O̩la E̩bite 4:1 - O̩TAKADA O̩LA O̩JO̩ 1970

¹ E̩ la go, ubi e̩wñ-i u li o̩na efojale ku ma mubite̩, oñ omuko̩la ejodudu kʼu gbo̩ dabe̩ne̩ kʼo̩kakachi ako̩la kpʼomi, kakini, Mute̩gu wʼemi, oñ nakʼe̩wñ ki awache ubi e̩wñ-i tila ñʼuwe̩.

O̩la E̩bite 4:1 ပူးပေါင်းရင်းမြစ်များ

O̩la E̩bite 11:12

Oñ ma gbʼomuko̩la lile ki kwʼefojale aka ñw ma kakini, Me̩ mute̩gu wʼemi. Taku ma mute̩gu tʼefojale ef akpa; oñ ame̩nebi-ma U ma.

Akwodufu 24:12

Taku Jihofa ka ñwu Mose̩s kakini, Mute̩gu wʼoj uwo ugbo-mi-i, kʼe̩ dago omo̩; kʼu nakʼalo okuta le̩ ñw e̩, manyʼuko̩-o̩la kpai uko̩ kʼu te̩ ñw e̩ e-kʼomi kʼorubutu-wñ-i ku ma ko̩che̩.

O̩la E̩bite 1:19

Todule̩ e̩ nakʼe̩wñ kʼe̩ li kpʼe̩wñ ki do̩mo̩, kpʼe̩wñ kʼi ache ki wache anubi e̩wñ-i rʼef o̩takada.

O̩la E̩bite 1:10

U lewate̩ ef Afu, o̩jo̩ ki chʼojima Ondu. Tak u gbʼomuko̩la lile ubi-mi dabe̩ne̩ kʼo̩kakachi,

Mark 1:10

Ababale̩ abu kʼi ate̩gu kwef omi awa i li efojale ki mukpana te̩, kpai Afu kʼi agwo̩ru wʼoji-wñ dabu ikede;

O̩la E̩bite 22:6

Tak i ka ñw mi kakini, O̩la-i chʼuke̩do̩no ogbolo i ño̩ chʼochochi; oñ Ondu, kʼi chʼO̩jo̩ amafu e-amakache̩ fʼonuche̩-wñ kpe̩ wa kʼi kʼe̩wñ ki awache piopio tila ña amadu-wñ.

O̩la E̩bite 16:17

Tak e-e̩kebie mʼucha-wñ du darʼoj afu ki aju-i; oñ omuko̩la lile kwʼunyi O̩jo̩ ejefu ugbo ede le̩ dufu, i kakini, I lewache me̩.

E̩wñ kʼAme̩nukpuche̩ Che 7:56

Tak i kakini, Me̩ go, nali efojale ki chʼe̩bite̩ kpʼO̩ma O̩ne̩ kʼi dago o̩wo̩ awo̩to̩ O̩jo̩.

Jo̩n 16:13

Ama e̩gba du kʼe̩ne̩ kʼu ka le̩ lewa, owñ chʼAfu e-ochochi, i adʼume̩ mʼo̩na ochochi chaka; todu i agʼe̩do̩la-wñ ako̩la n, chai e̩wñ du kʼi agbo̩ oñ i aka; e̩wñ ki awa i ñʼadu ka ñwu me̩ ge̩.

Luku 3:21

Oñ i leatu, e̩gba ku ma fʼamone̩ le̩ chaka che baptism, ku ma laño̩ fu Jisusi che baptism kʼi la achadua, efojale mubite̩,

Akwodufu 19:24

Taku Jihofa ka ñw u kakini, Gwo̩ru alo, tak uwe̩ kpʼAro̩n ki kpe̩re̩ te̩gu wa, e̩ ki muda je̩ ñw amatama kpai amone̩ gulo̩ wʼugbo Jihofa n, tode̩gba kʼi a gwo̩ko̩ tʼuma o̩la.

E̩wñ kʼAme̩nukpuche̩ Che 10:11

Tak i li ojale kʼi che̩chi te̩, kʼe̩wñ ekuʼka agwo̩ru wa, i dab ukpo line̩n efufu inaina ku ma nʼago̩go̩-wñ me̩le̩ adu wʼane̩pe̩te̩.

Matiu 3:16

Oñ abu kʼi fʼiJisus che baptism, ababale̩ i mute̩gu kwef omi; me̩ la go, efojale muchite̩, oñ i li Afu O̩jo̩ abu kʼi agwo̩ru awa dab ikede, kʼi la awʼoji-wñ.

Akwodufu 1:1

Odu amo̩ma Israe̩l e-e̩ne̩ke̩le̩ kʼama kpai Jeko̩b kpe̩re̩ wʼIjipti la de̩, e̩ne̩ne̩ne̩ne̩ nʼabo unyi-wñ wa:

Izikie̩l 1:1

Oñ i lewatu o̩do̩ ogue̩gwa, ochu e̩ke̩le̩, o̩jo̩ e̩ke̩lu ochu le̩ abu kʼu dʼef ame̩namu o̩la ohimini Che̩bar, kʼefojale mubile̩ oñ u fʼO̩jo̩ li ef ane̩ ego ago ño̩ go.

O̩la E̩bite 1:12

Tak u rida kʼu go omuko̩la kʼi ako̩la ñw mi; oñ abu kʼu murida u li akete agege o̩jamalia mebie.

O̩la E̩bite 11:19

Taku ma mʼef unyi O̩jo̩ ejefu ki dʼefojale le̩ bite̩; oñ ma li akpati alo-wñ ef unyi-wñ ejefu le̩; tak o̩mamanya kpʼomuko̩la kpʼakpabana kpʼane̩ emiejo kpʼokuto̩mo̩jo̩cha lile lile wate̩.

O̩la E̩bite 19:11

Tak u li abu ku ma mʼefojale chite̩, e̩ la go, anya efufu kpʼe̩ne̩ ki gugu oji-wñ, e-ku ma do̩ kʼE̩nuke̩do̩no ogbolo kpʼE̩nochochi; oñ ajo̩-wñ kʼi aka kpʼogu kʼi aja chʼo̩kpakpa.

Ita, Ita 25:7

todu ama ki ka ñw e̩ kakini, Mute̩gu wʼemi, me̩ tʼe̩gba ku ma kʼuwe̩ e̩che̩ tʼubi eju e̩numo̩la kʼeju-we̩ do le̩ le.