Taito̩s 1:4 - O̩TAKADA O̩LA O̩JO̩ 1970

⁴ Tugbo Taito̩s, o̩ma-mi ogbolo lʼo̩na e̩do̩-ekono kʼa tuta ef uwñ-i: Ufe̩de̩nyo̩ kpʼure̩do̩ kwʼugbo O̩jo̩ Ata kpai Kraist Jisus, E̩najadu-wa, ki dʼugbo we̩.

Taito̩s 1:4 ပူးပေါင်းရင်းမြစ်များ

2 Timoti 1:2

Ufe̩do̩-e̩nyo̩ kpʼejumomi kpʼure̩do̩ kwugbo O̩jo̩ Ata kpai Kraist Jisus Ondu-wa, ki tugbo Timoti, o̩ma ufe̩do̩-mi.

O̩takada ki kwʼo̩wo̩ Jud 1:3

Ame̩nufe̩do̩, abu kʼu dʼemi ache̩do̩chacha alu du kʼu fʼo̩takada o̩la ujadu kʼi chʼe-wa de̩de̩ ko̩ rʼume̩, i mud otila ñwu mi kʼu fʼo̩takada ko̩ rʼume̩ adugbe̩do̩ ñwu me̩ ku me̩ fʼuja e̩do̩-ekono ku ma mʼu du ñw abo kiafo̩ o̩pioo le̩ ja.

2 Pita 1:11

todu, abe̩le̩ taku ma abi o̩na tʼojane̩ e-ogbegbele̩ e-Ondu-wa kpai E̩najadu-wa Jisusi Kraisti foo ñwu me̩.

2 Pita 1:1

Saimo̩n Pita, adu kpʼe̩nukpuche̩ Jisusi Kraisti, tʼugbo abo ku ma fʼe̩do̩ ekono kʼakoko-wñ chʼokujo̩ kpʼe-wa je̩ ef o̩kpakpa O̩jo̩ kpai E̩najadu-wa Jisusi Kraisti:

2 Abo Ko̩rint 2:13

eli ku ma li Taito̩s o̩maye-mi n, e̩do̩-mi dachi n. Tak u fʼagbo che ma, oñ u kwʼo̩mo̩ nyi Masidonia.

2 Pita 3:18

Ama me̩ ki nyo̩gba ef ufe̩de̩nyo̩ kpai ef ema ku me̩ ma Ondu-wa kpai E̩najadu-wa, Jisusi Kraist. Ojima ki chʼe-wñ tʼifai, tʼo̩jo̩ ogbegbele̩. Ami.

2 Abo Ko̩rint 8:23

Dagba kʼi chʼe-Taito̩s, owñ chʼuta-mi kpʼe̩ne̩ ki abʼumi chuko̩lo̩ todu me̩. Abe̩k amo̩maye-wa le̩, ama chʼame̩nukpuche̩ e-ujeju ujeju abudo̩ Ondu, ojima Kraisti ma che.

Abo Rom 1:12

owñ che, kʼomi kpai ame̩ ki nʼugbe̩do̩ ef ume̩ lef e̩do̩ ekono e̩ne̩ne̩ne̩ne̩, tʼe-me̩, tʼe-mi.

Jo̩n 4:42

taku ma ka ñw onobule̩ le̩ kakini, I chʼutod o̩la kʼe̩ ka oñ a ke̩do̩no-i ge̩ n; todu awa onugo nʼeti-wa gbo̩ me̩, a la chema kakini, E̩ne̩-i chʼE̩najadu ile̩ ochochi.

1 Jo̩n 5:14

E-ki chʼeju e̩gbo̩ kʼa ne̩ ugbo-wñ la de̩ kakini, Iche̩wñ kʼa abi e̩wñʼka likpa alu ki dʼowñ e̩do̩ mak i agbo̩ ebi-wa.

2 Pita 3:2

ku me̩ dibete̩ o̩la kʼamakache̩ kiafo̩ katane̩ o̩gbo̩gba le̩, kpai uko̩ kʼOndu kpai E̩najadu-wa te̩ lugbo ame̩nukpuche̩ le̩.

2 Pita 2:20

Todu iche̩wñ ku ma fʼe̩wñ e-ile̩-i kʼi akpʼone̩ bie̩ o̩wo̩ tane̩ ef ema ku ma ma Ondu-wa kpʼE̩najadu-wa, Jisusi Kraist ogbolo, tak e̩wñ le̩ ño̩ dabi gwuji nyʼuma o̩la kʼi la fʼuma du, e-otitala mud e̩bie̩ne̩ ñw ma tʼe-ejodudu le.

Taito̩s 1:3

i la dʼO̩la-wñ tejugede iko e-wñ ef o̩la-akoya e-ku ma ke̩do̩nʼomi ku ma du nyʼumi o̩wo̩ teju alu kʼO̩jo̩, E̩najadu-wa, ñwa te̩.

Abo Ko̩lo̩se 1:2

tugbo abo kiafo̩ ku ma chʼamo̩maye ku ma chubi Ondu efu Kraist ku ma jo̩ Ko̩lo̩se: Ufe̩de̩nyo̩ kpai ure̩do̩ kwugbo O̩jo̩ Ata-wa ki dʼugbo me̩.

Abo E̩fe̩sus 1:2

Ufe̩de̩nyo̩ kpai ure̩do̩ ki dʼugbo me̩ kwʼugbo O̩jo̩ Ata-wa kpai Ondu Jisus Kraist.

Abo Galatia 2:3

Ama ichaka chʼiTaito̩s kʼi lebʼumi, abu kʼi chaka chʼiGriki, ma chʼo otila e̩pi eda n.

2 Abo Ko̩rint 12:18

U rodubo̩ Taitos, u ño̩ fʼo̩maye le̩ kpuche̩ lebʼowñ. Taito̩s jakpa e̩wñ-me̩ ke n? I chʼAfu okate oñ a tale ef uwñ n? A dʼe̩re̩-wa tej e̩re̩ omune̩ n?

2 Abo Ko̩rint 8:16

Oñ O̩jo̩ nʼugwa, owñ chʼe̩ne̩ ki du e̩do̩chacha kide̩ tef e̩do̩ Taito̩s todu me̩.

2 Abo Ko̩rint 8:6

Todu kʼa dʼugbe̩do̩ ñw Taito̩s le̩ de̩, todu alu kʼi chane̩ o̩gbo̩gba, abe̩le̩ kʼi nafʼufe̩de̩nyo̩ le̩ che tʼukpoji ef ume̩ ge̩.

2 Abo Ko̩rint 7:6

Ama e̩ne̩ ki adugbe̩do̩ ñw abo kʼe̩do̩-ma chʼe̩kpabie̩, owñ chʼO̩jo̩, dugbe̩do̩ ñw a lef ewa Taito̩s,

2 Abo Ko̩rint 4:13

Oñ abu kʼawa de̩de̩ nʼafu e-e̩dekono okate, likpa alu ki che̩ko̩tane̩ le̩, kakini, U ke̩do̩no, todule̩ u ko̩la, awa onugo ke̩do̩no, todule̩ oñ a ako̩la,

Abo Rom 1:7

Omi Po̩l le̩, tʼugbo abo du ku ma jo̩ Rom ku ma chʼabo ufe̩do̩ O̩jo̩, abo udo̩ ku ma chʼabo kiafo̩. Ufe̩de̩nyo̩ kpʼure̩do̩ ki dʼugbo me̩ kwʼugbo O̩jo̩ Ata-wa kpai Ondu Jisus Kraisti.

Luku 2:11

todu ma fʼE̩najadu bi ñwu me̩ ewo Defid eñini-i, owñ che Kraist Ondu.

Abo Galatia 3:26

Todu o̩chaka-me̩ chʼuche̩ amo̩ga o̩ma O̩jo̩ lef e̩do̩-ekono efu Kraist Jisus.

Abo Galatia 3:28

Ju kpai Grik neke do̩mo̩ ge̩ n, adu kpai o̩mone̩ la neke do̩mo̩ ge̩ n, e̩ne̩ke̩le̩ kpai onobule̩ la aneke do̩mo̩ ge̩ n; todu o̩chaka me̩ chʼokate efu Kraist Jisus.

1 Timoti 1:12

Egwa nagwa e̩ne̩ kʼi dʼukpahiu ñwu mi, owñ che Kraisti Jisus, Ondu-wa, todabu kʼeju-wñ omi mud e̩ne̩ ki achubi owñ oñ i mʼumi du tef e̩wñ eche ñw u;

2 Timoti 1:1

Po̩l e̩nukpuche̩ Kraist Jisus lef edʼO̩jo̩ e̩do̩ ki dʼO̩jo̩ e̩do̩ lagbo̩ iñmi ki dʼefu Kraist Jisus ku ma kʼo̩la-wñ tane̩ le̩.

2 Timoti 4:10

Todu Dimas hiʼumitinyo̩, abu kʼi fe̩do̩ e̩wñ o̩kpanachi e-fa-i, oñ i le tu Te̩se̩lonaika; Kre̩ske̩ns le tu Galatia, Taito̩s le tu Dalmatia.

Taito̩s 2:13

kʼa jo̩ aneju ugbede kʼa kibeno le̩ kpʼutejugede ojima O̩jo̩ lile kpai E̩najadu-wa Kraist Jisus,