Todu uche̩ achiwebe̩te̩ma e-Jihofa ki nʼe̩wñ du chʼabunyi Israe̩l, oñ aboke̩le̩ Juda chʼiga ki bʼowñ e̩do̩; i neju ajo̩ o̩kpakpa eka, e̩ la go, i mud e̩bie̩ one̩ edafo; i neju e̩wñ o̩kpakpa, e̩ la go, i mud ukwa ekwa!
Me̩ go, ome̩ abuko̩lo̩ ku ma kpa e̩wñ oko-me̩ e-ku me̩ gwo̩nyʼu afuma le̩ nakwa; oñ ukwa abo ku ma kʼe̩wñ oko-me̩ wʼunyi la raugudu tʼeti Ondu ki nʼe̩wñ du me̩.
Abe̩le̩ tʼomi, tʼamo̩maye-mi, tʼabimo̩to̩-mi, tʼabo ide ku ma tʼumi ubi, i nʼe̩ne̩ du ef uwa ki kʼe̩wñ o̩la-wñ jʼane̩ n, ido̩na ogu e̩ne̩ne̩ne̩ne̩ dʼef o̩wo̩-wñ.
O̩la ki kwʼugbo Jihofa lewʼugbo Je̩re̩maya le̩ de̩, owñ chʼabu ku Ze̩de̩kaya, onu, kpʼalo kpʼamone̩ ku ma jo̩ Je̩rusale̩m chaka ku ma adʼomi nʼo̩la-mi kpogo ñwu ma;
AbukʼOndu Jihofa aka de̩, kakini, I ki bʼume̩ jo̩, O ame̩ amidachi Israe̩l! Mʼe̩wñ afuma kpʼe̩wñ aluje̩ ko̩, ku me̩ che teju alu kʼoji ajo̩ ka kpʼo̩kpakpa; mʼone̩ ene-me̩ du bʼabo-mi te̩, Ondu Jihofa ka-i.
E̩wñ ekeji ku me̩ ño̩ che de̩ ge̩: me̩ kʼomi aku kpai aku ero̩ kpai ifi efi bʼubo̩ iche̩bo̩ Jihofa ma, todabu kʼi ma ñʼanyʼe̩wñ ku me̩ duwa le̩ eti ge̩ n, i lañʼali me̩ eju kʼi agba e̩wñ ele o̩wo̩-me̩ ge̩ n.