Ze̩fanaya 2:6 - O̩TAKADA O̩LA O̩JO̩ 1970

⁶ O̩la ohimini abadi le̩ ache oko ije̩, i anʼowo todu kʼamadidala ki jʼef uwñ kpʼiga iga tod ame̩wño̩re̩ egini.

Ze̩fanaya 2:6 ပူးပေါင်းရင်းမြစ်များ

Aizaya 17:2

Ma hi ewo ewo Aro̩e̩r tinyo̩ me̩; uña-wñ achʼutod ujo̩ ujo̩ ame̩wño̩re̩, ama a dachi o̩mo̩, i la nʼe̩ne̩ du ki aje̩ ñw ma gagogodo n.

Aizaya 5:17

Tak amo̩mala ajo̩ ajʼije̩ dabe̩ne̩ ku ma jʼokije̩ e-ma, oñ abo ku ma ge̩ne̩ jo̩ ofo aje̩ uña abo ki li ura ugbo kʼi chʼalache̩ le̩.

Aizaya 7:25

Otete otete du ugbo ku ma te̩te̩nʼuko̩che̩ aluche̩ oji-wñ, one̩ ñʼate̩ me̩rʼu ge̩ n, tod ailo iñwa kpʼikeke kʼi ara; chai ugbo ku ma kʼamo̩kokuno̩ jo̩ kpʼugbo kʼame̩wño̩re̩ egini akpetili mʼane̩ i che.

Je̩re̩maya 33:12

Abu ki Jihofa ki nʼe̩wñ du aka de̩ kakini, Ef uña oku ane̩ ugbo kʼone̩ kpʼe̩la abe̩re̩me̩le̩ ma de̩ n-i, kpʼewo ewo-wñ chaka, ugbo kʼamadidala agugu, ku ma ñʼaje̩ ñw ame̩wño̩re̩-ma egini ki dachi jo̩, adabi de̩ ge̩.

Izikie̩l 25:5

Oñ nadu Raba chʼunyi tod aminyakulumi, amo̩ma Amo̩n la amud ugbo kʼame̩wño̩re̩ egini adachi: tak ame̩ ama ka kʼomi Jihofa de̩.