Matiu 9:27 - O̩TAKADA O̩LA O̩JO̩ 1970

²⁷ Tak abu ku Jisus kwʼo̩mo̩ alo, amafeju meji rʼo̩ ubi, ma nakwa kakini, Lʼuwa ejumomi, uwe̩, O̩ma Defid!

Matiu 9:27 ပူးပေါင်းရင်းမြစ်များ

Matiu 15:22

E̩ la go, onobule̩ Kenan la kwʼalo̩me̩-wñ le̩ awa; i nakwa kakini, Li umi ejumomi, Ondu, O̩ma Defid! o̩ma-mi onobule̩ nʼebili kʼi bie̩ne̩.

Matiu 11:5

amakpejufo̩ adabi agane̩, amachika alule̩, o̩la ame̩no̩ga ikpemute afe̩, amajeti la agbo̩la, ma kʼabo ki ku kwane̩, ma ño̩ jʼUche̩nyo̩ rʼame̩nale.

Matiu 17:15

Ondu, li o̩ma-mi ejumomi, todabu kʼi achʼajukpakpa o̩la-wñ bie̩ne̩. I awane̩ ef una o̩gbe̩nugbe̩, kpai tef omi o̩gbe̩e̩ ge̩.

Jo̩n 7:42

O̩takada O̩la O̩jo̩ ka kakini, Kwef ugbe̩ Defid, kwo Be̩tle̩he̩m, ewo ugbo ku Defid de̩ oñ Kraist akwo wa n?

Luku 7:21

Ef adiko auwa le̩, i je̩ ñw o̩ga kpai o̩pe̩cha kpai afu ibi kwo bʼamone̩ wewe te̩; i ño̩ mʼugane̩ du chʼamafeju wewe ele ufe̩de̩nyo̩ ge̩.

Mark 11:10

ekele ma kele ojane̩ ki awa, e-ata-wa Defid; Hosana efojale ojale.

Mark 9:22

I la dʼu ro̩ tef una kpai ef omi o̩gbe̩nugbe̩, todu kʼi mʼu du kpa tinyo̩; e̩ muda nʼe̩wñ du kʼe̩ neke che, e̩ te̩ko wa, li uwa ejumomi.

Matiu 21:9

Oñ o̩wo̩ amone̩ ku ma rʼo̩ o̩gba kpʼabo ku ma tʼo̩ ubi kwukwa kakini, Hosana ñw O̩ma Defid; e̩ne̩ kʼi awa ef odu Ondu ki nʼele, Hosana ef uña kʼi dʼatate̩!

Matiu 1:1

O̩takada o̩lo̩pu Jisus Kraisti o̩ma Defid, o̩ma Ebraham o̩gba o̩gba de̩.

Matiu 21:15

Oñ abu kʼamagboji amatama kpʼamako̩takada fʼe̩wñ aye kʼi che li, kpʼabimo̩to̩ ku ma jʼef unyi O̩jo̩ akwukwa kakini, Hosana ñw O̩ma Defid, i bi ma eju.

Abo Rom 9:5

abogijo igbele le̩ chʼabo e-ma, ama la chʼe̩te̩ Kraisti lo̩na o̩re̩la, owñ le̩ kʼe̩wñ du jʼef o̩wo̩-wñ, O̩jo̩ ku ma kele-wñ ogbegbele̩. Ami.

Luku 20:41

Tak i ka ñwu ma kakini, Abile ku ma ka ku Kraist chʼO̩ma Defid ta?

Luku 17:13

taku ma dʼomu dago kakini, Jisus, O̩dafe̩, e̩ li wa ejumomi.

Abo Rom 1:3

Owñ chʼo̩la O̩ma-wñ kʼi wate̩ kwef ugbe̩ Defid lo̩na o̩re̩la.

Matiu 9:28

Oñ abu kʼi lewʼef unyi, amafeju le̩ wʼugbo-wñ; taku Jisus ka ñwu ma kakini, Ame̩ ke̩do̩no ka kʼomi neke che e̩wñ-i? Ma ka ñw u kakini, I-i, Ondu.

Matiu 20:29

Tak abu ku ma kwo Je̩riko alo, o̩wo̩ amone̩ lile darʼo̩ ubi.