Matiu 4:17 - O̩TAKADA O̩LA O̩JO̩ 1970

¹⁷ Akwe̩gba le̩ Jisus chane̩ etakoya, i nakakini, Me̩ ribeda; todu ojane̩ e-efojale me̩ro̩wo̩ me̩.

Matiu 4:17 ပူးပေါင်းရင်းမြစ်များ

Matiu 3:2

I kakini, Me̩ ribeda, todu ojane̩ e-efojale me̩rʼo̩wo̩ me̩.

E̩wñ kʼAme̩nukpuche̩ Che 2:38

Oñ Pita ka ñw ma kakini, Me̩ ribeda, kʼe̩ne̩ne̩ne̩ne̩-me̩ ki nache baptism ef odu Jisusi Kraisti, ku ma tʼadure-me̩ no̩ taku me̩ agbʼAfu Kiafo̩ ele.

Luku 5:32

U wa kʼu do̩ abo̩kpakpa n chai ame̩nadure ku ma lef uribeda.

Luku 24:47

ku ma ki ño̩ fʼakoya ibe erida kpai adure eto̩no̩ ta ef odu-wñ ugbo abo uche̩ichi chaka, kʼama ki chane̩ Je̩rusale̩m.

E̩wñ kʼAme̩nukpuche̩ Che 17:30

Todule̩ abu kʼO̩jo̩ fʼeju kpʼiko ugbodu kide̩ bo, fa-i i aka ñw amone̩ du ugbo du ku ma ribeda:

Matiu 9:13

Me̩ muda lo ku me̩ ko̩che̩ e̩wñ kʼi chʼofe, Ejumomi dʼumi e̩do̩, e̩wñ iche̩bo̩ la dʼumi e̩do̩ n; todu u wa kʼu do̩ abo̩kpakpa n, chai ame̩nadure.

E̩wñ kʼAme̩nukpuche̩ Che 26:20

Ama u mudu ka ñw abo Damaskus ejodudu, kpʼabo Je̩rusale̩m kpʼabo ane̩ Judia chaka, kpʼabo uche̩ichi ka ku ma ki ribeda ku ma laño̩ rida abʼO̩jo̩ ku ma nʼuko̩lo̩ ki chʼeju ibe erida ache.

Luku 15:7

Naka ñwu me̩ kakini, Abe̩le̩ uyo̩ ade̩ efojale noj e̩nadureʼka kʼi ribeda, tʼe-kʼi de̩ noj ame̩no̩kpakpa o̩gbo̩ me̩le̩ nyoke me̩gwe̩la kʼeku ibe-erida ma ku ma n le.

E̩wñ kʼAme̩nukpuche̩ Che 3:19

Todule̩ me̩ naribeda, me̩ ki la rida to̩ kʼama ki fʼadure-me̩ kpalu, todu kʼiko iko o̩la eruko ki kwʼo̩gba Ondu wa:

Luku 15:10

Abe̩le̩, naka ñwu me̩, uyo̩ awate̩ eju amonuche̩ O̩jo̩ noj e̩nadureʼka kʼi aribeda.

E̩wñ kʼAme̩nukpuche̩ Che 20:21

U gbibenu ibe-erida tʼO̩jo̩ kpʼe̩do̩-ekono Ondu-wa Jisus Kraisti ñw amaJu kpai amaGrik nyo̩nyo.

Abo Hibru 6:1

Todule̩ a ki tʼuchane̩ o̩la Kraisti no̩ kʼa te̩ tef okone̩ alo, a ki we emʼe̩re̩ ibe erida bʼuko̩lo̩ uku te̩ kpʼe̩do̩ ekono O̩jo̩ du nyane̩ ño̩ du nyane̩,

E̩wñ kʼAme̩nukpuche̩ Che 11:18

Oñ abu ku ma gbo̩-i ma chechi, ma la dʼojima ñw O̩jo̩ kakini, Mak O̩jo̩ ño̩ mʼibe-erida du ñw abo uche̩ichi ku ma tef iñmi me̩ ge̩!

Matiu 25:1

E̩gba le̩ ma adu ojane̩ e-efojale wawe abigbe̩le̩ me̩gwa ku ma ma mʼe̩ne̩ke̩le̩ n, ku ma mʼagege-ma ko ledufu aledo o̩ko̩ya etito̩.

Matiu 13:47

Omune̩ ño̩ de̩ ge̩, Ojane̩ efojale dab iga ku ma ro̩ nyʼef ohimini kʼi ayʼe̩ja kwef uche̩ uche̩ ame̩ja du wajo̩.

Matiu 10:7

Abu ku me̩ alo me̩ natakoya kakini, Ojane̩ e-efojale me̩rʼo̩wo̩ me̩.

Luku 9:2

Tak i fʼuma kpe̩ olo ku ma nyʼatakoya ojane̩ O̩jo̩, ku ma laño̩ fʼe̩gbo̩ ame̩ne̩gbo o̩la chekpa.

Matiu 11:12

Oñ akwʼiko Jo̩n kʼi ache baptism awʼifa-i ma gwo̩ko̩rʼojane̩ e-efojale, oñ abo ku ma cho̩ko̩ le̩ adʼowñ inya.

Matiu 13:24

I fʼita omune̩ kpa jʼane̩ ñwu ma kakini, Ojane̩ efojale dabe̩ne̩ kʼone̩ kʼi adʼe̩yo̩ o̩me̩me̩le̩ gbe̩ ef uche̩-wñ;

Matiu 13:9

E̩ne̩ ki nʼeti kʼi nagbo̩.

Matiu 13:11

Oñ i dohi ñwu ma kakini, Todabu ku ma mʼe̩wñ afili e-ojane̩ efojale ko ñwu me̩ ku me̩ ma; ma muda ko ñw abo ki jo̩-i n.

Matiu 6:10

Ojane̩-we̩ ki lewa, E̩wñ ki dʼuwe̩ e̩do̩ ki che, Alu kʼi de̩ efojale, kʼi ño̩ dʼabe̩le̩ ane̩-ile̩-i ge̩.

Luku 3:23

Oñ o̩do̩ Jisus e̩gba kʼi chane̩ dabe̩ne̩ kʼogue̩gwa; amone̩ do̩ kʼi chʼo̩ma Jose̩f e-Hifai,