Nehum 3:5 - O̩TAKADA O̩LA O̩JO̩ 1970

⁵ Go, omi chʼe̩nagwunyʼuwe̩, Jihofa ki nʼe̩wñ du aka-i, Namʼed ukpo-we̩ ko bʼe̩ eju ma; oñ nadʼago ofo-we̩ ña abo uche̩ichi kʼojane̩ ojane̩ ki li e̩wñ anyo̩-we̩.

Nehum 3:5 ပူးပေါင်းရင်းမြစ်များ

Je̩re̩maya 13:26

Todule̩ omi onugo adʼeti ukpo-we̩ kwane̩ abʼuwe̩ eju ma, tak anyo̩-we̩ atʼo̩fe̩.

Nehum 2:13

Go, omi chʼe̩nagwunyʼuwe̩, Jihofa ki nʼe̩wñ du ka-i, u la agu okogu-we̩ jo ef odudu, oñ o̩kwo̩chageli afʼamo̩ma idu-we̩ lie̩ rinyo̩; u la akʼe̩wñ kʼuwe̩ akpa kʼe̩ je̩ da bʼane̩ ile̩ te̩, e̩ne̩ du ñʼagbo̩ omuko̩la amonuche̩-we̩ ge̩ n.

Izikie̩l 23:29

Tak ama ache e̩wñ kpʼuwe̩ ef ulaka, mu la año̩ e̩wñ du kʼuwe̩ chʼakanya uko̩lo̩-wñ le̩, ku ma atʼe̩ no̩ te̩ ago ofo, oñ ago ofo-we̩ akwote̩ pee. Ma adʼago ofo oko eje̩-we̩ tejugede, tʼe̩wñtuñ-we̩ tʼe̩wñ abutabu-we̩.

Je̩re̩maya 13:22

I la che̩wñ kʼe̩ ka ef e̩do̩-we̩ kakini, E̩wñ chi kʼe̩wñ-i wa bʼumi ma ta? Todu udu kʼe̩ fe̩ ki tabale oñ ma fʼeti ukpo-we̩ dago, kʼagbe̩re̩-we̩ ki li e̩wñ akpulu.

Habakuk 2:16

Anyo̩ akʼuwe̩ efu koji ojima. Uwe̩ ki ñmo̩, kʼe̩ ro̩ko̩ibu! Ago ki dʼo̩wo̩ awo̩to̩ Jihofa adagbala wʼugbo we̩, anyo̩ bibi la abʼojima-we̩ ma!

Izikie̩l 16:37

todule̩, go, omi akʼabo kʼe̩ tene ma le̩ wa jo̩ chaka, kʼuwe̩ kpʼama chiya le̩, manyʼabo du kʼe̩ te̩ta-tene ma, manyʼabo du kʼe̩ te̩tachʼulaka-ma u la ako ma kwʼugbo du wa jeju nyʼuwe̩ o̩la, tak u nadʼago ofo-we̩ te̩ ñwu ma kʼama ki li ago ofo-we̩ jalii.

Maika 1:11

E̩ ki lale rinyo̩, kpʼago ofo kpʼanyo̩, uwe̩ e̩ne̩ ki adodo Shefu, onobule̩ ki dodo Zanan dufu wa n; ukwa Be̩t-e̩ze̩l, adʼudago-we̩ kwo bʼe̩ e̩re̩ te̩.

Izikie̩l 23:25

Oñ naje̩ ñw ogu eja-mi ki chʼagwunyʼuwe̩ takʼama akʼe̩do̩fulu ache we̩ o̩la. Ma akʼuwe̩ iñmo̩ kpʼeti da, oñ abo-we̩ ki bo̩bo̩ awane̩ alu o̩kwo̩chageli. Ma umʼamo̩ma-we̩ e̩ne̩ke̩le̩ kpʼonobule̩ ko, tak una akʼabo-we̩ ki bo̩bo̩ mi.

Je̩re̩maya 50:31

Go, omi chʼe̩nagwunyʼuwe̩, O uwe̩ kʼe̩ ke le̩, Ondu Jihofa ki nʼe̩wñ du aka-i; todu o̩jo̩-we̩ jo̩ me̩, owñ chʼiko kʼomi awa fejudʼuwe̩.

Izikie̩l 21:3

kʼe̩ ka ñw ane̩ Israe̩l kakini, Abu ku Jihofa ka de̩ kakini, Go, omi chʼe̩nagwunyʼuwe̩, u la awʼo̩kwo̩chageli-mi kwʼako-wñ, oñ nakʼame̩no̩kpakpa kpʼame̩ne̩bibi da rinyo̩ bʼe̩ te̩.

Izikie̩l 26:3

Todule̩ abu kʼOndu Jihofa aka de̩ kakini, Go, omi chʼe̩nagwunyu-we̩, O Taya, oñ naje̩ ñw abo uche̩ichi uche̩ichi ojoji ojoji wewe wa akobʼuwe̩, alu kʼohimini abadi akʼakpoli-wñ wa.