20 Iko le̩ omi ako me̩ wa, iko kʼu nako me̩ wa jʼugboʼkate le̩; todu omi aje̩ ñw me̩ nʼodu kpai uñwulo̩ ef amone̩ amone̩ du ane̩ ile̩-i, e̩gba kʼu nadabi arʼamu-me̩ da eju-me̩, Jihofa aka-i.
Ame̩ ali mi Jihofa ka-i, tak u narʼamu-me̩ da, oñ nako me̩ kwʼugbo abo uche̩ichi uche̩ichi du kpai kwʼugbo du kʼu ne me̩ ru le̩ wa jo̩, Jihofa ka-i, oñ nako me̩ dabi wa jʼuña ugbo kʼu je̩ ñwu ma ño̩ me̩ kwo le̩.
Go, iko le̩ nache abo du ku ma chʼuwe̩ o̩bata koji. Oñ najadu abo ku ma chika u la ako abo ku ma ne ma rinyo̩ wa jo̩, tak omi aje̩ ñw ma nʼuñwulo̩ kpai odu oj ane̩ ane̩ du ugbo kʼanyo̩ mu ma akwoubi le̩.
Omi akʼabo-mi Israe̩l dabi kwef amu wa, ama la ane̩ ewo ewo ki chʼalache̩ te̩ oñ ama adodo o̩mo̩; ma la anʼachiwebe̩te̩ma ku ma ñmʼomi-wñ, ma lañʼalʼuche̩ o̩la unyi ku ma je̩ e̩ro-wñ.
U la atene e-ki lenyo̩ le̩, oñ nakʼe-ku ma ne tinyo̩ dabiwa, u la aji achiku ki muguche̩, oñ nadʼukpahiu ñw e-kʼi chʼo̩ga; u muda ako abo ki yoyo kpʼabo ki gbiti kpabie̩ rinyo̩; omi akʼije̩ ñwu ma je̩ lʼo̩na kʼoji ajo̩ o̩kpakpa ka.
Abu kʼuwe̩ te̩te̩chʼe̩ne̩ ku ma hiʼu tinyo̩ ku ma la chʼulaka-we̩, kʼe̩ne̩ du ma ño̩ lale gu efu-we̩ du ge̩ n, omi adʼuwe̩ chʼe̩wñ unyo̩ ku ma hi ne tʼogbegbele̩, uwe̩ achʼuyo̩ ñw o̩gba nʼo̩gba alo waa.
Oñ o̩lʼomi o̩mo̩ achʼutodu e̩bo̩bo̩ abunyi Juda, ma ajije̩ o̩mo̩, ma adachi unyi unyi Ashke̩lo̩n e̩gba ane̩. Todu Jihofa O̩jo̩-ma awa fejudo ma tak i ñʼarʼamu-ma da ge̩.
Tak ama ama ka kʼomi Jihofa, O̩jo̩-ma de̩, oñ chʼabu kʼu je̩ ñwu ma nyʼef amu ef abo uche̩ichi uche̩ichi, kʼu laño̩ mʼuma ko wa oj ane̩-ma ajo̩; u ñʼatʼe̩ne̩ du ef uma no tʼo̩mo̩ ge̩ n;
Tak e̩ ka ñwu ma kakini, Abu kʼOndu Jihofa aka de̩ kakini, Go, omi akʼamo̩ma Israe̩l kwef abo uche̩ichi uche̩ichi ugbo ku ma nyi le̩ dufu oñ nako ma kwʼo̩wo̩ tʼo̩wo̩ ugbo tʼugbo du wa jo̩, kʼu nako ma wʼane̩ e-ma onugo.
Abu kʼOndu Jihofa aka de̩, kakini, E̩gba kʼu mʼabo unyi Israe̩l ko wa kwʼef amone̩ ojoji ojoji ku ma fiatuka rʼef uma le̩ jo̩, ku ma che kʼomi fo̩ ef uma eju abo uche̩ichi uche̩ichi, tak ama agugu oj ane̩ e-ma e-kʼomi du ñw adu-mi Jeko̩b le̩.
Todule̩ e̩ nakache̩, kʼe̩ ka ñwu ma kakini, Abu kʼOndu Jihofa aka de̩ kakini, Me̩ go, omi abi alu ura-me̩, oñ naje̩ ñwu me̩ kwʼef ura-me̩ dufu, O abo-mi; u la ako me̩ wa ane̩ Israe̩l.
Omi lañʼarʼamu-ma da, owñ chʼamu So̩do̩m kpʼamo̩ma-wñ onobule̩, kpʼamu Samaria kpʼamo̩ma-wñ onobule̩ ge̩, kpʼamu abo-we̩ ku ma mu lelo ku ma jʼalumeji-ma;
ka kʼi ahiʼuwe̩ dago tatate̩ ñw abo uche̩ichi du kʼi che, ef uñwulo̩-we̩ kpai ef odu e̩nyo̩ ene̩, kpai ef ojima, ka kʼuwe̩ ki chʼamone̩ ki afo̩ ñwu Jihofa O̩jo̩-we̩, alu kʼi ka le̩.
Todu, go, iko-wñ awa, Jihofa aka-i, kʼomi arʼamu abo-mi Israe̩l kpai Juda da, Jihofa aka-i, tak u naje̩ ñw ma dabi wʼane̩ kʼu du ñw amata-ma, taku ma agba.
oñ ewo-i achʼodu uyo̩ ñwu mi kpʼuñwulo̩ kpʼojima eju abo uche̩ichi ane̩ ile̩-i du, ku ma agbʼinabali e̩nyo̩ du kʼu nache ñwu ma. Ma la arailo, o̩la-ma aga noji e̩wñ e̩nyo̩ du kpʼure̩do̩ du kʼomi agba wa ñw u.
Oñ i awatu alu kʼame̩ te̩te̩chʼoli ina ef abo uche̩ichi uche̩ichi, O abunyi Juda kpai abunyi Israe̩l, alu le̩ najadu me̩, oñ ame̩ amud e̩nyo̩ jo̩. Me̩ ki railo n, o̩wo̩-me̩ ki gbo.