Matiu 5:18 - O̩TAKADA O̩LA O̩JO̩ 1970

¹⁸ Todu, ami, naka ñwu me̩ kakini, Gbogbo tak efojale kpʼane̩-ile̩ ki lale rinyo̩, ina-wñ re okate kpʼomi-wñ re okate alale rinyo̩ bʼo̩lo̩da te̩ n, gbogbo tak o̩chaka-wñ wache.

Matiu 5:18 ပူးပေါင်းရင်းမြစ်များ

Luku 16:17

I muda me̩ tule kʼefojale kpai ane̩-ile̩-i ki lale rinyo̩ tʼina re ef o̩lo̩da kʼi wane̩ le.

Aizaya 40:8

Egbe akwacha, ododo acha; O̩la O̩jo̩-wa muda adago ogbegbele̩.

1 Pita 1:25

Uko̩la Ondu muda ado̩mo̩ tʼogbegbele̩. E-le̩ la chʼuko̩la kʼa dʼu juche̩nyo̩ rʼume̩.

Mark 13:30

Ami, naka ñwu me̩ kakini, I nʼugbo kʼabo o̩gba kide̩-i alale gbogbo tak e̩wñ-i du wache n.

Aizaya 51:6

Me̩ ki chʼeju-me̩ nyʼate̩ gʼefojale, kejurʼile̩ o̩gane̩-i; todu ojale ojale atakpa rʼeju dab odudu una, ile̩-i la agbo dab ukpo ubo̩lama, oñ abo ku ma dodo o̩mo̩ aku abe̩le̩ ge̩. Ujadu e-mi muda chʼogbegbele̩. O̩kpakpa-mi la atakpa n.

O̩la E̩bite 20:11

Tak u li ede efufu lile kpʼe̩ne̩ ki gugu oji-wñ, e-kʼane̩-ile̩ kpʼefojale ra bʼeju-wñ te̩; ma ño̩ li uña todu ma ge̩ n.

Eli Eko̩ DʼO̩jo̩ 102:26

Ama alenyo̩, uwe̩ muda ado̩mo̩ waa; o̩chaka-ma agbo dabe̩ne̩ kʼukpo ubo̩lama. Uwe̩ agwʼoka jʼane̩ kʼe̩ kʼekeji nyi dabe̩ne̩ kʼafe̩, ekpailo̩ i akpailo̩ chuu;

Jo̩n 5:19

Todule̩ Jisus dohi ñwu ma kakini, Ami, ami naka ñwu me̩ kakini, O̩ma neke chʼe̩wñ du kpai ojika o̩la-wñ n, chai e̩wñ kʼi li kʼAta ache; todu e̩wñ du kʼe̩ne̩ le̩ ache, e̩wñ le̩ oñ O̩ma ñʼache abe̩le̩ ge̩.

Matiu 17:20

Oñ i ka ñwu ma kakini, Lef e̩do̩ ekono-me̩ kʼi de̩ re-i. Todu, ami, naka ñwu me̩, iche̩wñ ku me̩ nʼe̩do̩ ekono dab e̩yo̩ mustadi, ame̩ aka ñw uwo-i kakini, Chi kwʼemi kʼe̩ nyʼano̩mo̩, i la achi alo, oñ e̩wñ du kʼome̩ ma neke che n ade̩ n. [

Matiu 16:28

Ami, naka ñwu me̩ kakini, Iche̩ka jʼef abo ku ma dago emi-i ki ma nʼugbo du ku ma ñʼama alu kʼuku de̩ n, gbogbo wʼe̩gba ku ma li abu kʼO̩ma One̩ awa ef o̩da ojane̩-wñ.

Matiu 13:17

Todu, ami naka ñwu me̩ ka ki nʼamakache̩ kpʼame̩no̩kpakpa wewe ku ma ñeju eli e̩wñ kʼame̩ jʼago-i, ma la liʼu n; ma ño̩ ñeju egbo̩ e̩wñ kʼame̩ jʼagbo̩-i, ma la gbo̩ n.

Matiu 10:23

Oñ e̩gba du ku ma doli me̩ ef ewoʼka, me̩ ra nyʼewo omune̩: todu, ami naka ñwu me̩-i ka kʼi nʼugbo du ku me̩ afʼewo ewo Israe̩l le kpa gbogbo tak O̩ma One̩ wa n.

Matiu 6:2

Todule̩ e̩gba kʼe̩ dʼe̩wñ chʼele ejumomi, e̩ ki fʼo̩kakachi o̩gba-we̩, alu kʼame̩nayechi ache ef unyi ujeju kpʼej o̩na, todu kʼamone̩ ki dʼojima ñwu ma n. Ami, naka ñwu me̩ kakini, Ma mʼuro̩me̩-ma gba kpa me̩.

Matiu 5:26

ami, naka ñwe̩, inʼugbo du kʼe̩ kwʼo̩mo̩ dufu n gbogbo tak e̩ fʼo̩me̩ anini otitala ra.

Eli Eko̩ DʼO̩jo̩ 119:152

U te̩te̩ ma kwef o̩la ibenu-we̩ kwʼigbelegbele ka kʼuwe̩ fʼunyane̩-wñ che tʼogbegbele̩.

Jo̩n 21:18

Ami, ami, naka ñw e̩ kakini, E̩gba kʼe̩ chʼimo̩to̩ e̩ dʼe̩wñ lʼo̩la-we̩ ago de̩, ugbo du ki la dʼuwe̩ e̩do̩ e̩ tale e̩gbale̩; ama e̩gba kʼe̩ gbo uwe̩ anʼo̩wo̩-we̩ dala oñ e̩nomune̩ adʼe̩wñ lʼuwe̩ ago de, tak i adʼuwe̩ nyʼugbo ki ma dʼuwe̩ e̩do̩ n.

Jo̩n 16:23

Tak ef o̩jo̩ kʼu naka-i me̩ ñʼatʼumi ene e̩wñ du n. Ami, ami, naka ñwu me̩, Me̩ bi Ata e̩wñʼka i adu ñwu me̩ ef odu-mi.

Jo̩n 16:20

Ami, ami, naka ñwu me̩ kʼame̩ araku, me̩ la akʼeli oye, abile̩ la ayo̩, me̩ la che̩do̩dudu, e̩do̩dudu-me̩ le̩ amud uyo̩.

Jo̩n 14:12

Ami, ami, naka ñwu me̩, e̩ne̩ ki ake̩do̩nʼomi, uko̩lo̩ kʼomi ache, e̩ne̩ le̩ ñʼache ge̩, kpai e-ki tʼe-i le i ache ge̩; todabu kʼomi anyʼugbo Ata.

Jo̩n 13:38

Jisus dohi kakini, Uwe̩ adʼoji-we̩ tinyo̩ tod umi? Ami, ami, naka ñw e̩ kakini, I nʼugbo du kʼaiko̩ ako̩ gbogbo tak e̩ raire̩ mi onu me̩ta n.

Jo̩n 13:16

Ami, ami, naka ñwu me̩ kakini, Adu atʼodu-wñ le n, e̩nukpuche̩ la tʼe̩ne̩ ki kpʼo̩ le n.

Jo̩n 12:24

Ami, ami, naka ñwu me̩, iche̩wñ kʼe̩yo̩ e̩wñ ma lewa tef ane̩ kʼi ku n, mak owñ kate atʼo̩mo̩; i muda che̩wñ kʼi leku i anʼe̩ro nana.

Jo̩n 10:7

Todule̩ Jisus ño̩ dabi ka ñwu ma kakini, Ami, ami, naka ñwu me̩, ka kʼomi chʼalugbana amala.

Jo̩n 10:1

Ami, ami, naka ñwu me̩ kakini, E̩ne̩ ki ma le alugbana iga-ala gudu tef uwñ n, kʼi muda ate̩gu le ugbo omune̩ wa, e̩ne̩ le̩ chʼajoji kpai adinya.

Jo̩n 8:58

Jisus ka ñwu ma kakini, Ami, ami, naka ñwu me̩, omi do̩mo̩ taku ma bi Ebraham.

Jo̩n 8:51

Ami, ami, naka ñwu me̩, iche̩wñ kʼone̩ dejutʼo̩la e-mi, i nʼugbo du kʼeju-wñ adʼuku ogbegbele̩ n.

Jo̩n 8:34

Jisus dohi ñwu ma kakini, Ami, ami, naka ñwu me̩ kakini, E̩ne̩ du ki ache e̩wñ adure chʼadu adure.

Jo̩n 6:53

Todule̩ Jisus ka ñwu ma kakini, Ami, ami, naka ñwu me̩ kakini, Iche̩wñ ku me̩ ma je̩ o̩re̩la O̩ma One̩ ku me̩ ma la ñmo̩ e̩bie̩-wñ n, ame̩ nʼiñmi ef o̩to̩to̩la-me̩ n.

Jo̩n 6:47

Ami, ami, naka ñwu me̩ kakini, E̩ne̩ ki ake̩do̩no fʼiñmi ogbegbele̩ ne̩ me̩.

Jo̩n 6:32

Todule̩ Jisus ka ñwu ma kakini, Ami, ami, naka ñwu me̩, i che Mose̩s dʼuje̩-wñ ki kwʼefojale le̩ ñwu me̩ n; Ata-mi muda akʼuje̩wñ e-ogbolo kwʼefojale ñwu me̩.

Jo̩n 6:26

Jisus dohi ñwu ma kakini, Ami, ami, naka ñwu me̩, i chʼutodabu ku me̩ fʼujiwe li oñ me̩ tene mi n, chai todabu ku me̩ bʼikpakpa le̩ je̩ kʼefu-me̩ la ko̩.

Jo̩n 3:11

Ami, ami, naka ñw e̩ ka kʼe̩wñ kʼa ma oñ a kʼo̩la-wñ, e̩wñ kʼa li e̩wñ le̩ a gbʼibenu-wñ; ame̩ la do̩ ibenu kʼa gba rʼochochi n.

Jo̩n 3:5

Jisus dohi kakini, Ami, ami naka ñw e̩ kakini, Iche̩wñ ku ma ma bi one̩ kwef omi kpai Afu n, i neke gudu nyʼojane̩ O̩jo̩ n.

Jo̩n 3:3

Jisus dohi ñw u kakini, Ami, ami, naka ñw e̩ kakini, Iche̩wñ ku ma ma bi one̩ etito̩ n i neke li ojane̩ O̩jo̩ n.

Jo̩n 1:51

Oñ i ka ñw u kakini, Ami, ami, naka ñwu me̩ kakini, Ame̩ ali efojale kʼi mubite̩, kpʼamonuche̩ O̩jo̩ ku ma jo̩ ate̩gu agwo̩ru wʼoji O̩ma One̩.

Luku 23:43

Oñ i ka ñw u kakini, Ami naka ñw e̩, eñini-i uwe̩ adʼugbo mi efu Paradais.

Luku 18:29

Oñ i ka ñwu ma, kakini, Ami, naka ñwu me̩, ka kʼi nʼe̩ne̩ du kʼi tʼunyi abe̩k o̩ya abe̩k amo̩maye abe̩k abo ki bi owñ abe̩k amo̩ma no̩ tod ojane̩ O̩jo̩

Luku 18:17

Ami, naka ñwu me̩ kakini, Iche̩wñ kʼe̩ne̩ du ma gba ojane̩ O̩jo̩ alu kʼimo̩to̩ kekele agba e̩wñ n, i nʼugbo du kʼi agudu tef uwñ n.

Luku 13:35

Go, ma tʼunyi-me̩ no̩ ñwu me̩ me̩; u la aka ñwu me̩-i kakini, I nʼugbo du ku me̩ li mi n, gbogbo tʼe̩gba ku me̩ akakini, Ekele ma kele E̩ne̩ kʼi awa ef odu Ondu.

Luku 12:37

Amadu kʼodu-ma lewa ali abu ku ma jʼagwe̩ke̩ adide gbede; ami naka ñwu me̩, ka kʼowñ adʼe̩wñ lʼago o̩la-wñ de, oñ i aje̩ ñwu ma chekukane̩ ku ma jʼe̩wñ, i la awʼugbo ma i ache e̩wñ ñwu ma.

Luku 11:51

Owñ chʼakwo e̩bie̩ Ebe̩l gbogbo tʼe̩bie̩ Zekaraya kʼoji-wñ lenyo̩ agbagba ubo̩ iche̩bo̩ kpʼunyi-i; ochochi, naka ñwu me̩ kakini, Ma afeju-wñ ugbo abo o̩gba kide̩.

Mark 14:30

Oñ Jisus ka ñw u kakini, Ami, naka ñw e̩ kakini, Eñini odu-i, gbogbo tak aiko̩ ko̩ onu meji, uwe̩ arʼaire̩-mi onu me̩ta.

Mark 14:25

Ami, naka ñwu me̩, kakini, Naño̩ ñmo̩ e̩ro achiwebe̩te̩ma ge̩ n, gbogbo kad o̩jo̩ kʼu nañmo̩ etito̩-wñ ojane̩ O̩jo̩.

Mark 14:18

Oñ abu ku ma gugu aje̩wñ, Jisus kakini, Ami, naka ñwu me̩, e̩ne̩ʼka ef ume̩ amʼumi du ñw amone̩ mu, owñ chʼe̩ne̩ ki ajʼe̩wñ kpʼomi.

Mark 14:9

Ami, naka ñwu me̩, ugbo du ku ma fʼakoya Uche̩nyo̩ ta ef o̩gbo̩ ile̩ du, ma ñʼadʼe̩wñ kʼonobule̩-i che ka tod arewa-wñ.

Mark 12:43

Tak i fʼamako̩che̩-wñ do̩ wʼugbo-wñ, oñ i ka ñwu ma kakini, Ami naka ñwu me̩, o̩yaukuo̩ko̩ e̩nale kide̩ du e̩wñ nana ro̩ tʼo̩ tʼamone̩ du ku ma kʼe̩wñ ro̩ tef akpati o̩ko̩-i le;

Mark 11:23

Ami, naka ñwu me̩, E̩ne̩ du ki aka ñw uwo-i kakini, Muchi kwʼo̩mo̩ kʼe̩ dʼo̩la-we̩ rikpolo tef ohimini kʼe̩do̩-wñ ma la chʼejeji n, kʼi la ake̩do̩no ka kʼe̩wñ kʼi aka la anoji, i ado̩mo̩ ñw u.

Mark 10:29

Jisus kakini, Ami naka ñwu me̩, kakini, I nʼe̩ne̩ du ki tʼunyi no̩, abe̩k amo̩maye e̩ne̩ke̩le̩, abe̩k onobule̩, abe̩k iye, abe̩k ata, abe̩k amo̩ma, abe̩k ane̩, todu mi kpai uche̩nyo̩,

Mark 10:15

Ami naka ñwu me̩ kakini, E̩ne̩ du ki ma agba ojane̩ O̩jo̩ dab imo̩to̩ n, i nʼugbo du kʼi agudu tef uwñ n.

Mark 9:41

Todu e̩ne̩ du ki adʼago omiofo ñwu me̩ ñmo̩ ef odu-mi, todabu ku me̩ chʼabo Kraist, ami, naka ñwu me̩, kakini, I nʼugbo du kʼuro̩me̩-wñ alenyo̩ n.

Mark 9:1

Oñ i ka ñwu ma kakini, Ami naka ñwu me̩, kakini, I nʼiche̩ka ef abo ku ma dago jʼemi, ki ma nʼugbo du kʼuku akado ma n, gbogbo tʼe̩gba ku ma li ojane̩ O̩jo̩ abu ki lewa ef ukpahiu.

Mark 8:12

Tak i ñmiru gbogbo ef afu-wñ, i kakini, E̩wñ chi kʼabo̩gba kide̩ afeju ujiwe taa? Ami, naka ñwu me̩, kakini, Ma adʼujiwe du ñw abo̩gba kide̩ n.

Mark 6:11

Ugbo du ku ma ma gba me̩ n, ku ma ma gbo̩ o̩la-me̩ n, e̩gba ku me̩ kwʼo̩mo̩ adufu, me̩ fʼebutu ki dʼef e̩re̩-me̩ gbanyo̩ todu kʼi gbibenu ñwu ma.

Mark 3:28

Ami naka ñwu me̩ kakini, Ma atʼadure du kpai echakpabie̩ du kʼamo̩ma amone̩ adu kpʼO̩jo̩ bie̩ no̩ ñwu ma;

Matiu 25:45

Tak i adohi ñwu ma kakini, Ami, naka ñwu me̩-i ka kʼukpe̩ ku me̩ ma che ñw e̩ne̩ʼka ef abo ki nya-i n, me̩ la che ñwu mi n.

Matiu 25:40

Tak Onu le̩ adohi ñwu ma kakini, Ami, naka ñwu me̩ kakini, Ukpe̩ ku me̩ che ñw e̩ne̩ ki nyaʼka ef amo̩maye-mi-i, mak omi me̩ che ñwu.

Matiu 25:12

Ama i dohi ñwu ma kakini, Ami, naka ñwu me̩ kakini, U ma me̩ n.

Matiu 24:47

Ami, naka ñwu me̩ kakini, I adʼadu le̩ dago kʼi mud adejute̩ idu-wñ chaka.

Matiu 24:2

Ama i dohi ñwu ma kakini, Me̩ li e̩wñ ki jo̩-i chaka? Ami, naka ñwu me̩ kakini, I nʼugbo du ku ma atʼokuta okate no̩ nʼe̩do̩ omune̩ emi ku ma ma agulo̩ wane̩ n.

Matiu 23:36

Ami, naka ñwu me̩ kakini, E̩wñ-i du awa bʼabo o̩gba-i oji ma.

Matiu 21:31

Ef uma meji e̩ne̩ chʼe̩ne̩ kʼi che e̩wñ ki dʼata-wñ e̩do̩? Ma kakini, E-ejodudu. Jisus ka ñwu ma kakini, Ami, naka ñwu me̩, ka kʼamagbo̩kane̩ kpʼamajo̩ko̩ atʼo̩gba ñwu me̩ nyʼojane̩ O̩jo̩.

Matiu 21:21

Oñ Jisus dohi ñwu ma kakini, Ami, naka ñwu me̩ kakini, Iche̩wñ ku me̩ nʼe̩do̩ ekono, kʼe̩do̩-me̩ ma chʼejeji n, iche̩wñ e-oli o̩gbaikolo-i kate oñ me̩ ache n; dagba me̩ chaka ka ñw uwo-i kakini, E̩ ki muchi kwʼemi kʼe̩ dʼo̩la-we̩ rikpolo tef ohimini abadi, i adʼabe̩le̩.

Matiu 19:28

Oñ Jisus ka ñwu ma kakini, Ami, naka ñwu me̩, ka kʼame̩ ku me̩ te̩tatʼumi ubi-i, iko ku ma nyʼe̩wñ du etito̩, e̩gba kʼO̩ma One̩ gugu oj ede ojima-wñ, ame̩ onugo agugu oj ede me̩gweji akajo̩ o̩lo̩pu Israe̩l me̩gweji.

Matiu 19:23

Oñ Jisus ka ñw amako̩che̩-wñ kakini, Ami, naka ñwu me̩, ka kʼakanya i che ñw anana tak i agudu tʼojane̩ e-efojale.

Matiu 18:18

Ami, naka ñwu me̩, kakini, E̩wñ du ki che ku me̩ ji ane̩-ile̩-i, achʼe-kʼi chʼe̩ji efojale; oñ e̩wñ du ku me̩ tu ane̩-ile̩-i achʼe-kʼi chʼe̩tu efojale.

Matiu 18:3

oñ i kakini, Ami, naka ñwu me̩ kakini, Me̩ ma rida ku me̩ dab abimo̩to̩ n, i anʼugbo du ku me̩ agudu tʼojane̩ e-efojale n.

Matiu 11:11

Ami, naka ñwu me̩ kakini, I nʼe̩ne̩ du kʼi kwane̩ ef abo kʼabobule̩ bi kʼi tu Jo̩n kʼi che baptism le n. E̩ne̩ kʼi muda nya ojane̩ e-efojale tʼowñ le.

Matiu 10:42

Oñ e̩ne̩ du kʼi che kʼi dʼago omi urudo̩do̩ ñw abo o-kekele-iʼka kʼi ñmo̩ ukpe̩ kʼi ma ka kʼako̩che̩ de̩ kate— Ami, naka ñwu me̩ kakini, I nʼugbo du kʼuro̩me̩-wñ alenyo̩ n.

Matiu 10:15

Ami, naka ñwu me̩ kakini, I ame̩ ñw ane̩ So̩do̩m kpai Go̩mo̩ra o̩jo̩ ajo̩ tʼe-ewo le̩ le.

Matiu 8:10

Oñ abu ki Jisus gbo̩, i kwoyaye, oñ i ka ñw abo ku ma rʼo̩ ubi kakini, Ami, naka ñwu me̩ kakini, U li e̩do̩ e̩ko̩no abe̩i ugbo e̩ne̩ du ef abo Israe̩l mama ta n.

Matiu 6:16

E̩gba ku me̩ la ajialu, me̩ ki bʼeju nyʼo̩wo̩ dab ame̩nayechi le̩ n; todu ma che kʼeju-ma ki kpa todu kʼi tejugede ñw amone̩ ka ku ma ajialu le̩. Ami, naka ñwu me̩ kakini, Ama mʼuro̩me̩-ma gba kpa me̩.

Luku 4:24

Tak i kakini, Ami naka ñwu me̩ ka kʼi nʼakache̩ du ki nyo̩ abo ane̩ ata-wñ eju ku ma agba n.

Eli Eko̩ DʼO̩jo̩ 111:8

i chʼelonyane̩ gbogbo alo ogbegbele̩, i che ef ochochi kpai o̩kpakpa.

Aizaya 44:26

kʼi fʼo̩la adu-wñ lonyane̩, kʼi la ache teju alu kʼamonuche̩-wñ ka; kʼi nʼo̩la Je̩rusale̩m aka kakini, One̩ adodo ef uwñ, kpai o̩la ewo ewo Juda kakini, Ma adabi ko̩, nakʼalache̩-wñ kwane̩ ge̩;