Ze̩karaya 10:4 - O̩TAKADA O̩LA O̩JO̩ 1970

⁴ Ugbo-wñ okuta ukpoji alo le̩ akwo wa, ugbo-wñ ale akwo, ugbo-wñ o̩o̩do̩ ogu la akwo, ugbo-wñ amabʼudu ñw one̩ du akwo wa e̩re̩ʼkate.

Ze̩karaya 10:4 ပူးပေါင်းရင်းမြစ်များ

Ze̩karaya 9:10

Oñ nakʼo̩kogu da bʼIfraim te̩ kpai anya bʼiJe̩rusale̩m te̩; ma la akʼo̩o̩do̩ ku ma ne̩ jogu da rinyo̩, tak owñ akʼo̩la ure̩do̩ ñw abo uche̩ichi uche̩ichi; o̩da-wñ la ate̩ kwʼo̩la ohimini abadi gbogbo kad ohimini abadi omune̩, kpai akwo o̩la Ohimini gbogbo tʼukpoji ane̩ ile̩.

Ze̩karaya 9:8

Tak omi aruru ogu donyʼunyi-mi daka tod abogu le̩, kʼe̩ne̩ du ki we dale gu ef uwñ du kʼe̩ne̩ du ki dabi n, e̩ne̩ du ki abʼudu ñw ma alale gu ef uma du ge̩ n, todu fai u nʼeju-mi li me̩.

Ekaluka 24:17

U cheli owñ, i muda chʼabajo̩-i n; ego nagʼo, i muda me̩ru anane̩ n: Awo akwʼefu Jeko̩b wa, okute̩ la akwane̩ kwef Israe̩l; i akpo̩ Moab fo̩ gbogbo wa kad alo-wñ me̩le̩, i la agu amo̩ma ekuku le̩ lo̩ wane̩ chaka.

O̩la E̩bite 17:14

Abo-i akʼogu bʼO̩mala le̩, tak O̩mala le̩ afʼuma du todabu kʼowñ chʼOndu amodu kpʼOnu amonu, abo ku ma la jʼugbo-wñ chʼabo ku ma do̩ kpʼabo ku ma chi kpʼabo ku ma chubi-wñ.

2 Timoti 2:4

Isoja du ki dʼoko uko̩lo̩-wñ la añwa e̩wñ udeju ile̩-i nyʼo̩la-wñ n; todu kʼi chenyo̩ e̩ne̩ ki dʼu tef isoja eju.

Matiu 9:38

Todule̩ me̩ nagbo̩ko̩bʼodu e̩wñ oko-i, todu kʼi kʼabuko̩lo̩ e̩che̩ nyʼef e̩wñ oko-wñ.

Je̩re̩maya 1:18

I la chʼomi, go, nadʼuwe̩ chʼewo ki nʼaku kpai ugbogaga ebije dago kpai o̩do̩ o̩do̩ ebijeikpa, nʼojane̩-i oji chaka, kpai nʼamonu Juda oji, kpai nʼamagboji-wñ oji, kpai nʼamatama-wñ oji kpai nʼamone̩ ane̩-i oji.

Aizaya 54:16

Go, omi nyi agwalo̩ kʼi achʼobutu nyʼe̩ge̩ una, kʼi la akʼe̩wñ eku tod uko̩lo̩-wñ dufu wa. U laño̩ fʼe̩ne̩ ki akpʼe̩wñ bie̩ nyi kʼi fʼe̩wñ kpo̩fo̩ rinyo̩;

Aizaya 49:2

I la che kʼalu-mi kʼi dab o̩kwo̩chageli ki ale̩, i dʼumi maja olubo̩ o̩wo̩-wñ; oñ i mʼumi du che iko o̩fa ku ma fʼu ña tele tele; i la dʼumi maja ef ahiagba-wñ.

Aizaya 19:13

Amagboji Zoan mud ame̩nidada, ma la gbʼamagboji Me̩mfis ibe me̩; abo ku ma chʼokuta udane̩ o̩lo̩pu o̩lo̩pu-wñ je̩ ñw Ijipti chila.

Eli Eko̩ DʼO̩jo̩ 118:22

Okuta kʼamano̩do̩ ko̩ le̩ mud oji alo.

E̩zra 9:8

Faʼ Jihofa, O̩jo-wa, dʼufe̩de̩nyo̩ ña wa iko re-i, kʼi tʼe̩bobo-wa no̩ kʼa fʼuma o̩wo̩, kʼi mʼaleʼka du ñw a ef uña-wñ kiafo, kʼO̩jo̩-wa ki mʼuwa eju ne̩, kʼi la je̩ ñw a ruko re ef uko̩lo̩ adu-wa.

1 Samiue̩l 14:38

Taku So̩l kakini, Me̩ te̩wʼemi, ame̩ agboji amone̩-i, chaka, kʼa ma kʼa li ugbo kʼadure-i chane̩ kwo eñini-i.

Abakwane̩ 49:24

ukpahiu o̩o̩do̩-wñ muda dabu n, ugbogbolo o̩wo̩-wñ la ale̩ lʼo̩wo̩ E̩nugbiti e-Jeko̩b le̩ (o̩mo̩ adidala kwo, owñ chʼOkuta e-Israe̩l),

Luku 20:17

Ama i cheju go ma, i kakini, Mak e̩wñ chʼe-ki che̩ko̩tane̩ kide̩ kakini, Okuta kʼamakunyi fʼu ñwa ka kʼi nyo̩ n, e-le̩ mud ukpoji alo̩?

Abo E̩fe̩sus 2:20

Abu ku ma fʼume̩ ne oj e̩re̩ unyi e-ame̩nukpuche̩ kpai amakache̩, Jisus Kraist onugo la chʼokuta ki kpoji ade alo-wñ meji;

1 Pita 2:6

Todu i dʼef O̩takada O̩la O̩jo̩ kakini, Go, nadʼokuta kʼu chi kʼi chʼakoko chʼunyane̩ alo efu Zayo̩n. I la anʼugbo du kʼanyo̩ amu ake̩do̩nʼowñ n.

Je̩re̩maya 51:20

Uwe̩ chʼakeke kpʼido̩na ogu-mi ki bo̩: omi anʼuwe̩ kpʼabo uche̩ichi uche̩ichi fo̩ ye̩ge̩ye̩ge̩; u ñʼanʼuwe̩ kpa o̩da ojane̩ ojane̩ bie̩ ge̩;

Aizaya 28:16

todule̩ abu kʼOndu Jihofa aka de̩ kakini, Go, omi adʼokuta chʼe̩re̩ unyi efu Zayo̩n, ma fʼokuta le̩ ñwago me̩, i chʼokuta akoko, kʼi chʼudane̩ alo unyi kʼe̩re̩-wñ chʼo̩kpaka; e̩ne̩ ki dʼo̩ rʼochochi anaju n.