Ze̩fanaya 3:10 - O̩TAKADA O̩LA O̩JO̩ 1970

¹⁰ Abo ku ma bi mi ebi owñ chʼo̩ma onobule̩ abo-mi ku ma kpatuka le̩, akʼe̩wñ ele-mi kwʼudaba aji aji Itiopia wa.

Ze̩fanaya 3:10 ပူးပေါင်းရင်းမြစ်များ

Aizaya 11:11

Tak i awache iko le̩ kʼOndu adʼo̩wo̩-wñ tʼo̩ onukeji kʼi fʼe̩bobo̩ amone̩-wñ la ñw o̩la-wñ, owñ chʼabo ku ma bo̩bo̩ kwʼAsiria kpai Ijipti kpai Patro̩s kpai Kush kpai Elam kpai Shainar kpai Hemat kpai ala ala ohimini abadi.

Eli Eko̩ DʼO̩jo̩ 68:31

Amidachi akwʼIjipti wa; Itio̩pia ahika nʼo̩wo̩ data ñw O̩jo̩.

Aizaya 18:1

Atogwo! ane̩ ugbo kʼika ika agwu kʼi dʼudaba ohimini ohimini Itiopia le̩;

1 Pita 1:1

Pita, e̩nukpuche̩ Jisusi Kraisti, tʼugbo amilowa ku ma che̩kpatuka jʼane̩ Po̩nto̩s kpai Galatia kpai Kapadosia kpai Esia kpai Be̩tunia.

Abo Rom 15:16

kʼomi ki chʼe̩nuko̩lo̩ Kraisti Jisus ñw abo uche̩ichi kʼu chuko̩lo̩ atama ef Uche̩nyo̩ O̩jo̩, kʼekowa ku ma kʼabo uche̩ichi wa ki mud e̩wñ ki nyo̩ O̩jo̩ eju e̩gba, abu ku ma mud e̩wñ kiafo̩ ef Afu Kiafo̩.

E̩wñ kʼAme̩nukpuche̩ Che 24:17

Oñ abu kʼo̩do̩ wewe muda, u lewa kʼu mʼele ejumomi kowa ñw abo ichi-mi, kpʼe̩wñ ku ma ko wa ñw O̩jo̩.

E̩wñ kʼAme̩nukpuche̩ Che 8:27

Tak i kwane̩ le. Me̩ la go, e̩ne̩ke̩le̩ Itiopiaʼka, onoji kʼi nʼo̩da nana kʼi dʼef o̩wo̩ Kandesi onu Itiopia onobule̩ le̩, e-kʼodochiya onobule̩ le̩ chaka jʼef o̩wo̩-wñ, e-kʼi wa Je̩rusale̩m kʼi dojikane̩ ñw O̩jo̩;

Malakai 1:11

Todu akwugbo kʼolu akwane̩ odudu gbogbo tʼugbo kʼi atunyʼane̩, odu-mi anana ef abo uche̩ichi; oñ ugbo tʼugbo du ma akʼe̩wñ ki akpo wa ñw odu-mi, kpai e̩wñ ele ki fe̩; todu odu-mi anana ef abo uche̩ichi, Jihofa ki nʼe̩wñ du ka-i.

Aizaya 18:7

Iko le̩ ma anʼe̩wñ ele wa ñw Jihofa ki nʼe̩wñ du kwʼugbo amone̩ ku ma gbo̩gba kʼaño̩la-ma de̩ bo̩lo̩ bo̩lo̩ le̩, owñ chʼamone̩ ki te̩tabailo kwʼuchane̩-ma ate̩to̩gba-wñ le̩, owñ chʼabo uche̩ichi ku ma fu ñwa fu ñwa ku ma fʼe̩wñ kpetili mʼane̩, owñ chʼe-kʼohimini ohimini fʼane̩-ma kpe̩ru, ma anʼe̩ wʼuña odu Jihofa ki nʼe̩wñ du, owñ chʼuwo Zayo̩n.

Jo̩n 7:35

Todule̩ amaJu ka kpʼo̩la-ma kakini, Ugbo e̩ne̩-i ache kʼi nyi, kʼawa ma ali owñ n? i ache kʼi nyʼugbo abo ku ma fʼuma kpatuka rʼef amaGrik, kʼi ako̩ amaGrik e̩wñ?

Aizaya 11:12

I la adʼagaliga dago tod abo uche̩ichi uche̩ichi, oñ i akʼabo Israe̩l, ku ma ne ma tʼoko oko ale, jeju, tak i akʼabo Juda ku ma fiatuka kwʼago̩go̩ me̩le̩ ile̩-i wa jo̩.