Matiu 8:10 - O̩TAKADA O̩LA O̩JO̩ 1970

¹⁰ Oñ abu ki Jisus gbo̩, i kwoyaye, oñ i ka ñw abo ku ma rʼo̩ ubi kakini, Ami, naka ñwu me̩ kakini, U li e̩do̩ e̩ko̩no abe̩i ugbo e̩ne̩ du ef abo Israe̩l mama ta n.

Matiu 8:10 ပူးပေါင်းရင်းမြစ်များ

Luku 7:9

Oñ abu ku Jisus gbʼo̩la e̩wñ kide̩ i yaye-wñ, tak i murida ka ñw o̩wo̩ amone̩ ku ma tʼo̩ ubi kakini, Naka ñwu me̩ kakini, I chaka chʼoj ane̩ Israe̩l u li e̩do̩-ekono nana e̩ge-i n.

Matiu 15:28

E̩gba le̩ Jisus dohi ka ñw u kakini, Onobule̩, e̩do̩ ekono-we̩ tabale; i ki dʼalu ki dʼuwe̩ e̩do̩ ñw e̩. Oñ akwo iko le̩ o̩ma-wñ nʼo̩lafia.

Mark 6:6

I la kwoyaye tod eke̩do̩no ku ma ko̩ eke̩do̩no. Tak i tʼewo ewo ale daka ako one̩ e̩wñ.

Luku 7:50

Oñ i ka ñw onobule̩ kakini, E̩do̩-ekono-we̩ fʼe̩ jadu me̩; e̩ nalo tef ure̩do̩.

Luku 5:20

Tak abu kʼi li e̩do̩-ekono-ma i kakini, One̩, ma tʼadure-we̩ no̩ ñw e̩ me̩.

Abakwane̩ 43:33

Taku ma kwogugu o̩gba-wñ, o̩mo̩gba gugu uña ogijo, e-kekele la gugu uña imo̩to̩-wñ; oñ i mud e̩wñ awuwu ñw aboke̩le̩ le̩.

Matiu 8:9

Todu omi onugo chʼe̩ne̩ kʼu dʼef o̩da, kʼu nʼamisoja o̩wo̩-mi, oñ naka ñw e-i kakini, Lo, i la alo; oñ naka ñw ekeji kakini, lewa, i la awa; u la aka ñw adu-mi kakini, Chʼe-i, i la ache.

Matiu 8:11

U la aka ñwu me̩ kakini, Amone̩ wewe akwʼo̩wo̩ olodudu kpʼo̩we̩ olane̩ wa achʼeku kʼane̩ manyʼEbraham kpʼAise̩k kpai Jeko̩b ojane̩ e-efojale,

E̩wñ kʼAme̩nukpuche̩ Che 2:7

Awuwu la fu ma mu, oñ ma kwoyaye kakini, Me̩ go ta, abo ku ma jʼako̩la-i du chʼabo Galili jo̩ le̩ n?