Matiu 4:23 - O̩TAKADA O̩LA O̩JO̩ 1970

²³ Taku Jisus fʼo̩gbo̩ ane̩ Galili du le ako̩ ma e̩wñ ef unyi ujeju-ma. I la nʼakoya Uche̩nyo̩ Ojane̩ ata, kpʼo̩ga du kpʼe̩gbo du ef amone̩ le̩ ache kpa.

Matiu 4:23 ပူးပေါင်းရင်းမြစ်များ

Matiu 9:35

Oñ Jisus tale ewo ewo du kpʼadogbe adogbe; i nʼe̩wñ ako̩ ma ef unyi ujeju-ma, i la nʼakoya Uche̩nyo̩ o̩da ojane̩ le̩ ata, i laño̩ nʼo̩ga du ache kpa kpʼe̩gbo o̩la du.

Mark 1:39

Oñ i lewa atakoya ef unyi ujeju-ma o̩gbo̩ ojane̩ Galili du, i laño̩ nʼamebili ane dufu.

E̩wñ kʼAme̩nukpuche̩ Che 10:38

alu kʼO̩jo̩ bʼAfu Kiafo̩ kpʼukpahiu ti Jisus abo Nazare̩t le̩ oji, kʼowñ la nyʼugbo du achuko̩lo̩ e̩nyo̩, kʼi laño̩ fʼo̩ga abo du kʼAbulumone̩ tʼuma ma chekpa, todu kʼO̩jo̩ dʼubi-wñ.

Luku 7:22

Tak i dohi ñwu ma kakini, Me̩ nyʼadʼinabali e̩wñ ku me̩ li ku me̩ la gbo̩ ñwu Jo̩n; amafeju agane̩, amachika alule̩, o̩la ame̩no̩ga ikpemute akwo hiolo; amajeti agbo̩la, ma jʼakʼabo ki ku kwane̩, ma jʼajʼuche̩nyo̩ rʼame̩nale;

Matiu 11:5

amakpejufo̩ adabi agane̩, amachika alule̩, o̩la ame̩no̩ga ikpemute afe̩, amajeti la agbo̩la, ma kʼabo ki ku kwane̩, ma ño̩ jʼUche̩nyo̩ rʼame̩nale.

Matiu 13:54

Oñ abu kʼi lewa oj ane̩ e-wñ, i nako̩ ma e̩wñ ef unyi ujeju-ma, todabe̩le̩, awuwu fʼuma mu, oñ ma kakini, Ugbo E̩ne̩-i nʼibe kpʼukpahiu-i kwo ta?

Mark 1:21

Taku ma le tʼefu Kapanahum; oñ ababale̩ i mugudu tef unyi ujeju o̩jo̩ uñmi oñ i ko̩ ma e̩wñ.

Eli Eko̩ DʼO̩jo̩ 103:3

owñ ki atʼudu du kʼe̩ fe̩ no̩ chʼuwe̩ ele, kʼi achʼo̩ga-we̩ chaka,

Abo Rom 10:15

E̩ne̩ du ma kpʼuma uche̩ n abu ma ñʼale ku ma atakoya? Owñ chʼalu ku ma ko̩tane̩ le̩ kakini, Go abu kʼe̩re̩ abo ku ma nʼuche̩ e̩wñ ki nyo̩ aje̩ chʼalifia!

Luku 8:1

Ubile̩ i leatu i lale gu ef ewo ewo kpai o̩ja du; i nʼakoya ata, i la nʼuche̩nyo̩ ojane̩ O̩jo̩ aje̩ rʼuma; abo me̩gweji le̩ manyʼo̩ o̩la,

Mark 6:2

Tak e̩gba kʼo̩jo̩ uñmi muñwa, i chane̩ eko̩ amone̩ e̩wñ ef unyi ujeju; oñ abu ku ma gbo̩ o̩la-wñ, ibe amone̩ wewe takpa rʼuma efu, ma kakini, Ugbo e̩ne̩-i nʼe̩wñ-i kwo ta? Ma ño̩ ka ge̩, kakini, Ibe e̩wñ oñ ma du ñw e̩ne̩-i? uko̩lo̩ ukpahiu abe̩i ki awache lef o̩wo̩-wñ, e̩wñ de̩?

Matiu 24:14

Ma la atakoya Uche̩nyo̩ e-Ojane̩-i ef o̩gbo̩ ile̩ du ugbo kʼone̩ te̩ kade kʼi gbʼibenu ñw abo uche̩ichi du; e̩gba le̩ tak ukpoji-wñ awa.

Matiu 12:9

I kwʼo̩mo̩ le oñ i nyʼef unyi ujeju-ma.

Jo̩n 18:20

Jisus dohi ñw u kakini, Omi te̩tako̩la ejugede ñw abile̩; omi ko̩ ma ef unyi ujeju kpai ef unyi O̩jo̩ ugbo kʼamaJu chaka wa jeju e̩gba du, u la ko̩la e̩wñ du maja n.

Luku 13:10

Oñ i dʼef unyi ujejuʼka ako̩ ma e̩wñ o̩jo̩ uñmi.

Luku 9:11

Ama abu kʼo̩wo̩-amone̩ le̩ fʼu ma, ma tʼo̩ ubi; i la yo̩ ñwu ma, i ko̩la e̩wñ ojane̩ O̩jo̩ ñwu ma, oñ i fʼo̩ga abo kʼeku o̩ga eche aku ma chekpa.

Luku 5:17

Tak i leatu o̩jo̩ʼka kʼi do̩mo̩ akʼone̩ e̩wñ, kʼabo Farisi kpai abo ku ma kʼone̩ o̩lo̩da ku ma kwo ewo ewo Galili kpai e-Judia kpai e-Je̩rusale̩m du wa ño̩ gugu jʼo̩mo̩; ukpahiu Ondu laño̩ dʼane̩ kʼi fʼo̩ga o̩la-ma chekpa.

Mark 6:6

I la kwoyaye tod eke̩do̩no ku ma ko̩ eke̩do̩no. Tak i tʼewo ewo ale daka ako one̩ e̩wñ.

Mark 3:10

todu abo kʼi che o̩ga-ma kpa che wewe; todabe̩le̩ abo du ku ma chʼo̩bata o̩ga gulo̩ bʼowñ ma, ku ma ki do̩wo̩kadʼo.

Mark 1:14

Abu ku ma mu Jo̩n du ñwu ma mu, Jisus wʼane̩ Galili atakoya Uche̩nyo̩ O̩jo̩, kakini,

Eli Eko̩ DʼO̩jo̩ 74:8

Ma ka ef e̩do̩-ma kakini, A ki fʼuma kpo̩fo̩ hioko; ma fʼuña ujeju O̩jo̩ chaka kʼi jʼoj ane̩-i gujo rinyo̩.

E̩wñ kʼAme̩nukpuche̩ Che 20:25

Fa-i me̩ la go, omi chema ka kʼe̩ne̩ du ef ume̩ kʼu te̩te̩tefu me̩ ale atakoya ojane̩ O̩jo̩ ñʼali eju-mi ge̩ n.

E̩wñ kʼAme̩nukpuche̩ Che 18:4

Tak i nako̩la rʼuma eju ef unyi ujeju-ma o̩jo̩ uñmi o̩jo̩ uñmi, i la che kʼi tʼamaJu kpai amaGrik eju gu.

Jo̩n 6:59

I fʼe̩wñ kide̩ ka ef unyi ujeju, abu kʼi nʼe̩wñ ako̩ ma Kapanahum.

Luku 10:9

me̩ ki che o̩ga abo ki ma lo̩ ñwu ma n ku ma jʼo̩mo̩ kpa, ku me̩ ka ñwu ma kakini, Ojane̩ O̩jo̩ me̩ru me̩ me̩.

Luku 6:17

Tak owñ kpʼama mugwo̩ru wa, oñ i kwodago ugbo ki de̩ te̩e̩le̩, tak o̩wo̩ amako̩che̩-wñ lile kpai ugwe̩ko̩ amone̩ wewe ki kwo Judia du kpai Je̩rusale̩m kpʼo̩lʼomi ane̩ Taya kpai Saido̩n ku ma wa ku ma gbʼo̩la-wñ, todu kʼi ño̩ fʼuma o̩ga chekpa.

Matiu 14:14

Tak abu kʼi dufu wa i fʼo̩wo̩ amone̩ lile li. Ejumomi-ma la je̩ ñw u n, oñ i fʼo̩ga ame̩no̩ga-ma che kpa.

Matiu 13:19

E̩gba du kʼone̩ agbʼo̩la ojane̩ le̩, kʼi ma la mʼoji-wñ n, e̩gbale̩ e̩ne̩bibi le̩ awa adʼe̩wñ ku ma du gbe̩ ef e̩do̩-wñ le̩ inya. Owñ le̩ chʼe-ku ma du gbe̩ eti o̩na.

Matiu 3:2

I kakini, Me̩ ribeda, todu ojane̩ e-efojale me̩rʼo̩wo̩ me̩.

Jo̩n 7:1

Tak ubi e-kide̩ Jisus tʼalule̩ ane̩ Galili, todu i dʼowñ e̩do̩ kʼi lule̩ ane̩ Judia n, todabu kʼamaJu feju ku ma dʼu kpa.

Luku 20:1

Oñ i leatu, o̩jo̩ʼka le̩, abu kʼi nako̩ amone̩ e̩wñ ef unyi O̩jo̩, kʼi nʼUche̩nyo̩ aje̩ru ma, amagboji amatama kpai amako̩takada manyʼabogijo lewabanʼo;

Luku 4:14

Taku Jisus mojida wa Galili ef ukpahiu Afu; oñ uwohi o̩la-wñ kwodufu tʼoj o̩gbo̩ ane̩ du ki lʼo̩mo̩ daka.

Luku 6:6

Oñ i leatu o̩jo̩ uñmi omune̩ i mugudu tef unyi ujeju oñ i ko̩ amone̩ e̩wñ; e̩ne̩ʼka la dʼane̩ o̩me̩ kʼo̩wo̩-wñ awo̩to̩ che̩gbe̩.

Luku 7:21

Ef adiko auwa le̩, i je̩ ñw o̩ga kpai o̩pe̩cha kpai afu ibi kwo bʼamone̩ wewe te̩; i ño̩ mʼugane̩ du chʼamafeju wewe ele ufe̩de̩nyo̩ ge̩.

Luku 9:60

Ama i ka ñw u kakini, Tʼabo ki ku no̩ ku ma jʼoku abo e-ma ki ku, ama uwe̩ ki nalo kʼe̩ dʼo̩la ojane̩ O̩jo̩ kpogo.

Luku 16:16

O̩lo̩da kpai amakache̩ do̩mo̩ gbogbo wʼe̩gba Jo̩n: akwʼe̩gba le̩ ma nʼuche̩nyo̩ ojane̩ O̩jo̩ aje̩, oñ e̩ne̩ du nagwo̩ko̩ rʼef uwñ.

E̩wñ kʼAme̩nukpuche̩ Che 28:31

i la nʼakoya ojane̩ O̩jo̩ ata, i la nʼeju e̩gbo kʼone̩ o̩la e̩wñ du ki jʼugbo Ondu Jisusi Kraist, e̩ne̩ du la fʼu naba n.