Nihe̩maya 2:1 - O̩TAKADA O̩LA O̩JO̩ 1970

¹ Oñ i lewatu ochu Nisan, o̩do̩ e̩ko̩gu kʼArtaze̩rksis jʼonu, e̩gba kʼomi achiwebe̩te̩ma jʼo̩gba-wñ, u la mʼomi achiwebe̩te̩ma du nʼo̩wo̩ ñw onu. U la bʼeju-mi nyʼo̩wo̩ eju-wñ mama ta n.

Nihe̩maya 2:1 ပူးပေါင်းရင်းမြစ်များ

E̩zra 7:1

Abu kʼe̩wñ le̩ chekpa ef o̩kpanachi Artaze̩rksis onu Pe̩rsia, E̩zra o̩ma Se̩raya, kʼi chʼo̩ma Azaraya, kʼi chʼo̩ma Hilkaya,

Nihe̩maya 1:11

O Ondu, nagbo̩ko̩bʼe̩, nʼeti-we̩ rʼadua adu-we̩-i, kpʼadua amadu-we̩ ku ma yo̩ ñw ailo odu-we̩ era; nagbo̩ko̩bʼe̩ kʼe̩ je̩ ñw u ra ñw adu-we̩ eñini-i, kʼe̩ la je̩ ñw e̩ne̩-i liʼowñ ejumomi. Omi la chʼe̩ne̩ ki adʼomi ñw onu ñmo̩.

Nihe̩maya 1:1

O̩la Nihe̩maya o̩ma Hakalaya le̩ de̩. Oñ i lewatu ochu Chisle̩f, o̩do̩ e̩kogu-wñ, abu kʼu dʼef unyi Shushan,

E̩sta 3:7

Ochu ejodudu, kʼi chʼochu Nisan, o̩do̩ e̩ke̩gweji kʼAhasurus jʼonu, ma fʼifa pur le̩ bo̩, owñ chʼanya ku ma ro̩, o̩gba Heman o̩jo̩ñwa o̩jo̩ñwa, kpai ochu ochu gbogbo wʼochu e̩ke̩gweji, owñ chʼochu Adar.

E̩zra 7:7

Oñ amo̩ma Israe̩l iche̩ka kpʼamatama iche̩ka kpʼabo Lifai iche̩ka kpʼamukeli iche̩ka kpʼamadalo̩na iche̩ka kpʼabo uko̩lo̩ unyi O̩jo̩ iche̩ka, nyi Je̩rusale̩m o̩do̩ e̩kebie kʼArtaze̩rksis jʼonu.

Abakwane̩ 40:21

I mʼagboji abo ku ma dʼomi ñw u le̩ du dabi tʼe̩gu-wñ, oñ i mʼago le du tʼo̩wo̩ Fero;

Abakwane̩ 40:11

Ago omi Fero la dʼef o̩wo̩-mi; oñ u mʼe̩ro achiwebe̩te̩ma le̩ ko, ufʼu pili nyʼef ago omi e-Fero, tak u mʼago le̩ du tʼo̩wo̩ Fero.

Danie̩l 9:25

Todule̩, uwe̩ ki ma, kʼe̩ la nʼibe-wñ kakini, Akwʼe̩gba kʼo̩la dufu ka ku ma ki du Je̩rusale̩m dabi tʼe̩gu ku ma la ño̩ fʼu ko̩ gbogbo tʼiko Me̩saya, kʼi chʼE̩nuto̩gba le̩, achʼebie mebie kpai ebie ebie ugbo o̩gbo̩ me̩ta nyoke meji. Ma adabi kʼo̩ ge̩. I anʼojukpologu kpai o̩kpe̩. E̩gba le̩ achʼadiko o̩bata.

E̩zra 4:7

Oñ ef o̩kpanachi Artaze̩rksis, Bishlam kpai Mitre̩dat kpai Tabee̩l kpai ame̩numana-ma ki bo̩, fʼo̩takada ko̩ ru Artaze̩rksis, onu Pe̩rsia; ma fʼo̩takada le̩ ko̩ alu kʼabo Siria ako̩ kpai ichi Siria ge̩.