O̩la E̩bite 8:9 - O̩TAKADA O̩LA O̩JO̩ 1970

⁹ oñ ukpe̩ e̩ke̩ta e̩wñ kʼO̩jo̩ nyi ku ma nʼiñmi ku ma jʼef ohimini le̩ leku; oñ ukpe̩ e̩ke̩ta o̩ko̩ chihi rinyo̩.

O̩la E̩bite 8:9 ပူးပေါင်းရင်းမြစ်များ

O̩la E̩bite 16:3

Tak e-ekeji mʼucha-wñ du da rʼef ohimini; oñ i mud e̩bie̩, dabe̩ne̩ kʼe-e̩ne̩ ki ku; tak onugo e̩wñ du ki deju ef ohimini leku.

O̩la E̩bite 8:7

Tak e-ejodudu fa, oñ i mud okuto̩mo̩jocha kpʼuna ki gwe̩gwa nyʼe̩bie̩, oñ ma mʼu ko rikpolo tʼane̩ ile̩; tak ukpe̩ e̩ke̩ta ane̩ ile̩ gujo rinyo̩, ukpe̩ e̩ke̩ta oli la gujo rinyo̩, oñ egbe emimi du gujo rinyo̩.

O̩la E̩bite 8:12

Tak onuche̩ e̩ke̩le̩ fʼo̩kakachi-wñ: oñ ma fʼukpe̩ e̩ke̩ta e-olu kpa, kpʼukpe̩ e̩ke̩ta ochu kpʼukpe̩ e̩ke̩ta awo awo; todu kʼukpe̩ e̩ke̩ta-wñ ki chubi, todu kʼukpe̩ e̩ke̩ta o̩ro̩ka ki we etejugede, kpʼodu abe̩le̩ ge̩.

O̩la E̩bite 8:10

Tak onuche̩ e̩ke̩ta fʼokakachi-wñ, oñ awo lile muchi kwʼefojale wane̩, i najo dab agege, oñ i lewane̩ bʼoji ukpe̩ e̩ke̩ta ohimini ma, kpʼabʼoji e̩bi omi ma.

Aizaya 2:16

kpai abʼoji o̩ko̩ Tarshish ma chaka, kpai abʼoji e̩wñ uñeju du ma.

Ze̩karaya 13:8

Oñ i awatu kakini, oj ane̩-i du, Jihofa ka-i, ma akʼukpe̩ru-wñ meji da rinyo̩, oñ ma aku, ma muda atʼukpe̩ru e̩ke̩ta no̩ ef uwñ.

Eli Eko̩ DʼO̩jo̩ 48:7

Uwe̩ nʼafu olodudu fʼo̩ko̩ o̩ko̩ Tarshish kpo̩fo̩ rinyo̩.

Aizaya 23:1

O̩la Taya de̩. Kwa, ame̩ o̩ko̩ Tarshish du, todu ma fu Taya kpe̩fo̩ te̩, unyi du bo̩ ge̩ n, i nʼegudu nyʼo̩mo̩ n! Ma dʼu tejugede ñw ma kwʼoj ane̩ Saipro̩s.

Akwodufu 7:21

E̩ja ki la jʼefu Naye̩l leku, taku Naye̩l le̩ kwolu, oñ abo Ijipti ma ño̩ neke ñmo̩ omi Naye̩l le̩ ge̩ n; e̩bie̩ la dʼugbo du oj ane̩ Ijipti.

Ze̩karaya 13:9

Tak omi adʼukpe̩ru e̩ke̩ta le̩ nyʼef una, oñ nafʼuma gwe̩ alu ku ma gwe̩ ajifa, u la ajʼuma ma alu ku ma jʼo̩jamalia ma. Ma akwadʼodu-mi, tak u nagbʼomu-ma. Omi akakini, Abo-mi de̩; oñ ma akakini, Jihofa chʼO̩jo̩-mi.

O̩la E̩bite 9:15

Taku ma mʼamonuche̩ me̩le̩ le̩ tu jʼane̩, ama chʼabo ku ma ñwʼo̩la-ma che te̩ tod auwa le̩ kpʼo̩jo̩ le̩ kpʼochu le̩ kpʼodo̩ le̩, todu kʼama ki fʼukpe̩ e̩ke̩ta amone̩ kpa.

O̩la E̩bite 9:18

Ma nʼe̩wñ o̩pe̩cha me̩ta-i fʼukpe̩ e̩ke̩ta amone̩ kpa leku, owñ chʼef una kpʼodudu kpʼitolu ki nakwef alu-ma dufu le̩.

O̩la E̩bite 12:4

Otihi-wñ la afa ukpe̩ e̩ke̩ta awo efojale, tak i ko ma rikpolo tef ane̩ ile̩-i. Taku drago̩n le̩ kwo̩dago o̩gba onobule̩ ki ache kʼi bi o̩ma le̩, todu kʼe̩gba du kʼi fʼo̩ma bi kʼi mʼu du mi.