Ze̩karaya 14:20 - O̩TAKADA O̩LA O̩JO̩ 1970

²⁰ O̩jo̩ le̩ o̩la ki che̩ko̩ nyʼo̩la ilo amanya akakini, Efo̩ ñwu Jihofa. Ucha ki jʼunyi Jihofa la adab ugba ki jʼo̩gba ubo̩ iche̩bo̩ le̩;

Ze̩karaya 14:20 ပူးပေါင်းရင်းမြစ်များ

Akwodufu 39:30

Oñ ma fʼo̩jamalia hiolo gwu pe̩te̩ke̩ todu ike̩be̩ kiafo̩ le̩, ma la fʼolubutu ko̩ nyʼu alu ku ma kina nyʼe̩wñ uhiuko̩ kakini, EFO̩ ÑWU JIHOFA.

1 Pita 2:5

Ama ño̩ jʼako me̩ ne unyi e-Afu dabe̩ne̩ kʼame̩ chʼokuta ki deju, ku me̩ chʼuche̩ amatama kiafo̩, kʼame̩ ki kʼe̩wñ iche̩bo̩ Afu e-ki nyo̩ O̩jo̩ eju kʼi gba lefu Jisus Kraisti wa.

Aizaya 23:18

Oñ e̩wñ aja-wñ kpai uro̩me̩ o̩ko̩ eje̩-wñ kʼi agba amud e̩wñ kiafo̩ e-Jihofa; ma ako ne jo̩ n, ai ako maja n, todu ane̩ aja-wñ achʼutod abo ku ma gugu o̩gba Jihofa, kʼama ki je̩ kʼefu, kʼama ki ño̩ nʼukpo ki akwojolugbo.

Abo Lifai 8:9

Tak i dʼalawoni le̩ jiʼo oji, oñ i mʼo̩jamalia ku ma gwu pe̩te̩ke̩ le̩ du lamo o̩gba alawoni, owñ chʼike̩be̩ ki afo̩, alu ki Jihofa ñwa ñwu Mose̩s.

Ze̩karaya 9:15

Jihofa ki nʼe̩wñ du ahie̩do̩ bʼo ma, ma la ako ma mi, ma anʼe̩re̩-ma fʼokuta ku ma ro̩ ñw ma kpetili mʼane̩, ma la añmʼomi, ma la achʼekuku dabe̩ne̩ kʼomi achiwebe̩te̩ma che ma, efu-ma la ako dab ugba, dabe̩ne̩ kʼalo alo ubo̩ iche̩bo̩ le̩.

Ekaluka 7:19

i ko e̩wñ O̩jo̩ e-wñ wa, owñ chʼugba kpe̩te̩ke̩ʼka ku ma nʼajifa che, uwoji-wñ che she̩ke̩l o̩gbo̩ me̩ta nyoke me̩gwa, kpai ugba ajifaʼka kʼi la chʼalu she̩ke̩l e̩te̩gwa, alu ku she̩ke̩l uña kiafo̩ de̩; ejeji-wñ chʼe̩ko̩ ñw omu te̩ke̩te̩ke̩ kʼekpo kpe̩gwa nyu, todu e̩wñ ele;

Ekaluka 7:13

e̩wñ O̩jo̩ e-wñ la chʼugba kpe̩te̩ke̩ʼka ku ma nʼajifa che, uwoji-wñ che she̩ke̩l o̩gbo̩ me̩fa nyoke me̩gwa, kpai ugba ajifaʼka kʼi la chʼalu she̩ke̩l e̩te̩gwu, alu ku she̩ke̩l e-uña kiafo̩ de̩, ejeji-wñ chʼe̩ko̩ ñw omu te̩ke̩te̩ke̩ kʼekpo kpe̩gwa nyʼu kʼi chʼe̩wñ ele;

Ekaluka 4:14

takuma akʼe̩wñ eku-wñ chaka jʼoji-wñ, owñ chʼe-ku ma ne̩ che e̩wñ o̩la-wñ, owñ chʼaido una-wñ kpai uko̩-wñ kpai uko̩che̩-wñ kpai ugba-wñ owñ chʼe̩wñ eku ubo̩ iche̩bo̩ le̩ chaka; taku ma akʼaño̩ e̩la omi nadala bʼoji-wñ ma, taku ma akʼoli ugbo̩lo̩-wñ tunyʼu.

Ekaluka 4:7

Taku ma adʼukpo odufa nadala bʼoji itebulu akala eju ma, oñ ma akʼo̩tara-wñ jʼoji-wñ kpai uko̩de̩-wñ kpai ugba-wñ kpai ukpake̩le̩ ku ma du che omiofo; oñ akala e-o̩ko̩ko̩lo̩ le̩ ajʼoji-wñ;

Abo Lifai 6:28

Tak ama ki kpʼucha ku ma gwe̩ nyʼu fo̩; i muda che̩wñ ku ma fʼu hi ef ucha ebije ikpa, ma afʼe-le̩ deli, ku ma fʼu larinyo̩ ef omiofo.

Akwodufu 37:16

Tak i nʼo̩jamalia hiolo chʼe̩wñ eku ki ajo̩ oji itebulu le̩, ugba-wñ kpai ucha todu otulale-wñ kpai ago iche̩bo̩-wñ kpai ukpa-wñ ku ma ane̩ dʼomi iche̩bo̩ danyʼoji e̩wñ iche̩bo̩.

O̩la E̩bite 20:6

E̩ne̩ ki nʼukpe̩ ef udajikwane̩ e-ejodudu le̩ gbede, i afo̩, uku ekeji ñʼa nʼo̩da ugbo abo-i ge̩ n; ma muda achʼamatama e-O̩jo̩ kpʼe-Kraist, ma la abʼo̩ jʼonu o̩do̩ icham nyʼo̩gwo̩ko̩.

O̩la E̩bite 5:10

oñ e̩ ko ma chʼamonu kpʼamatama ñw O̩jo̩-wa; ma la ajʼonu ane̩ ile̩.

O̩la E̩bite 1:6

kʼi laño̩ mʼuwa ko chʼuche̩ amonu, kʼa chʼamatama ñw O̩jo̩-wñ kʼi laño̩ chʼAta-wñ. Ami.

1 Pita 4:11

Iche̩wñ kʼe̩ne̩ du ko̩la, i ki ko̩la dabe̩ne̩ kʼo̩la e-O̩jo̩ i aka; iche̩wñ kʼe̩ne̩ du nʼe̩wñ eche ñw one̩, i ki che dabe̩ne̩ kʼukpahiu e-kʼO̩jo̩ du ñw u i nʼache; todu kʼO̩jo̩ ki nʼojima ef e̩wñ du lefu Jisus Kraisti, e-kʼojima kpai ukpahiu chʼe-wñ tʼogbegbele̩ nyile̩wa. Ami.

1 Pita 2:9

Ame̩ muda chʼo̩lo̩pu kʼO̩jo̩ chi. Me̩ chʼuche̩ amatama kʼo̩wo̩ onu ne̩ me̩, abo uche̩ichi kiafo̩, amone̩ todu kʼo̩wo̩-wñ ki ne̩ me̩ ki nʼugbo ku me̩ akʼunyo̩-wñ dufu, owñ ki fʼume̩ do̩ kwef e̩chubi tef ugane̩-wñ ki chʼawuwu le̩.

Abo Ko̩lo̩se 3:17

Oñ e̩wñ du ku me̩ che, ef o̩la eka abe̩k ef uko̩lo̩ eche, e̩wñ du ki chʼef odu Ondu Jisusi, me̩ ki nagwʼO̩jo̩ Ata ugwa lef uwñ.

E̩wñ kʼAme̩nukpuche̩ Che 15:9

I la ñwa agbagba awa kpai ama rʼeji n abu kʼi nʼe̩do̩ ekono fʼuma e̩do̩ gwe̩ hiolo.

E̩wñ kʼAme̩nukpuche̩ Che 11:9

Tak omuko̩la dohi kwʼefojale ñwu mi onukeji kakini, E̩wñ kʼO̩jo̩ che ki fe̩ uwe̩ ki ka kʼe̩wñ elifo̩ n.

E̩wñ kʼAme̩nukpuche̩ Che 10:28

Tak i ka ñw ma kakini, Ame̩ chema abu kʼedama abe̩k ete̩me̩ru abo ichi omune̩ chʼe̩wñ udu ñw e̩ne̩ke̩le̩ Ju. O̩jo̩ muda duña mi ka kʼu we edo̩ e̩ne̩ du kʼe̩ne̩ elifo̩ kpʼe̩ne̩ ki ma fe̩ n.

E̩wñ kʼAme̩nukpuche̩ Che 10:15

Tak omuko̩la ño̩ dabi ka ñw u onukeji kakini, E̩wñ kʼO̩jo̩ che ki fe̩ uwe̩ ki ka kʼe̩wñ elifo̩ n.

Luku 11:41

Ama me̩ ki kʼe̩wñ ki jʼejefu che ele ejumomi, taku me̩ go ka kʼe̩wñ du de̩hiolo ñwu me̩.

Malakai 1:11

Todu akwugbo kʼolu akwane̩ odudu gbogbo tʼugbo kʼi atunyʼane̩, odu-mi anana ef abo uche̩ichi; oñ ugbo tʼugbo du ma akʼe̩wñ ki akpo wa ñw odu-mi, kpai e̩wñ ele ki fe̩; todu odu-mi anana ef abo uche̩ichi, Jihofa ki nʼe̩wñ du ka-i.

Ze̩fanaya 2:11

Jihofa achʼe̩wñ ubailo ñw ma; todu owñ aje̩ ñw elu amo̩jo̩ ane̩ ile̩-i du ki muda, tak ala ala abo uche̩ichi du adojikane̩ ñw u, e̩ne̩ne̩ne̩ne̩-ma ache e̩gu-wñ.

O̩badaya 1:17

Ama abo ku ma fʼo̩wo̩ tane̩ ajʼoj uwo Zayo̩n, ila afo̩; tak abunyi Jeko̩b anʼane̩-ma.

Eli Eko̩ DʼO̩jo̩ 110:3

Amone̩-we̩ gʼe̩do̩la-ma akʼo̩la-ma wa dab e̩wñ iche̩bo̩ iko ukpahiu-we̩ e̩wñ o̩la kiafo̩ ajʼo̩la-ma. Abokolobia-we̩ ake̩che̩ dufu alu kʼeli achi odudʼodudu.

2 Iko Iko E̩wn 4:8

I ño̩ fʼitebulu me̩gwa che ge̩, oñ i mʼu ko jʼef unyi O̩jo̩. E̩lu-wñ jʼo̩wo̩ awo̩to̩, e̩lu-wñ la jʼo̩wo̩ awohi. Tak i nʼo̩jamalia fʼochibu ogu me̩lu che.

1 Samiue̩l 2:14

oñ i fʼe-le̩ ro̩ nyʼucha abe̩k uchade̩ abe̩k ugba kʼe̩la jʼef uwñ; e-du kʼagana le̩ mudu dufu, atama mʼu gba ñw o̩la-wñ; abu ku ma che abo Israe̩l du ku ma wa Shailo o̩mo̩ de̩.

Akwodufu 25:29

Uwe̩ ki che ugba-wñ kpai ucha-wñ kpai ago iche̩bo̩-wñ kpai ukpa ku ma ane̩ dʼomi iche̩bo̩ danyʼoji e̩wñ iche̩bo̩; e̩ ki nʼo̩jamalia ki de̩ hiolo che.

Aizaya 52:1

Mʼolu ji, mʼolu ji, kʼukpahiu-we̩ bʼo̩la ma, O Zayo̩n; kʼe̩wñ o̩la-we̩ e-alifia nyʼo̩la, O Je̩rusale̩m, ewo kiafo̩ le̩; todu akwʼe̩gba-i nyʼate̩to̩gba e̩ne̩ ki ma de̩pi n kpai e̩niwa agudu wʼefu-we̩ n.

Je̩re̩maya 31:40

Tak o̩gbo̩ o̩go̩ ugbo kʼoku one̩ kpai elulu-wñ jo̩ le̩ kpai oko oko du gbogbo wʼaji Kidro̩n, wʼagbade alaku Anya kʼi dʼo̩wo̩ olodudu le̩ afo̩ todu Jihofa; ma ñʼachi rinyo̩ n, ma lañʼagulo̩ ogbegbele̩ ge̩ n.

Izikie̩l 45:1

Anubi le̩ ge̩, e̩gba kʼame̩ rʼanya ku me̩ fʼane̩ le̩ kpe̩jo̩ ki mud e̩wñ ogu, ame̩ adʼukpe̩ʼka ko ne ñwu Jihofa, owñ chʼukpe̩ ane̩ kiafo̩. Ujiji-wñ la chʼicham nyʼo̩gwo̩ko̩ ogue̩lu, unabe̩-wñ la ache icham nyʼo̩gwo̩ko̩ me̩gwa. Ugbo du gbogbo kad alo̩me̩-wñ daka afo̩.

Ze̩karaya 14:19

E-le̩ chʼudu adure abo Ijipti kpai udu adure abo uche̩ichi du ku ma ma nyʼade uje̩wñ uyo̩ e-ebu emu le̩ n.

1 Amonu 7:50

kpʼagowñ kpʼe̩wñ ku ma ne̩ kpʼuna-wñ lu kpʼochibu-wñ kpʼuko̩de̩-wñ kpʼaido-wñ, e-le̩ chʼo̩jamalia hiolo; kpʼukodo-wñ, tʼe-ki chʼutodu olugbana unyi ejefu, uña kiafo̩ e-efo̩ le̩, kpai todu olugbana unyi, ki chʼunyi e̩gahi onugo, e-o̩jamalia i che.

Ze̩karaya 8:3

Abu ki Jihofa aka de̩ kakini, Omi mudabi wa Zayo̩n me̩, omi ñʼadodo alumeji Je̩rusale̩m, taku ma ado̩ Je̩rusale̩m ko̩ ewo ugbo kʼochochi de̩, ma la ado̩ uwo Jihofa ki nʼe̩wñ du ko̩ Uwo kiafo.