O̩la E̩bite 6:2 - O̩TAKADA O̩LA O̩JO̩ 1970

² Me̩ la go, u li anya efufu oñ e̩ne̩ ki tanʼoji-wñ nʼo̩o̩do̩, oñ ma mʼuloko du ñw u; tak i kwodufu kpʼedu, todu kʼi fʼuma du.

O̩la E̩bite 6:2 ပူးပေါင်းရင်းမြစ်များ

Ze̩karaya 1:8

U fuli odu, e̩ la go, e̩ne̩ʼka tanʼanya ekpikpa! I dago ef ujo̩ oli me̩rte̩l ef o̩go̩ le̩; amanya ekpikpa kpai acha kpai efufu la jʼubi-wñ.

O̩la E̩bite 3:21

E̩ne̩ ki du nadu ñw u kʼi guguane̩ kpʼomi oj ede-mi, alu kʼomi onugo du tak u guguane̩ kpʼAta-mi oj e̩de-wñ.

O̩la E̩bite 14:14

Me̩ la go, u li akpa efufu, oñ oj akpa le̩ e̩ne̩ʼka kʼi dab O̩ma One̩ gugu, i la nʼuloko o̩jamalia oji-wñ, oñ ujegbe ki ale̩ dʼef o̩wo̩-wñ.

O̩la E̩bite 11:15

Tak onuche̩ e̩kebie le̩ fʼo̩kakachi-wñ; oñ i mud omuko̩la lile efojale, kakini, O̩da ojane̩ ile̩ mud e-Ondu-wa kpʼe-Kraisti-wñ me̩; i la ajʼonu-wñ ogbegbele̩ nyile̩wa.

Aizaya 25:8

I adʼuku mi pioo; oñ Ondu Jihofa ali omi aku bʼeju du te̩, i la akʼina ku ma bʼabo-wñ bʼile̩-i te̩; todu Jihofa ka me̩.

Eli Eko̩ DʼO̩jo̩ 110:2

Jihofa anʼokute̩ ukpahiu-we̩ dala kwefu Zayo̩n dufu. Uwe̩ ki dʼo̩da-we̩ tʼalumeji ame̩nebi-we̩!

O̩la E̩bite 17:14

Abo-i akʼogu bʼO̩mala le̩, tak O̩mala le̩ afʼuma du todabu kʼowñ chʼOndu amodu kpʼOnu amonu, abo ku ma la jʼugbo-wñ chʼabo ku ma do̩ kpʼabo ku ma chi kpʼabo ku ma chubi-wñ.

O̩la E̩bite 15:2

Tak e̩wñ kʼu li dabe̩ne̩ kʼohimini egigo kʼuna chʼe̩gwe̩gwanyʼu; kpʼabo ku ma du ugbo uja e̩la le̩ kpʼugbo ojibo-wñ kpʼugbo inaba odu-wñ, ma nʼumolo e-O̩jo̩ dago jʼo̩la ohimini egigo le̩.

O̩la E̩bite 11:18

Abo uche̩ichi la we̩do̩, oñ uwe̩do̩-we̩ lewa, kpʼiko ku ma kajo̩ abo ki ku, kpʼiko ku ma dʼuro̩me̩ ñw amadu-we̩ amakache̩ kpʼabo kiafo̩, kpʼabo ku ma railo odu-we̩, tʼe-kekele tʼe-lile, kpʼiko ku ma fʼabo ku ma kpa ane̩ ile̩-i bie̩ kpabie̩.

1 Abo Ko̩rint 15:25

Todu owñ ajʼonu tila gbogbo wʼe̩gba kʼi fʼame̩nebi-wñ chaka kojo̩ o̩gane̩ e̩re̩-wñ.

Eli Eko̩ DʼO̩jo̩ 98:1

O, me̩ ki kʼeli etito̩ ñw Jihofa, todu i fʼe̩wñ aye wewe che me̩! O̩wo̩-wñ awo̩to̩ kpai ugbogbolo o̩wo̩-wñ kiafo̩ fʼujadu che todu-wñ me̩.

O̩la E̩bite 19:14

Oñ amiso̩ja ku ma jʼefojale tanʼoj anya efufu rʼo̩ ubi, ukpo line̩n efufu ki de̩hiolo bʼo̩la-ma ma.

Matiu 28:18

Taku Jisus lewa ko̩la ñwu ma kakini, Ma mʼo̩da du efojale kpai oj ane̩-ile̩-i du ñwu mi me̩.

Eli Eko̩ DʼO̩jo̩ 76:7

Uwe̩, owñ chʼuwe̩ le̩, chʼe̩ne̩ ku ma arailo-wñ! E̩ne̩ la neke dago eju-we̩ iko uwe̩do̩-we̩?

O̩la E̩bite 9:7

Oñ o̩la amakubaliba le̩ dab amanya ku ma ñwʼo̩la-ma che tod ogu; oñ i dabe̩ne̩ kʼuloko ki dab e-o̩jamalia jʼoji-ma, oñ eju-ma dabe̩ne̩ kʼeju amone̩.