O̩la E̩bite 6:4 - O̩TAKADA O̩LA O̩JO̩ 1970

⁴ Tak anya omune̩ ki chʼekpikpa kwodufu; ma du ñw e̩ne̩ ki tanʼoji-wñ kʼi mʼure̩do̩ gba bʼane̩ ile̩ te̩, todu kʼama ki kpʼomune̩; oñ ma mʼugbada lile du ñw u.

O̩la E̩bite 6:4 ပူးပေါင်းရင်းမြစ်များ

Ze̩karaya 6:2

O̩kogu ejodudu nʼamanya ekpikpa; o̩kogu ekeji la nʼamanya edudu;

Matiu 10:34

Me̩ ki do̩ ka kʼu lewa kʼu dʼure̩do̩ ro̩ bʼane̩ ile̩ ma n: u wa kʼu dʼure̩do̩ ro̩ te̩ n, chai ugbada.

O̩la E̩bite 13:10

Iche̩wñ kʼe̩ne̩ du do̩mo̩ kʼamu chʼukpe-wñ, mak ef amu i anyi; iche̩wñ kʼe̩ne̩ du nʼugbada kpʼone̩, maku ma anʼugbada kpʼe̩ne̩ le̩ tila. Emi e̩do̩ elichi kpʼe̩dekono e-abo kiafo̩ de̩.

O̩la E̩bite 17:6

Oñ u li onobule̩ le̩ abu kʼe̩bie̩ abo kiafo̩ kpʼe̩bie̩ ame̩nibenu Jisusi fʼu mu. Oñ eli kʼu liʼi aye-wñ je̩ ñw mi n.

Ze̩karaya 1:8

U fuli odu, e̩ la go, e̩ne̩ʼka tanʼanya ekpikpa! I dago ef ujo̩ oli me̩rte̩l ef o̩go̩ le̩; amanya ekpikpa kpai acha kpai efufu la jʼubi-wñ.

O̩la E̩bite 17:3

Tak i mʼumi du kwʼo̩mo̩ ef Afu tef aje̩tachi, oñ u li onobule̩ kʼi gugu oj e̩la ekpikpa, odu achakpabie̩ che̩ko̩-wñ, i nʼoji mebie kpʼigba me̩gwa.

O̩la E̩bite 12:3

Tak ujiwe omune̩ kwotejugede efojale; e̩ la go, drago̩n ekpikpa lile kʼi nʼoji mebie kpʼigba me̩gwa kʼukata onu mebie jʼoji-wñ do̩mo̩.

Jo̩n 19:11

Jisus dohi ñw u kakini, Iche̩wñ ku ma ma du ñw e̩ kwʼate̩ n, e̩ ma nʼo̩da du ugbo mi n. Tod e-kide̩ e̩ne̩ ki mʼumi du ñw e̩ nʼadure ki nana tule.

Danie̩l 5:19

Oñ noji unana kʼi du ñw u, o̩la amone̩ du kpʼabo uche̩ichi kpʼichi ichi du ga, ma la railo o̩gba-wñ; e̩ne̩ ki dʼowñ e̩do̩ i mʼu du kpa, oñ e̩ne̩ ki dʼowñ e̩do̩ i je̩ ñw u deju, e̩ne̩ ki dʼowñ e̩do̩ i mʼu du dago, oñ e̩ne̩ ki dʼowñ e̩do̩ i hiʼu wane̩.

Eli Eko̩ DʼO̩jo̩ 17:13

Kwane̩, O Jihofa! gbʼo̩ oji, kʼe̩ mʼu du fiane̩! nʼo̩kwo̩chageli-we̩ gba onugo-mi bʼe̩ne̩bibi o̩wo̩ te̩,

Matiu 24:6

Ame̩ agbʼinabali ogu kpai iche̩ ogu; me̩ go, me̩ ki dutu n, todu e̩wñ-i awache chuu. I muda chʼukpoji-wñ de̩ ta n.