Matiu 4:19 - O̩TAKADA O̩LA O̩JO̩ 1970

¹⁹ Tak i ka ñwu ma kakini, Me̩ lewa tʼumi ubi, oñ nako me̩ chʼamekwuji ku me̩ mʼamone̩.

Matiu 4:19 ပူးပေါင်းရင်းမြစ်များ

Jo̩n 12:26

Iche̩wñ kʼe̩ne̩ du ache e̩wñ ñw omi, i ki natʼumi ubi; tak ugbo kʼomi de̩, o̩mo̩ e̩ne̩ ki ache e̩wñ ñwu mi ñʼade̩ ge̩; iche̩wñ kʼe̩ne̩ du ache e̩wñ ñwu mi, Ata-mi abumʼo̩.

Matiu 16:24

Taku Jisus ka ñw amako̩che̩-wñ kakini, Iche̩wñ ki dʼe̩ne̩ du e̩do̩ kʼi tʼumi ubi, i ki fʼaire̩ o̩la-wñ re̩, kʼi la mʼoli uku-wñ du, kʼi tʼumi ubi.

Luku 9:59

I ño̩ ka ñw e̩ne̩ omune̩ kakini, Tʼumi ubi. Ama e̩ne̩ le̩ kakini, Ondu, je̩ ñwu mi kʼu fʼata-mi ji ejodudu ta.

Jo̩n 21:22

Jisus ka ñw u kakini, Iche̩wñ ki dʼumi e̩do̩ kʼi gugu gbogbo tak u wa, o̩wo̩-we̩ do̩? Uwe̩ ki tʼumi ubi.

Jo̩n 1:43

O̩jo̩ñwa-wñ i dʼowñ e̩do̩ kʼi dufu nyi Galili. Tak i fu Filip li, oñ Jisus ka ñwu kakini, Tʼumi ubi.

Luku 5:27

Tak ubi e̩wñ kide̩-i i kwodufu oñ i li agbo̩kane̩ʼka kʼodu-wñ ko̩ Lifai, i gugu ugbo ku ma gba o̩kane̩, tak i ka ñw u kakini, Tʼumi ubi.

Mark 2:14

Abu kʼi alale, i fu Lifai o̩ma Alfio̩s li abu kʼi gugu ugbo ku ma gba o̩kane̩. Tak i ka ñw u, kakini, Tʼumi ubi. Oñ i kwane̩ tʼo̩ ubi.

Matiu 19:21

Taku Jisus ka ñw u kakini, Iche̩wñ ki dʼuwe̩ e̩do̩ kʼe̩ mufu, e̩ nyʼamʼane̩-we̩ ko ta, kʼe̩ mʼu ko ñw ame̩nale, tak uwe̩ anʼe̩wñ akoko efojale; tak e̩ lewa tʼumi ubi.

Matiu 9:9

Tak abu ki Jisus kwʼo̩mo̩ alale, i li e̩ne̩ʼka kʼi gugu unyi ugbo ku ma gbʼo̩kane̩, odu-wñ ko̩ Matiu. Oñ i ka ñw u kakini, Tʼumi ubi. Tak i kwane̩ atʼo̩ ubi.

Matiu 8:22

Taku Jisus ka ñw u kakini, Tumi ubi, kʼe̩ la tʼabo ki ku no̩ ku ma ji abo e-ma ki ku.

2 Abo Ko̩rint 12:16

I dʼabe̩le̩ ke, omi dʼadu ki aka me̩ ñw me̩ n, ama abu kʼu chʼe̩nugbeju oñ u nʼo̩gwo̩ fʼume̩ mu le̩.

Matiu 4:18

Oñ abu kʼi alule̩ etʼohimini Galili, i fʼamo̩maye meji li, Saimo̩n ku ma do̩ ko̩ iPita kpʼAnduru, o̩maye-wñ; ma jʼarʼiga ef ohimini; todu ma chʼamekwuji.

Matiu 4:20

Ababale̩ ma la tʼiga-ma no̩, ma tʼo̩ ubi.