Ze̩karaya 1:5 - O̩TAKADA O̩LA O̩JO̩ 1970

⁵ Amata-me̩ le̩ fa, ugbo ma jo̩? Oñ amakache̩ fa, udeju-ma chʼogbegbele̩?

Ze̩karaya 1:5 ပူးပေါင်းရင်းမြစ်များ

Ako̩la ñw Ujeju 12:5

ochochi, ama ño̩ railo e̩wñ ki dʼatate̩; e̩wñ okpo la jʼej o̩na; tak oli almond adikoko; kʼakpachi la chʼadu, kʼeñeju e̩wñ ma de̩ ge̩ n; todabu kʼone̩ anyʼunyi-wñ ki chʼogbegbele̩, oñ abo ku ma deku tale ej o̩na ej o̩na;

Ako̩la ñw Ujeju 12:7

tak ebutu mudabi tʼane̩pe̩te̩ ugbo kʼi de̩ akwoubi, kʼafu la mudabi tʼugbo O̩jo̩ kʼi dʼu wa.

Abo Hibru 9:27

Oñ alu ku ma ko jo̩ ñw amone̩ ku ma ku onuʼkate, tak ubile̩ chʼajo;

E̩wñ kʼAme̩nukpuche̩ Che 13:36

Todu Defid, abu kʼi fʼe̩wñ kʼO̩jo̩ neku che ñw abo o̩gba e̩-wñ, mʼolu du, taku ma mʼu du adachi manyʼamata-wñ, i la fʼe̩che̩ li.

Jo̩n 8:52

AmaJu le̩ ka ñw u kakini, Fai a chema ka kʼe̩ chenʼebili. Ebraham leku, amakache̩ la leku, tak uwe̩ kakini, Iche̩wñ kʼone̩ dejutʼo̩la-mi i nʼugbo du kʼuku akadʼo ogbegbele̩ n.

Ako̩la ñw Ujeju 1:4

O̩gbaʼka le, o̩gbaʼka awa, ane̩-ile̩-i muda do̩mo̩ ogbegbele̩.

Eli Eko̩ DʼO̩jo̩ 90:10

Iko o̩do̩ o̩do̩ e-wa chʼo̩gbo̩ me̩ta nyoke me̩gwa, i la che̩wñ kʼukpahiu je̩ ñw u chʼo̩gbo̩ me̩le̩; i chaka dʼabe̩le̩ uba ikalibani-wñ chʼakanya kpai ibe̩te̩ kenehi; todu fai fai i le me̩, oñ a muwu kwʼemi alo.

Je̩re̩maya 36:28

E̩ ki dabi mʼibuku omune̩ du kʼe̩ fʼo̩la o̩gbo̩gba le̩ du ki jʼef ibuku e-ki Jiho̩yakim, onu Juda, gujo le̩ ko̩ nyʼu.

Edinaku 5:7

Amata-wa dure, ma ño̩ de̩ ge̩ n; awa la gbʼudu ku ma fe̩ ne̩.

1 Samiue̩l 25:1

Oñ Samiue̩l leku; tak abo Israe̩l chaka kʼo̩la-ma jeju, ma dʼo̩wo̩ fiʼe̩do̩, oñ ma mʼu du ji ef unyi-wñ Rama. Taku Defid kwane̩, oñ i gwo̩ru nyʼaje̩tachi Paran.

2 Amonu 13:14

E̩gbale̩ o̩ga ki adu E̩laisha kpa lewʼo̩la-wñ me̩; taku Joash, onu Israe̩l gwo̩ru wʼugbo-wñ, oñ i raku abʼo ma, i kakini, Ata-mi, Ata-mi, o̩kogu Israe̩l kpai amananya-wñ ge̩!

2 Amonu 13:20

Oñ E̩laisha leku, ma la mʼu du ji. Tak udala udala abo Moab lewa fʼane̩ kpo̩fo̩ e̩gba kʼo̩do̩ etito̩ muda ababa.