Ze̩karaya 13:3 - O̩TAKADA O̩LA O̩JO̩ 1970

³ Tak i awatu, e̩gba kʼone̩ akache̩ kpo̩, tak ata-wñ kpai iye-wñ ki bi owñ aka ñw u kakini, Uwe̩ adeju n; todu olemi oñ e̩ ro̩ ef odu Jihofa le̩; tak ata-wñ kpʼiye-wñ ki bi owñ adʼe̩wñ gunyʼu dufu eju ekeji e̩gba kʼi akache̩.

Ze̩karaya 13:3 ပူးပေါင်းရင်းမြစ်များ

Je̩re̩maya 23:25

U gbʼe̩wñ kʼamakache̩ ku ma kache̩ olemi ef odu-mi ka, ma kakini, U fʼo̩na na, u fʼo̩na na me̩!

Je̩re̩maya 23:34

I la chʼe-akache̩ abe̩k atama abe̩k e̩ne̩ʼka ef amone̩-i kʼi kakini, Adu Jihofa de̩, omi la abʼudu ñw e̩ne̩ le̩ kpʼabunyi-wñ chuu.

Je̩re̩maya 28:15

Taku Je̩re̩maya akache̩ ka ñwu Hananaya akache̩ kakini, Gbo̩, Hananaya, i che Jihofa kpʼuwe̩-i n, uwe̩ muda je̩ ñw amone̩-i ke̩do̩nʼolemi.

Izikie̩l 13:23

Todule̩ ame̩ ñʼali ane̩-ego e-ibe̩te̩ ge̩ n, me̩ la abʼifa n. Oñ nagbʼabo-mi bʼume̩ o̩wo̩ te̩; tak ame̩ ama ka kʼomi Jihofa de̩.

Izikie̩l 14:9

I la che̩wñ ku ma gbʼakache̩ le̩ ibe kʼi fʼo̩laʼka ka, mak omi Jihofa, gbʼakache̩ le̩ ibe, oñ omi anʼo̩wo̩-mi dala abʼoji-wñ ma kʼu fʼu kpabie̩ bʼalumeji abo-mi Israe̩l te̩.

Izikie̩l 43:7

oñ i ka ñwu mi kakini, O̩ma one̩, uña ede-mi de̩, kpʼugbo kʼu nadʼadaba e̩re̩-mi tʼo̩ i che, ugbo kʼu nagugu alumeji amo̩ma Israe̩l ogbegbele̩; abunyi Israe̩l ñʼanʼabutabu-ma kpʼoku amonu oj otete otete-ma dʼodu-mi kiafo̩ ji ge̩ n, tʼama tʼamonu-ma.

Matiu 10:37

E̩ne̩ kʼi ache̩do̩ ata-wñ abe̩k iye-wñ tʼumi le, nyo̩ bʼumi jo̩ n. E̩ne̩ kʼi la ache̩do̩ o̩ma e̩ne̩ke̩le̩ abe̩k o̩ma onobule̩ tʼumi le nyo̩ bʼumi jo̩ n.

Luku 14:26

Iche̩wñ kʼe̩ne̩ du awʼugbo mi, kʼi ma la nʼulaka ata-wñ onugo kpʼiye-wñ kpʼo̩ya-wñ kpʼamo̩ma-wñ kpʼamo̩maye-wñ e-e̩ne̩ke̩le̩ kpʼe-onobule̩ kpʼonugo o̩la-wñ ache n ge̩, i neke chʼako̩che̩-mi n.

2 Abo Ko̩rint 5:16

Todule̩ akwʼe̩gba-i awa ño̩ li e̩ne̩ du alu ki de̩ ef o̩re̩la ge̩ n: dagba kʼa ma chaka te̩te̩ma Kraist alu kʼide̩ ef o̩re̩la ogbolo, fa-i a ño̩ mʼo̩ abe̩le̩ ge̩ n.

O̩lo̩da Eduwa Onukeji 18:20

Akache̩ kʼi muda ajibenu akʼo̩laʼka ef odu-mi, e-ki ma chʼomi ñwa ñw u kʼi ka n, abe̩k i akʼo̩la ef odu amo̩jo̩ omune̩, eku akache̩ le̩ pitii aku.

O̩lo̩da Eduwa Onukeji 33:9

e-ki nʼo̩la ata-wñ kpai iye-wñ aka kakini, Ma wʼumi eju n; i la ma ka kʼi nʼamo̩maye-wñ n, i mʼema amo̩ma-wñ n. Todu ma fejutʼo̩la-we̩, ma laño̩ ade alo-we̩.