe̩l 2:30

Tak u nakʼe̩wñ uno̩ nye̩ña efojale kpai ane̩-ile̩, e̩bie̩ kpai una kpai oduduna ki dago waala.

Joe̩l 2:31

Olu arida e̩chubi, ochu la arida e̩bie̩, o̩gba tak o̩jo̩ lile e-Jihofa ki abailo le̩ lewa.

Joe̩l 2:2

O̩jo̩ kʼane̩ chubi i che, kʼe̩wñ de̩ bulubulu, o̩jo̩ kʼakpa ma te̩, kʼi chubi gbe̩m! Alu kʼo̩jo̩ añwa bulubulu abʼoj uwo uwo ma oñ amone̩ ki nana kpʼe-ki gbiti jo̩: e̩go̩-wñ de̩ mama ta n, i ñʼade̩ ubi-ma ge̩ n, gbogbo tʼo̩do̩ o̩gba o̩gba wewe.