Nihe̩maya 2:8 - O̩TAKADA O̩LA O̩JO̩ 1970

⁸ kpai o̩takada kʼu nadu ñw Asaf, e̩ne̩ ki ade efoko onu le̩, kʼi kʼoli ñwu mi kʼu bʼigbo-wñ tod alaku unyi lile kʼi manyʼunyi le̩ kpai tod o̩do̩ ewo le̩ kpai tod unyi kʼomi onugo atʼo̩. Tak onu mʼu ko ñwu mi teju alu kʼo̩wo̩ e̩nyo̩ O̩jo̩-mi nʼumi oji.

Nihe̩maya 2:8 ပူးပေါင်းရင်းမြစ်များ

E̩zra 7:6

E̩zra kide̩ kwo Babilo̩n te̩gu alo; owñ chʼako̩takada kʼi chʼo̩ka e̩wñ uko̩-o̩la Mose̩s, ki Jihofa, O̩jo̩ e-Israe̩l, ko wa le̩; e̩wñ du kʼi la bi onu muko ñw u, alu ki Jihofa O̩jo̩-wñ, dʼo̩wo̩ nʼo oji.

Aizaya 66:14

Eju-me̩ la aliʼu, e̩do̩-me̩ la ayo̩, oñ achiku-me̩ aya dabe̩ne̩ kʼegbe emimi; taku ma ama ka kʼo̩wo̩ Jihofa dʼubi amadu-wñ, e̩do̩-wñ la akparʼame̩nebi-wñ.

Nihe̩maya 7:2

kʼomi dʼo̩da Je̩rusale̩m tʼo̩wo̩ o̩maye-mi Hanani, kpai Hanana-ya ki chʼagboji unyi onu; todu owñ chʼe̩ne̩ ki achubi one̩, i la arailo O̩jo̩ tʼamone̩ wewe le.

Danie̩l 1:9

O̩jo̩ la je̩ ñw agboji amonoji ki li Danie̩l eju kʼi mo̩la ñw u kʼi no̩ liʼu ejumomi.

E̩zra 5:5

Eju O̩jo̩-ma la dʼugbo abogijo amaju, oñ abo le̩ ño̩ je̩ ñwu ma we ge̩ n, gbogbo tak o̩la le̩ ki tʼugbo Darius, ku ma dʼohi-wñ tef o̩takada wa ñwu ma.

Abakwane̩ 32:28

Tak i kakini, Ma ñʼadʼodu-we̩ ko̩ Jeko̩b ge̩ n, chai Israe̩l, todu uwe̩ bʼO̩jo̩ kpai amone̩ ja me̩, e̩ la fu du.

2 Abo Ko̩rint 8:16

Oñ O̩jo̩ nʼugwa, owñ chʼe̩ne̩ ki du e̩do̩chacha kide̩ tef e̩do̩ Taito̩s todu me̩.

E̩wñ kʼAme̩nukpuche̩ Che 26:22

Todule̩ abu kʼu wa chʼef ate̩-ko̩ kʼi kwʼugbo O̩jo̩, edago nadago gbogbo wʼeñini kide̩, agbibenu ugbo imo̩to̩ kpʼogijo, naka e̩wñ ojoji du tʼe-kʼamakache̩ kpai Mose̩s ka kʼi ache kʼi wa le le n.

E̩wñ kʼAme̩nukpuche̩ Che 7:10

Oñ i mʼowñ gba kwef o̩bata-wñ du. Tak i mʼufe̩de̩nyo̩ kpʼibe du ñw u eju Fero onu Ijipti. Owñ le̩ mʼowñ du dago kʼi chʼuto̩gba ane̩ Ijipti kpʼo̩gbo̩ abunyi-wñ du.

Ita, Ita 21:1

E̩do̩ onu dʼef o̩wo̩ Jihofa alu kʼugbo kʼomi acha de̩; i arʼo̩ ida tʼugbo du ki dʼowñ e̩do̩.

E̩zra 7:9

Todu o̩jo̩ ejodudu ochu ejodudu oñ i chane̩ emo̩la akwo Babilo̩n alo; oñ o̩jo̩ ejodudu ochu e̩ke̩lu i lewa Je̩rusale̩m, alu kʼO̩jo̩ dʼo̩wo̩ e̩nyo̩ nʼo oji.

E̩zra 6:22

Oñ ma fʼuje̩wñ kʼo̩jo̩wu ma dʼo̩ n de kpai uyo̩ o̩jo̩ mebie; todu Jihofa mʼuyo̩ du ñwu ma me̩; i laño̩ mʼe̩do̩ onu Asiria rida te̩ ma, kʼi dʼukpahiu ñw o̩wo̩-ma ef uko̩lo̩ unyi O̩jo̩, kʼi chʼO̩jo̩ e-Israe̩l.

Ako̩la ñw Ujeju 2:5

U fʼuche̩ o̩la unyi kpʼujo̩ oli ku ma jʼolubo̩-wñ che ñw o̩la-mi. U la fʼoli ki aro ojoji ojoji du ne o̩mo̩.

Ako̩la ñw Ujeju 2:6

U ño̩ fʼo̩fe̩ o̩fe̩ gwa kʼomi ki gbagu efu-wñ kʼi cha nyʼoko ugbo ku ma nʼoli etito̩ kʼo̩la-wñ ki ya.

E̩zra 6:8

Noji e-le̩ ge̩, nadʼo̩da te̩ ugbo e̩wñ ku me̩ ache ñw abogijo amaju le̩ tod uko̩lo̩ unyi O̩jo̩ le̩ eko̩, kakini, Me̩ hika chi kwef e̩wñ ane̩ onu, owñ chʼe̩wñ are̩ ku ma rʼo̩ udaba ohimini le̩, ku me̩ ko ñw aboke̩le̩-i alu ku ma kpʼo̩ko̩ bie̩ kade, kʼe̩wñ du ki da ma hi n.