Nihe̩maya 7:1 - O̩TAKADA O̩LA O̩JO̩ 1970

¹ Oñ i lewatʼe̩gba ku ma fʼo̩do̩ ne kpa kʼomi la mʼolugbana-wñ konyʼu ku ma fʼamadalo̩na kpai amakeli kpai abo Lifai chi jo̩,

Nihe̩maya 7:1 ပူးပေါင်းရင်းမြစ်များ

Nihe̩maya 6:15

Abe̩le̩ ma fʼodo̩ le̩ ne kpa o̩jo̩ kʼochu Elul nʼo̩jo̩ ogue̩lu, owñ chʼo̩jo̩ ooje nyoke meji.

Nihe̩maya 6:1

Oñ i lewatu e̩gba ku ma dʼinabali ñwu Sanbalat kpai Tobaya kpai Ge̩she̩m e̩ne̩ Arab le̩ kpai ame̩nebi-wa ki bo̩, ka kʼomi fʼo̩do̩ le̩ ne ki ma ño̩ nʼugbo kʼi kpo̩fo̩ ge̩ n, (u muda kʼolugba-na dago alaku alaku iko le̩ ta n),

2 Iko Iko E̩wn 31:2

Taku He̩ze̩kaya fʼamatama kpai abo Lifai date̩ ukpe̩ru ukpe̩ru alu kʼuche̩ uche̩-ma de̩, e̩ne̩ne̩ne̩ne̩ nʼe̩-wñ alu kʼi ache e̩wñ, tʼamatama tʼabo Lifai tod e̩wñ iche̩bo̩ e̩gujo kpʼe̩wñ iche̩bo̩ ure̩do̩ ekowa, kʼama ki che e̩wñ, ku ma la gogbodo̩ ku ma laño̩ jʼalaku alaku uru Jihofa aje̩nyʼu.

Nihe̩maya 12:24

Oñ abo ku ma tʼo̩gba ef abo Lifai che: Hashabaya kpai Se̩re̩baya kpai Je̩shua o̩ma Kadmie̩l, manyʼamo̩maye-ma ku ma jo̩ kpenyu ma, ku ma je̩nyu ku ma laño̩ gogbodo̩ alu ki Defid e̩ne̩ O̩jo̩ le̩ fʼuko̩-wñ te̩, iko ide aro̩ne aro̩ne.

Nihe̩maya 11:3

Oñ abo-i chʼamagboji ojane̩ le̩ ku ma dodo Je̩rusale̩m, i muda chʼe-ewo ewo Juda, e̩ne̩ne̩ne̩ne̩ dodo ewo-wñ ugbo ane̩-wñ, abo Israe̩l, amatama kpai abo Lifai kpʼabo uko̩lo̩ unyi O̩jo̩ kpʼamo̩ma amadu So̩lo̩mo̩n.

Nihe̩maya 10:39

Todu amo̩ma Israe̩l kpʼamo̩ma Lifai ako e̩wñ eduwa ku ma ko ne ate̩ kwef e̩wñ e̩yo̩ kpʼe-omi achiwebe̩te̩ma etito̩ kpʼe-ekpo wʼef e̩ko̩da unyi unyi, ugbo kʼe̩wñ eku e-unyi kiafo̩ le̩ kpʼamatama ku ma che e̩wñ, kpai amadalo̩na, kpai amakeli jo̩; a ñʼahi unyi O̩jo̩-wa tinyo̩ n.

E̩zra 3:8

Oñ ef o̩do̩ ekeji ku ma wʼunyi O̩jo̩ Je̩rusale̩m, ochu ekeji-wñ, Zerubabe̩l, o̩ma Shealtie̩l, kpai Je̩shua, o̩ma Jozadak, kpai amo̩maye-ma ki bo̩ ku ma chʼamatama kpai abo Lifai, kpai amone̩ ku ma kwʼef amu le̩ wa Je̩rusale̩m chane̩, oñ ma chi abo Lifai kʼo̩do̩-ma ma nyaru ogu n, ku ma nʼo̩da edejutʼuko̩lo̩ unyi Jihofa.

2 Amonu 7:10

Abe̩le̩ ma lewa nʼomudala do̩ amadaku ewo le̩; oñ ma ka ñwu ma kakini, Awa lewa uru abo Siria le̩, me̩ la go, e̩ne̩ du do̩mo̩ n, a la gbe̩gbʼomuko̩la e̩ne̩ du n, chai amanya ki ro jo̩, kpai amo̩ke̩ke̩te̩ ki ro jo̩ ge̩, kpai unyabo unyabo-ma alu ki de̩.

Nihe̩maya 6:19

Ma ño̩ fʼe̩wñ e̩nyo̩ kʼi che ka jane̩ ñwu mi, ma la mʼo̩la e-mi du ka ñw u. Oñ Tobaya ko̩ o̩takada kpuche̩ wa kʼi nyʼumi okpo.