O̩la E̩bite 7:12 - O̩TAKADA O̩LA O̩JO̩ 1970

¹² kakini, Ami, uje̩nyu kpʼojima kpʼibe kpʼugwa kpʼubumo̩ kpʼukpahiu kpʼugbiñmi ki dʼugbo O̩jo̩-wa ogbegbele̩ nyile̩wa. Ami.

O̩la E̩bite 7:12 ပူးပေါင်းရင်းမြစ်များ

O̩takada ki kwʼo̩wo̩ Jud 1:25

tʼugbo O̩jo̩ okate kʼi chʼE̩najadu-wa, lefu Jisus Kraist, Ondu-wa, ojima kpʼe̩gahi kpʼinaina, kpʼiñmi, kpai o̩da ki chʼe-wñ, o̩gba tak o̩kpanachi du do̩mo̩, tʼifai, kpai tef o̩kpanachi du ki awa. Ami.

O̩la E̩bite 19:4

Tak abogijo ogu nyoke me̩le̩ kpʼame̩wñiñmi me̩le̩ le̩ lewane̩ adojikane̩ ñw O̩jo̩ ki gugu oj ede le̩ kakini, Ami! Haleluya!

Abo Ko̩lo̩se 3:17

Oñ e̩wñ du ku me̩ che, ef o̩la eka abe̩k ef uko̩lo̩ eche, e̩wñ du ki chʼef odu Ondu Jisusi, me̩ ki nagwʼO̩jo̩ Ata ugwa lef uwñ.

Eli Eko̩ DʼO̩jo̩ 100:4

Me̩ nʼugwa egwa gudu wʼalaku-wñ, me̩ nʼuñwulo̩-wñ gudu wʼef ologbo-wñ ge̩! Me̩ gogbodʼo̩, me̩ ki kele̩ odu-wñ!

Jona 2:9

Omi muda anʼomu ugwa chʼiche̩bo̩ ñw e̩; oji kʼu da le̩ nara. E̩te̩ ujadu che Jihofa!

Eli Eko̩ DʼO̩jo̩ 147:7

Me̩ nʼugwa akʼeli ñw Jihofa; me̩ ki nʼumolo akʼeli dʼO̩jo̩-wa!

Eli Eko̩ DʼO̩jo̩ 107:22

Ama ki la chʼiche̩bo̩ ugwa ñw u, ku ma nʼeli uyo̩ eko̩ dʼuko̩lo̩-wñ kpogo!

Eli Eko̩ DʼO̩jo̩ 89:52

Jihofa ki nele ogbegbele̩! Ami kpai Ami.

Eli Eko̩ DʼO̩jo̩ 72:19

Oñ odu-wñ e-ojima le̩ ki nele ogbegbele̩; ane̩-ile̩ du ki nako̩ ñw ojima-wñ! Ami kpai ami!

Eli Eko̩ DʼO̩jo̩ 41:13

Jihofa ki nʼele, owñ chʼO̩jo̩ e-Israe̩l, akwʼigbegbele tʼogbegbele̩! Ami kpai Ami.

Je̩re̩maya 33:11

ma adabi gbo̩ omuko̩la uyo̩ kpʼomuko̩la e̩do̩ e̩bo̩ kpʼomuko̩la o̩ko̩ya tito̩ kpʼomuko̩la o̩ya tito̩, kpʼomuko̩la abo ku ma kakini, A ki gogbodo̩ Jihofa kʼi nʼe̩wñ du, todu Jihofa che nyo̩, todu ufe̩de̩nyo̩-wñ chʼogbegbele̩, kpʼe-abo ku ma kʼe̩wñ ugwa wʼef unyi Jihofa ge̩. Todu nache kʼamu ane̩-i kʼi rida kʼi dʼalu kʼi de̩ e̩gba ejodudu le̩, Jihofa aka-i.

Aizaya 51:3

Todu Jihofa anyi Zayo̩n e̩do̩; ugbo du kʼi chʼalache̩ te̩ i anyʼe̩ e̩do̩, i la ache kʼaje̩tachi-wñ ki dab Ide̩n, egbili e̩lanyi kpʼokuta-wñ la adab uche̩ Jihofa; ma ali uyo̩ kpʼe̩do̩ e̩bo̩ ef uwñ kpai ugwa egwa kpai omu eli.

Abo Ko̩lo̩se 2:7

abu ku me̩ tʼili mʼane̩ ku ma la fʼume̩ ne ef uwñ kʼe̩re̩-me̩ la chelonyane̩ ef e̩do̩-ekono-me̩, alu ku ma ko̩ me̩ le̩, ugwa egwa-me̩ ki chʼololo.

2 Abo Ko̩rint 4:15

Todu e̩wñ du chʼutodu me̩, todu kʼufe̩de̩nyo̩, kʼi natule nyo̩gba lef ojile amone̩ ki je̩ ñw ugwa ki chʼololo tod ojima O̩jo̩.

Eli Eko̩ DʼO̩jo̩ 116:17

Nache iche̩bo̩ ugwa ñw e̩ oñ nakwado̩ odu Jihofa.

Eli Eko̩ DʼO̩jo̩ 106:48

Jihofa, O̩jo̩ e-Israe̩l le̩ ki nʼele, akwo ogbegbele̩ gbogbo nyʼogbegbele̩! Amone̩ du ki naka kʼAmi! Me̩ je̩nyu ñw Jihofa!

Eli Eko̩ DʼO̩jo̩ 95:2

A ki wʼo̩gba-wñ kpai ugwa egwa; a ki nʼeli ku ma ko̩ dʼO̩jo̩ chʼekuku uyo̩ ñw u!

Matiu 6:13

E̩ ki ko wa nyʼef ajama n, E̩ ki muda mʼuwa gba kwʼugbo e̩ne̩bibi le̩.

Je̩re̩maya 33:9

oñ ewo-i achʼodu uyo̩ ñwu mi kpʼuñwulo̩ kpʼojima eju abo uche̩ichi ane̩ ile̩-i du, ku ma agbʼinabali e̩nyo̩ du kʼu nache ñwu ma. Ma la arailo, o̩la-ma aga noji e̩wñ e̩nyo̩ du kpʼure̩do̩ du kʼomi agba wa ñw u.

Eli Eko̩ DʼO̩jo̩ 50:14

Me̩ ki nʼugwa chʼiche̩bo̩ ñw O̩jo̩, e̩wñ kʼe̩ dʼoji-wñ le̩ e̩ nako wa ñw O̩machala;

Nihe̩maya 12:46

Todu iko Defid kpai Esaf igbele igbele ame̩nuto̩gba amakeli do̩mo̩, kpai eli uñwulo̩ O̩jo̩, kpai eli O̩jo̩ egogbodʼo̩.

Nihe̩maya 12:8

Oñ abo Lifai che: Je̩shua kpai Binui kpai Kadmie̩l kpai She̩re̩baya kpai Juda kpai Matanaya, kʼi chʼe̩ne̩ ki to̩gba ugwa egwa, owñ kpai amo̩maye-wñ.

O̩la E̩bite 1:18

kpʼe̩ne̩ kideju, u leku, e̩ la go, edeju nadeju tʼogbegbele̩ nyile̩wa. U la nʼo̩ma igede uku kpʼo̩jegu.

Abo Rom 11:36

Todu owñ chʼe̩te̩ e̩wñ du, e̩wñ du lef uwñ wa, e̩wñ du la do̩mo̩ ñw owñ. O̩jima ki chʼe-wñ ogbegbele̩. Ami.

1 Abo Ko̩rint 14:16

Cho̩kpo̩ni iche̩wñ kʼe̩ nʼafu akele O̩jo̩ abile̩ kʼe̩ne̩ ki dʼef uña o̩talaka aje̩ Ami e̩gba kʼe̩ fʼugwa gwa, todabu kʼi ma ma e̩wñ kʼe̩ ka n?